Հայաստանում ռուսաստանցիների կողմից անշարժ գույքի գնման պահանջարկն աճել է 43%-ով

© Sputnik / Andranik GhazaryanՌուս զբոսաշրջիկներ
Ռուս զբոսաշրջիկներ - Sputnik Արմենիա, 1920, 12.12.2022
Բաժանորդագրվեք
НовостиTelegram
Ռուսաստանցիների շրջանում անշարժ գույքի ներդրումների համար ամենատարածված ուղղությունների հնգյակում են Թուրքիան, ԱՄԷ-ն և Վրաստանը։
ԵՐԵՎԱՆ, 12 դեկտեմբերի – Sputnik. Հայաստանում ռուսաստանցիների կողմից անշարժ գույքի գնման պահանջարկն աճել է 43 տոկոսով։ Տեղեկությունը հայտնում է ՏԱՍՍ-ը՝ հղում անելով անշարժ գույքի բրոկեր միջազգային ընկերությանը:
Մոտ 44%-ով պահանջարկն աճել է նաև Ղրղզստանում։
Հետազոտության համաձայն՝ արտասահմանում անշարժ գույք ձեռք բերելու հարցումների ամենամեծ մասնաբաժինն ընկնում է Մոսկվայի (44,6%), Սանկտ-Պետերբուրգի (10%) ու Կրասնոդարի երկրամասի վրա (4,9%): Մոսկվացիներն ամենամեծ պահաջարկ ցուցաբերող տասնյակի շրջանում առաջատար են միջին բյուջեի տեսակետից՝ 300 հազար եվրո։
Նոր միտում Հայաստանի անշարժ գույքի շուկայում. մարդիկ սկսել են նվիրել իրենց տները
Ռուսաստանի որոշ շրջանների գնորդները մոսկվացիներից ավելի շատ գումար են հատկացնում արտասահմանում անշարժ գույք գնելու համար։
Այդ շրջաններն են՝ Չելյաբինսկի մարզը (€400 հազար), Ալթայի երկրամասը (€381 հազար), Սամարայի մարզն (€380 հազար) ու Պրիմորսկի երկրամասը (€303 հազար)։ Խանտի-Մանսիյսկի ինքնավար օկրուգի գնորդների միջին և առավելագույն բյուջեները կարելի է համեմատել մոսկվացիների բյուջեի հետ։
Ընդ որում` ռուսաստանցիների կողմից անշարժ գույք գնելու հարցում, տարվա նախնական տվյալների համաձայն, առաջատար հնգյակում են Թուրքիան (հարցումների 24%–ը), ԱՄԷ-ն (10%), Վրաստանը (9%), Իսպանիան և Հունաստանը (8-ական%):
Քերոբյանն անշարժ գույքի գործակալներին կոչ է անում գտնել տանտերերին և համոզել վարձով տալ
Ընդհանուր առմամբ` Ռուսաստանում անցնող տարվա 11 ամիսների ընթացքում արտասահմանյան անշարժ գույքի պահանջարկն աճել է ավելի շատէ, քան ԱՊՀ շատ այլ երկրներում` 89%-ով:
Այսպես, ըստ Հայաստանի միգրացիոն կոմիտեի տվյալների՝ 2022 թվականի առաջին կիսամյակում ՀՀ է մուտք գործել ՌԴ 372 086 քաղաքացի, որոնցից 331 306-ը լքել են երկրի տարածքը։ Հայաստան միգրացիայի ևս մեկ ալիք է սկսվել այս տարվա սեպտեմբեր-հոկտեմբեր ամիսներին, սակայն դեռ հստակ տվյալներ չկան, թե քանի մարդ է երկար ժամանակով բնակություն հաստատելու որոշում կայացրել:
Լրահոս
0