https://arm.sputniknews.ru/20221211/inch-karvogh-e-hajastanin-tal-shhkaph-hartaky-razmakan-tesankjunic-qaghaqageti-kartsiqy--52457371.html
Ի՞նչ կարող է Հայաստանին տալ ՇՀԿ–ԱՊՀ հարթակը ռազմական տեսանկյունից. քաղաքագետի կարծիքը
Ի՞նչ կարող է Հայաստանին տալ ՇՀԿ–ԱՊՀ հարթակը ռազմական տեսանկյունից. քաղաքագետի կարծիքը
Sputnik Արմենիա
Քաղաքագետ, չինաստանագետ Մհեր Սահակյանը Sputnik Արմենիայի եթերում անդրադարձել է այն հարցին, թե ինչպես կարող է Հայաստանը ռազմաքաղաքական տեսանկյունից իր համար... 11.12.2022, Sputnik Արմենիա
2022-12-11T22:38+0400
2022-12-11T22:38+0400
2022-12-11T22:38+0400
շհկ
հայաստան և հապկ
հավաքական անվտանգության պայմանագիր կազմակերպություն (հապկ)
անկախ պետությունների համագործակցություն (ապհ)
ռադիո
պոդկաստ
https://cdn.am.sputniknews.ru/img/07e6/0c/0a/52447326_0:251:3194:2048_1920x0_80_0_0_227f6d2db3ed89842c721c128a4f31b1.jpg
Պետք է անօդաչուների և ռոբոտացված սարքերի ձեռքբերման հարցում սերտորեն համագործակցել Չինաստանի հետ
Sputnik Արմենիա
Պետք է անօդաչուների և ռոբոտացված սարքերի ձեռքբերման հարցում սերտորեն համագործակցել Չինաստանի հետ
Շատ լավ է, որ Շանհայան կազմակերպության և ԱՊՀ–ի միջև ստորագրվել է կոմյունիկե, հետևաբար Հայաստանը պետք է ավելի խորացնի համագործակցությունը, նրա ներկայացուցիչները պետք է մասնակցեն գագաթաժողովներին հատկապես ռազմական փոխգործակցության նոր եզրեր գտնելու համար։ Sputnik Արմենիայի հետ զրույցում նման կարծիք հայտնեց քաղաքագետ Մհեր Սահակյանը։Շանհայի համագործակցության կազմակերպության (ՇՀԿ) և Անկախ պետությունների համագործակցության (ԱՊՀ) երկրների պաշտպանական գերատեսչությունների ղեկավարները համատեղ կոմյունիկե են ստորագրել ՌԴ պաշտպանության նախարար, բանակի գեներալ Սերգեյ Շոյգուի նախագահությամբ Մոսկվայում տեղի ունեցած հանդիպման արդյունքների շուրջ:Նա վկայակոչեց վերջերս ակտիվացած հայ–հնդկական համագործակցությունը ռազմական ոլորտում, թեև հիշեցրեց, որ Հնդկաստանն իր ռազմարդյունաբերությունը զարգացրել է հենց Ռուսաստանի օգնությամբ և հնդկական զինատեսակները, ըստ էության, ռուսական զենքերի պատճենն են։ Հայաստանը, ըստ Սահակյանի, պետք է հատկապես անօդաչուների և ռոբոտացված սարքերի ձեռքբերման հարցում սերտորեն համագործակցի Չինաստանի հետ։«Ռուսաստանն էլ շահագրգռված է, որ իր դաշնակիցներն առավելագույն չափով ինտեգրվեն վերոհիշյալ ձևաչափին, առավել ևս որ ՌԴ–ն ու Չինաստանը գործուն քայլեր են կատարում միասնական արևելյան բևեռ ստեղծելու ճանապարհին, նրանք երկուսն էլ իրենց դաշնակիցներին ու ռազմավարական գործընկերներին բերում են դեպի տվյալ հարթակ` ավելի մեծացնելով նրա կշիռը»,– ասաց մեր զրուցակիցը։ ՇՀԿ և ԱՊՀ երկրները կամրապնդեն ռազմական կապերը. ՇոյգուՔաղաքագետի դիտարկմամբ` Արևմուտքը փորձում է ցույց տալ, թե որքան վատ կառույցներ են ՀԱՊԿ–ն ու ԵԱՏՄ–ն, բայց փոխարենը ոչինչ չի առաջարկում այդ կառուցներում ընդգրկված պետություններին։ Կյանքը ցույց է տալիս, որ արևմտյան կառույցներում, ինչպիսիք են ՆԱՏՕ–ն ու ԵՄ–ն, ո՛չ Ռուսաստանին են սպասում, ո՛չ էլ Հայաստանին, ինչը պետք է շատ լավ գիտակցեն նրանք, ովքեր Հայաստանում քննադատում են ՀԱՊԿ–ն ու ԵԱՏՄ–ն` առանց հասկանալու, որ ՀՀ–ն շուրջ 30 տարի անդամակցում է այդ կառույցներին և, ըստ էության, այլընտրանք չունի։2021-ի սեպտեմբերին Դուշանբեում կայացած ՇՀԿ-ի գագաթնաժողովում սկսվել է նաև Եգիպտոսին, Քաթարին և Սաուդյան Արաբիային երկխոսության գործընկերոջ կարգավիճակ տրամադրելու ընթացակարգը: Այս տարի Բելառուսը պաշտոնապես դիմել է ՇՀԿ-ին որպես լիիրավ անդամ միանալու համար:
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
շհկ, հայաստան և հապկ, հավաքական անվտանգության պայմանագիր կազմակերպություն (հապկ), անկախ պետությունների համագործակցություն (ապհ), аудио, պոդկաստ
շհկ, հայաստան և հապկ, հավաքական անվտանգության պայմանագիր կազմակերպություն (հապկ), անկախ պետությունների համագործակցություն (ապհ), аудио, պոդկաստ
Ի՞նչ կարող է Հայաստանին տալ ՇՀԿ–ԱՊՀ հարթակը ռազմական տեսանկյունից. քաղաքագետի կարծիքը
Քաղաքագետ, չինաստանագետ Մհեր Սահակյանը Sputnik Արմենիայի եթերում անդրադարձել է այն հարցին, թե ինչպես կարող է Հայաստանը ռազմաքաղաքական տեսանկյունից իր համար շահավետորեն օգտագործել Շանհայան կազմակերպության և ԱՊՀ–ի միջև համագործակցության հարթակը։
Շատ լավ է, որ Շանհայան կազմակերպության և ԱՊՀ–ի միջև ստորագրվել է կոմյունիկե, հետևաբար Հայաստանը պետք է ավելի խորացնի համագործակցությունը, նրա ներկայացուցիչները պետք է մասնակցեն գագաթաժողովներին հատկապես ռազմական փոխգործակցության նոր եզրեր գտնելու համար։
Sputnik Արմենիայի հետ զրույցում նման կարծիք հայտնեց քաղաքագետ Մհեր Սահակյանը։
Շանհայի համագործակցության կազմակերպության (ՇՀԿ) և Անկախ պետությունների համագործակցության (ԱՊՀ) երկրների պաշտպանական գերատեսչությունների ղեկավարները համատեղ կոմյունիկե են ստորագրել ՌԴ պաշտպանության նախարար, բանակի գեներալ Սերգեյ Շոյգուի նախագահությամբ Մոսկվայում տեղի ունեցած հանդիպման արդյունքների շուրջ:
«Հայաստանի համար կարևոր է իր հարաբերությունները պահպանել և զարգացնել ՀԱՊԿ–ի դաշնակիցների, գլխավորապես հիմնական դաշնակից ՌԴ–ի հետ` փորձելով նաև ուղիներ գտնել ռազմական փոխգործակցությունը զարգացնելու ՇՀԿ–ում ընդգրկված երկրների հետ»– ասաց Սահակյանը։
Նա վկայակոչեց վերջերս ակտիվացած հայ–հնդկական համագործակցությունը ռազմական ոլորտում, թեև հիշեցրեց, որ Հնդկաստանն իր ռազմարդյունաբերությունը զարգացրել է հենց Ռուսաստանի օգնությամբ և հնդկական զինատեսակները, ըստ էության, ռուսական զենքերի պատճենն են։ Հայաստանը, ըստ Սահակյանի, պետք է հատկապես անօդաչուների և ռոբոտացված սարքերի ձեռքբերման հարցում սերտորեն համագործակցի Չինաստանի հետ։
«Ռուսաստանն էլ շահագրգռված է, որ իր դաշնակիցներն առավելագույն չափով ինտեգրվեն վերոհիշյալ ձևաչափին, առավել ևս որ ՌԴ–ն ու Չինաստանը գործուն քայլեր են կատարում միասնական արևելյան բևեռ ստեղծելու ճանապարհին, նրանք երկուսն էլ իրենց դաշնակիցներին ու ռազմավարական գործընկերներին բերում են դեպի տվյալ հարթակ` ավելի մեծացնելով նրա կշիռը»,– ասաց մեր զրուցակիցը։
Քաղաքագետի դիտարկմամբ` Արևմուտքը փորձում է ցույց տալ, թե որքան վատ կառույցներ են ՀԱՊԿ–ն ու ԵԱՏՄ–ն, բայց փոխարենը ոչինչ չի առաջարկում այդ կառուցներում ընդգրկված պետություններին։ Կյանքը ցույց է տալիս, որ արևմտյան կառույցներում, ինչպիսիք են ՆԱՏՕ–ն ու ԵՄ–ն, ո՛չ Ռուսաստանին են սպասում, ո՛չ էլ Հայաստանին, ինչը պետք է շատ լավ գիտակցեն նրանք, ովքեր Հայաստանում քննադատում են ՀԱՊԿ–ն ու ԵԱՏՄ–ն` առանց հասկանալու, որ ՀՀ–ն շուրջ 30 տարի անդամակցում է այդ կառույցներին և, ըստ էության, այլընտրանք չունի։
Հիշեցնենք, որ ՇՀԿ-ն միջազգային կազմակերպություն է, որը հիմնադրվել է 2001 թվականին։ Անդամներն են Հնդկաստանը, Ղազախստանը, Չինաստանը, Ղրղզստանը, Ռուսաստանը, Տաջիկստանը, Պակիստանն ու Ուզբեկստանը։ Դիտորդներն են Աֆղանստանը, Բելառուսը, Իրանը և Մոնղոլիան, գործընկեր երկրները` Ադրբեջանը, Հայաստանը, Կամբոջան, Նեպալը, Թուրքիան և Շրի Լանկան:
2021-ի սեպտեմբերին Դուշանբեում կայացած ՇՀԿ-ի գագաթնաժողովում սկսվել է նաև Եգիպտոսին, Քաթարին և Սաուդյան Արաբիային երկխոսության գործընկերոջ կարգավիճակ տրամադրելու ընթացակարգը: Այս տարի Բելառուսը պաշտոնապես դիմել է ՇՀԿ-ին որպես լիիրավ անդամ միանալու համար:
