https://arm.sputniknews.ru/20221224/adrbejany-hhi-nkatmamb-hnchecnum-e-nvor-taratsqajin-pahanjner-agnn-alievi-elujti-masin-53114732.html
Ադրբեջանը ՀՀ–ի նկատմամբ հնչեցնում է նոր տարածքային պահանջներ. ԱԳՆ–ն` Ալիևի ելույթի մասին
Ադրբեջանը ՀՀ–ի նկատմամբ հնչեցնում է նոր տարածքային պահանջներ. ԱԳՆ–ն` Ալիևի ելույթի մասին
Sputnik Արմենիա
ԱԳՆ–ն միջազգային շահագրգիռ գործընկերներին կոչ է անում հասցեական հայտարարությունների և թիրախային գործողությունների միջոցով պարտավորեցնել Ադրբեջանին դադարեցնել... 24.12.2022, Sputnik Արմենիա
2022-12-24T21:45+0400
2022-12-24T21:45+0400
2022-12-24T21:56+0400
հայաստան
ադրբեջան
իլհամ ալիև
լաչինի միջանցք
https://cdn.am.sputniknews.ru/img/07e7/05/0b/59463737_0:0:771:434_1920x0_80_0_0_182fed7e3b372f07475200818f24a679.jpg
ԵՐԵՎԱՆ, 24 դեկտեմբերի – Sputnik. Ադրբեջանի նախագահ Իլհամ Ալիևի հնչեցրած մտքերը ևս մեկ անգամ վկայում են, որ այդ պետության ղեկավարությունը որևէ կերպ շահագրգիռ չէ Հարավային Կովկասում խաղաղության և կայունության հաստատմամբ: Այս մասին ասված է ՀՀ արտգործնախարարության հայտարարությունում։Այսօր Ալիևը այսպես կոչված «Արևմտյան Ադրբեջանի» ներկայացուցիչների հետ հանդիպման ընթացքում ասել է. «Կգա մի օր, երբ Արևմտյան Ադրբեջանից մեր հայրենակիցները, նրանց մերձավորները, երեխաներն ու թոռները կվերադառնան մեր պատմական երկիր՝ Արևմտյան Ադրբեջան» (ադրբեջանական իշխանությունները «Արևմտյան Ադրբեջան» են անվանում Հայաստանի Հանրապետության Սյունիքի մարզը. խմբ.)։Գերատեսչությունն ընդգծում է, որ Ադրբեջանի ղեկավարի հայտարարությունները, որոնք հակասում են Պրահայում և Սոչիում այս տարի ձեռք բերված պայմանավորվածություններին, արտացոլում են Ադրբեջանի ղեկավարության նկրտումները՝ ուղղված խաղաղության գործընթացի վիժեցմանը:«Իրականության հետ որևէ աղերս չունեն նաև Լաչինի միջանցքի ապօրինի արգելափակման վերաբերյալ ելույթում հնչեցված բոլոր հիմնավորումները: Այս և նախկինում Ադրբեջանի կողմից Լեռնային Ղարաբաղի ժողովրդի դեմ իրականացված այլ ագրեսիվ գործողությունները Լեռնային Ղարաբաղի ժողովրդին էթնիկ զտումների ենթարկելու հետևողական քաղաքականության մասն են»,– ասված է հայտարարությունում:Եվս մեկ անգամ ընդգծելով տարածաշրջանում խաղաղություն և կայունություն կառուցելու հայկական կողմի հաստատակամությունը՝ ՀՀ ԱԳՆ–ն միջազգային շահագրգիռ գործընկերներին կոչ է անում հասցեական հայտարարությունների և թիրախային գործողությունների միջոցով պարտավորեցնել Ադրբեջանին դադարեցնել ռազմատենչ և առավելապաշտական հռետորաբանությունը, իրագործել իր իսկ կողմից ստանձնած պարտավորությունները, դուրս բերել ադրբեջանական զորքերը ՀՀ ինքնիշխան տարածքից և վերականգնել Լաչինի միջանցքի բնականոն գործունեությունը:Հիշեցնենք` դեկտեմբերի 12-ի առավոտյան Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։Դեկտեմբերի 13-ից ադրբեջանական կողմն անջատել էր նաև Արցախի գազամատակարարումը։ Դեկտեմբերի 16–ի առավոտյան Արցախի պետնախարար Ռուբեն Վարդանյանը հայտնեց, որ Արցախում գազամատակարարումը վերականգնվել է, և դա արվել է առանց որևէ նախապայմանի։Լաչինի միջանցքը, սակայն, շարունակում է փակ մնալ։
ադրբեջան
լաչինի միջանցք
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, ադրբեջան, իլհամ ալիև, լաչինի միջանցք
հայաստան, ադրբեջան, իլհամ ալիև, լաչինի միջանցք
Ադրբեջանը ՀՀ–ի նկատմամբ հնչեցնում է նոր տարածքային պահանջներ. ԱԳՆ–ն` Ալիևի ելույթի մասին
21:45 24.12.2022 (Թարմացված է: 21:56 24.12.2022) ԱԳՆ–ն միջազգային շահագրգիռ գործընկերներին կոչ է անում հասցեական հայտարարությունների և թիրախային գործողությունների միջոցով պարտավորեցնել Ադրբեջանին դադարեցնել ռազմատենչ և առավելապաշտական հռետորաբանությունը։
ԵՐԵՎԱՆ, 24 դեկտեմբերի – Sputnik. Ադրբեջանի նախագահ Իլհամ Ալիևի հնչեցրած մտքերը ևս մեկ անգամ վկայում են, որ այդ պետության ղեկավարությունը որևէ կերպ շահագրգիռ չէ Հարավային Կովկասում խաղաղության և կայունության հաստատմամբ: Այս մասին ասված է
ՀՀ արտգործնախարարության հայտարարությունում։
Այսօր Ալիևը այսպես կոչված «Արևմտյան Ադրբեջանի» ներկայացուցիչների հետ հանդիպման ընթացքում ասել է. «Կգա մի օր, երբ Արևմտյան Ադրբեջանից մեր հայրենակիցները, նրանց մերձավորները, երեխաներն ու թոռները կվերադառնան մեր պատմական երկիր՝ Արևմտյան Ադրբեջան» (ադրբեջանական իշխանությունները «Արևմտյան Ադրբեջան» են անվանում Հայաստանի Հանրապետության Սյունիքի մարզը. խմբ.)։
«Ալիևը ոչ միայն բացահայտորեն ընդունում է ուժի կիրառման միջոցով ՀՀ ինքիշխան տարածքի օկուպացիայի փաստը, այլև Հայաստանի Հանրապետության նկատմամբ հնչեցնում է նոր տարածքային պահանջներ և ուժի կիրառման սպառնալիքներ, բացահայտ արհամարհանք ցուցաբերում թե՛ միջազգային իրավունքի և թե՛ միջազգային գործընկերների նկատմամբ»,– նշում է ՀՀ ԱԳՆ–ն:
Գերատեսչությունն ընդգծում է, որ Ադրբեջանի ղեկավարի հայտարարությունները, որոնք հակասում են Պրահայում և Սոչիում այս տարի ձեռք բերված պայմանավորվածություններին, արտացոլում են Ադրբեջանի ղեկավարության նկրտումները՝ ուղղված խաղաղության գործընթացի վիժեցմանը:
«Իրականության հետ որևէ աղերս չունեն նաև Լաչինի միջանցքի ապօրինի արգելափակման վերաբերյալ ելույթում հնչեցված բոլոր հիմնավորումները: Այս և նախկինում Ադրբեջանի կողմից Լեռնային Ղարաբաղի ժողովրդի դեմ իրականացված այլ ագրեսիվ գործողությունները Լեռնային Ղարաբաղի ժողովրդին էթնիկ զտումների ենթարկելու հետևողական քաղաքականության մասն են»,– ասված է հայտարարությունում:
Եվս մեկ անգամ ընդգծելով տարածաշրջանում խաղաղություն և կայունություն կառուցելու հայկական կողմի հաստատակամությունը՝ ՀՀ ԱԳՆ–ն միջազգային շահագրգիռ գործընկերներին կոչ է անում հասցեական հայտարարությունների և թիրախային գործողությունների միջոցով պարտավորեցնել Ադրբեջանին դադարեցնել ռազմատենչ և առավելապաշտական հռետորաբանությունը, իրագործել իր իսկ կողմից ստանձնած պարտավորությունները, դուրս բերել ադրբեջանական զորքերը ՀՀ ինքնիշխան տարածքից և վերականգնել Լաչինի միջանցքի բնականոն գործունեությունը:
Հիշեցնենք` դեկտեմբերի 12-ի առավոտյան Շուշի-Քարին տակ խաչմերուկի հատվածում
քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։
Դեկտեմբերի 13-ից ադրբեջանական կողմն
անջատել էր նաև Արցախի գազամատակարարումը։ Դեկտեմբերի 16–ի
առավոտյան Արցախի պետնախարար Ռուբեն Վարդանյանը հայտնեց, որ Արցախում գազամատակարարումը վերականգնվել է, և դա արվել է առանց որևէ նախապայմանի։
Լաչինի միջանցքը, սակայն, շարունակում է փակ մնալ։
