ԵՄ-ն լրջորեն մտահոգված է Լաչինի միջանցքի շուրջ տեղի ունեցող իրադարձություններով. Ստանո
21:02 13.12.2022 (Թարմացված է: 21:45 13.12.2022)
© Photo : twitter / Peter Stano @ExtSpoxEU
Բաժանորդագրվել
Թվիթեր Ստանոն իր թվիթերյան էջում գրել է, որ ԵՄ–ն մտահոգված է նաև Արցախում գազամատակարարումների դադարեցման մասին հաղորդագրություններով։
ԵՐԵՎԱՆ, 13 դեկտեմբերի – Sputnik. ԵՄ-ն հետևում է և լրջորեն մտահոգված է Լաչինի միջանցքի շուրջ տեղի ունեցող իրադարձություններով։ Թվիթերյան իր էջում նման գրառում է արել Պիտեր Ստանոն` ԵՄ արտաքին հարաբերություների և անվտանգության քաղաքականության գրասենյակի մամուլի քարտուղարը։
«ԵՄ–ն կոչ է անում ԼՂ–ում ապահովել տեղաշարժի ազատությունն ու անվտանգությունը՝ համաձայն 2020 թվականի նոյեմբերի եռակողմ հայտարարության։ Նման սահմանափակումները զգալի մարդասիրական խնդիրներ են ստեղծում տեղի բնակչության համար։ ԵՄ–ն մտահոգված է նաև Ադրբեջանի կողմից դեպի Ղարաբաղ գազամատակարարման դադարեցման մասին հաղորդագրություններով»,–գրել է Ստանոն։
Նրա խոսքով` խնդիրները կարող են և պետք է լուծվեն երկխոսության և շահագրգիռ կողմերի հետ խորհրդակցությունների միջոցով:
ԵՄ-ն զսպվածության կոչ է անում և պատրաստ է իր ներդրումն ունենալ վերոնշյալ ջանքերում։
Armenia/Azerbaijan:🇪🇺 follows w/serious concern situation around #Lachin corridor;calls on 🇦🇿 to ensure freedom & security of movement in line with the 3lateral statement of November‘20.🇪🇺 also concerned by reports of 🇦🇿 cutting off gas supply to Karabakh https://t.co/chkcnlteCw
— Peter Stano (@ExtSpoxEU) December 13, 2022
Հիշեցնենք՝ դեկտեմբերի 12-ի առավոտյան Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։
Նույնը տեղի էր ունեցել նաև դեկտեմբերի 3-ին։ ՌԴ խաղաղապահների՝ ավելի քան երեք ժամ տևած բանակցություններից հետո ճանապարհը երկկողմանի բացվել էր։
