ՌԴ-ի, Հայաստանի և Ադրբեջանի ԱԳ նախարարների եռակողմ հանդիպումը օրակարգից հանված չէ. Լավրով

© Sputnik / Рамиль СитдиковՍերգեյ Լավրով
Սերգեյ Լավրով - Sputnik Արմենիա, 1920, 23.12.2022
Սերգեյ Լավրով. Արխիվային լուսանկար
Բաժանորդագրվեք
НовостиTelegram
Լավրովի և Բայրամովի այսօրվա հանդիպումն անցկացվել է առանց Հայաստանի արտգործնախարարի մասնակցության։
ԵՐԵՎԱՆ, 23 դեկտեմբերի – Sputnik. Ռուսաստանի, Հայաստանի և Ադրբեջանի արտգործնախարարների եռակողմ հանդիպումը օրակարգից հանված չէ, Ռուսաստանը պատրաստ է այն անցկացնել իր տարածքում։ Այդ մասին հայտարարել է ՌԴ ԱԳ նախարար Սերգեյ Լավրովը Ադրբեջանի արտգործնախարար Ջեյհուն Բայրամովի հետ բանակցություններից հետո կայացած մամուլի ասուլիսում։
«Մենք օրակարգից չենք հանում մեր հայ գործընկերոջ մասնակցությամբ եռակողմ շփումը, մենք վերահաստատեցինք մեր պատրաստակամությունը Մոսկվայում ընդունելու մեր ընկերներին»,- ասաց նա։
Լավրովի խոսքով՝ խաղաղության պայմանագրի թեման մշտական ուշադրություն է պահանջում։
«Որքան հաճախ մենք օգնենք առաջ մղել բանակցային գործընթացը, այնքան շուտ կլուծվեն այն հարցերը, որոնք այժմ անհանգստություն են առաջացնում»,- ասել է նա։
Միաժամանակ, ՌԴ ԱԳՆ ղեկավարը նշել է, որ որևէ մեկն այդքան շահագրգռված չէ Բաքվի և Երևանի միջև կայուն խաղաղության հաստատմամբ, որքան Ռուսաստանը։
Ավելի վաղ հայտնի էր դարձել, որ Հայաստանի արտգործնախարար Արարատ Միրզոյանը հրաժարվել էր մասնակցել Մոսկվայում կայանալիք եռակողմ հանդիպմանը։ Ինչպես պարզաբանել են Հայաստանի ԱԳՆ-ում, հայկական կողմը խնդրել է հետաձգել Հայաստանի, Ռուսաստանի և Ադրբեջանի արտգործնախարարների հանդիպումը՝ հաշվի առնելով Լաչինի միջանցքում առկա իրավիճակը։
Լրահոս
0