Եռաբլուրում պետությունը ևս 44 շիրմաքար կտեղադրի սեպտեմբերյան ագրեսիայի զոհերի շիրիմներին

© Sputnik / Aram NersesyanԵռաբլուր
Եռաբլուր - Sputnik Արմենիա, 1920, 05.01.2023
Եռաբլուր
Բաժանորդագրվեք
НовостиTelegram
2021 թվականին պաշտպանության նախարարությունը պայմանագիր էր կնքել «ԼԻԲՐԱ-Ս» ՍՊԸ-ի հետ, որով նախատեսվել էր 950 շիրմաքար ձեռք բերել:
ԵՐԵՎԱՆ, 5 հունվարի – Sputnik. Սեպտեմբերի 13-ի պատերազմական գործողությունների հետևանքով զոհված ու «Եռաբլուր» զինվորական պանթեոնում հուղարկավորված 44 զինծառայողների շիրմաքարերը կտրամադրի ՀՀ պաշտպանության նախարարարությանը։ Որոշումն ընդունվեց կառավարության այսօրվա նիստում։
Ըստ հիմնավորման` 44-օրյա պատերազմում զոհված զինծառայողների գերեզմանների բարեկարգման ու շիրմաքարերի տեղադրման նպատակով պաշտպանության նախարարությունը 2021 թվականի նոյեմբերի 18-ին պայմանագիր էր կնքել «ԼԻԲՐԱ-Ս» ՍՊԸ-ի հետ, որով նախատեսվել էր ձեռք բերել 950 շիրմաքար:
Սակայն 38 զինծառայողների հարազատները գերադասել էին իրենց նախընտրած ձևով կառուցել և տեղադրել շիրմաքարերը` դրանց դիմաց խնդրելով փոխհատուցում:
Արդյունքում պայմանագրով նախատեսված շիրմաքարերի որոշ խմբաքանակ պահեստավորվել էր։
Սույն թվականի սեպտեմբերի 13-ի պատերազմական գործողությունների հետևանքով զոհված զինծառայողների գերեզմանների բարեկարգման նպատակով կառավարությունը որոշել է նոր մրցույթ չանցկացնել ու տեղադրել արդեն պատրաստի շիրմաքարերը։
Հիշեցնենք` Ադրբեջանի ԶՈւ ստորաբաժանումները սեպտեմբերի 13-ից Գորիսի, Սոթքի և Ջերմուկի ուղղությամբ ինտենսիվ կրակ էին վարում հրետանային միջոցներից, խոշոր տրամաչափի հրաձգային զինատեսակներից։ Հակառակորդը կիրառում էր նաև ԱԹՍ-ներ:
Սեպտեմբերի 14-ի ժամը 20։00-ից հայ-ադրբեջանական սահմանի երկայնքով հրադադարի ռեժիմ սահմանվեց, որը պարբերաբար խախտում է ադրբեջանական կողմը։
Սեպտեմբերյան մարտերի ընթացքում հայկական կողմը 224 զոհ է տվել
Լրահոս
0