«Վանաձոր» ԲԿ–ի ախտաբանահյուսվածքաբանական լաբորատորիան կվերազինվի. գումարը Ճապոնիան կտա

© Sputnik / Aram NersesyanՀՀ–ում Ճապոնիայի դեսպան Ֆուկուշիմա Մասանորին, Անահիտ Ավանեսյանն ու «Ազնավուր» հիմնադրամի տնօրեն Քրիստինա Ազնավուրը
ՀՀ–ում Ճապոնիայի դեսպան Ֆուկուշիմա Մասանորին, Անահիտ Ավանեսյանն ու «Ազնավուր» հիմնադրամի տնօրեն Քրիստինա Ազնավուրը - Sputnik Արմենիա, 1920, 21.12.2022
ՀՀ–ում Ճապոնիայի դեսպան Ֆուկուշիմա Մասանորին, Անահիտ Ավանեսյանն ու «Ազնավուր» հիմնադրամի տնօրեն Քրիստինա Ազնավուրը
Բաժանորդագրվեք
НовостиTelegram
Ծրագրի իրականացումը կնպաստի Լոռու և հարակից մարզերում վիրաբուժության, օնկովիրաբուժության և էնդոսկոպիկ վիրաբուժության զարգացմանը։
ԵՐԵՎԱՆ, 21 դեկտեմբերի – Sputnik. Լոռու մարզի «Վանաձոր» բժշկական կենտրոնի ախտաբանահյուսվածքաբանական լաբորատորիան ամբողջովին կվերազինվի նորագույն, միջազգային չափանիշներին համապատասխան տեխնիկայով։ Ծրագիրը կյանքի կոչելու համար այսօր ՀՀ առողջապահության նախարարությունում հուշագիր կնքվեց Ճապոնիայի կառավարության և «Ազնավուր» հիմնադրամի միջև։ Փաստաթղթի տակ ստորագրեցին ՀՀ–ում Ճապոնիայի դեսպան Ֆուկուշիմա Մասանորին և «Ազնավուր» հիմնադրամի տնօրեն Քրիստինա Ազնավուրը (Սարգսյանը):
© Sputnik / Aram NersesyanՀուշագիրը ստորագրվեց ՀՀ առողջապահության նախարարությունում
Подписание меморандума между правительством Японии и фондом Азнавур (21 декабря 2022). Еревaн - Sputnik Արմենիա, 1920, 21.12.2022
Հուշագիրը ստորագրվեց ՀՀ առողջապահության նախարարությունում
«Ճապոնիայի կառավարության և ինձ համար մեծ պատիվ է ներկա գտնվել «Վանաձոր» բժշկական կենտրոնի հյուսվածքաբանական լաբորատորիայի արդիականացման ծրագրի ստորագրման արարողությանը։ Սա իսկապես կարևոր համատեղ ծրագիր է»,–հայերենով ասաց Ճապոնիայի դեսպանը։
© Sputnik / Aram NersesyanՀՀ–ում Ճապոնիայի դեսպան Ֆուկուշիմա Մասանորի
Посол Японии в Армении Фукусима Масанори на подписании меморандума между правительством Японии и фондом Азнавур (21 декабря 2022). Еревaн - Sputnik Արմենիա, 1920, 21.12.2022
ՀՀ–ում Ճապոնիայի դեսպան Ֆուկուշիմա Մասանորի
«Ազնավուր» հիմնադրամի տնօրեն Քրիստինա Ազնավուրն ընդգծեց, որ հայ–ճապոնական համագործակցությունը շատ կօգնի մարզերի բնակիչներին բուժական ծառայությունների հասանելիության բարձրացման գործում։
Ծրագրի շրջանակում նախատեսվում է ձեռք բերել լաբորատոր և ախտորոշիչ յոթ սարք։
«Վանաձոր» բժշկական կենտրոնի տնօրեն Վահագն Մկրտչյանն էլ իր խոսքում նշեց, որ ծրագրի արդյունքում տեղում հնարավոր կլինի իրականացնել միջազգային չափորոշիչներին համապատասխան հյուսվածքաբանական և բջջաբանական հետազոտություններ։
© Sputnik / Aram NersesyanՎահագն Մկրտչյան
Директор медицинского центра Ванадзор Ваагн Мкртчян на подписании меморандума между правительством Японии и фондом Азнавур (21 декабря 2022). Еревaн - Sputnik Արմենիա, 1920, 21.12.2022
Վահագն Մկրտչյան
Նրա խոսքով` նման հետազոտությունները մեծ դեր ունեն հատկապես ուռուցքային հիվանդությունների վաղ հայտնաբերման, սքրինինգների, բուժական պրոցեսների որակի վերահսկողության հարցերում։
Հյուսվածքաբանական լաբորատորիան կծառայի ոչ միայն Լոռու մարզի, այլև հարակից մարզերի բնակիչներին, որոնք ստիպված չեն լինի որոշակի հետազոտություններ անցնելու համար Երևան հասնել։
Լրահոս
0