ՖԻՖԱ–ն ֆուտբոլի աշխարհի առաջնությունից 7.5 մլրդ դոլար եկամուտ է ստացել. Ինֆանտինո

© Sputnik / Александр Кряжев / Անցնել մեդիապահոցՋանի Ինֆանտինո
Ջանի Ինֆանտինո - Sputnik Արմենիա, 1920, 16.12.2022
Ջանի Ինֆանտինո
Բաժանորդագրվեք
НовостиTelegram
ՖԻՖԱ–ի ղեկավարը գովել է հատկապես կին մրցավարներին ու Մարոկկոյի հավաքականին։
ԵՐԵՎԱՆ, 16 դեկտեմբերի – Sputnik. Ֆուտբոլի միջազգային ֆեդերացիայի (ՖԻՖԱ) նախագահ Ջանի Ինֆանտինոն հայտարարել է, որ Կատարում անցկացվող ֆուտբոլի աշխարհի առաջնությունը լավագույնն է պատմության մեջ։
«Ցանկանում եմ առանձին գովել կին մրցավարներին և Մարոկկոյի հավաքականին, որը դուրս եկան կիսաեզրափակիչ։ Աշխարհի առաջնությունն անհավանական հաջողված դարձավ բոլոր ուղղություններով։ Իհարկե, ամենակարևորը երկրպագուներն են։ ՖԻՖԱ–ի եկամուտը այս ԱԱ–ում կազմում է 7.5 մլրդ դոլար։ Սա 1 միլիարդով շատ է 4 տարի առաջվա ցուցանիշից։ 3.27 մլն հանդիսատես է այցելել ԱԱ-2022-ի խաղերը դիտելու, իսկ Ռուսաստանում անցկացված առաջնության ժամանակ` 3.03 մլն։ Ամենաշատ երկրպագուները ժամանել էին Սաուդյան Արաբիայից, Հնդկաստանից, ԱՄՆ–ից, Մեծ Բրիտանիայից և Մեքսիկայից»,– ասել է Ինֆանտինոն։
Մակրոնը կրկին կայցելի Կատար և կաջակցի Ֆրանսիայի հավաքականին
Հիշեցնենք` Կատարը արաբական առաջին երկիրն է, որը ֆուտբոլի աշխարհի առաջնություն անցկացնելու իրավունք է ստացել։ Արգենտինա-Ֆրանսիա եզրափակիչ խաղը կանցկացվի դեկտեմբերի 18-ին Կատարի «Լուսայլ Իկոնիկ» մարզադաշտում։
Հայտնի է, թե ով կսպասարկի Մունդիալ-2022-ի եզրափակիչ` Ֆրանսիա-Արգենտինա խաղը
Լրահոս
0