Պուտինը հանձնարարել է հրադադարի ռեժիմ սահմանել Ուկրաինայում

© Sputnik / Алексей Никольский / Անցնել մեդիապահոցՎլադիմիր Պուտին
Վլադիմիր Պուտին - Sputnik Արմենիա, 1920, 05.01.2023
Վլադիմիր Պուտին
Բաժանորդագրվեք
НовостиTelegram
Ավելի վաղ հրադադար հաստատելու կոչով էր դիմել Մոսկվայի և Համայն Ռուսիո պատրիարք Կիրիլը։
ԵՐԵՎԱՆ, 5 հունվարի - Sputnik. Ռուսաստանի նախագահ Վլադիմիր Պուտինը, հաշվի առնելով Մոսկվայի և Համայն Ռուսիո պատրիարք Կիրիլի ուղերձը, պաշտպանության նախարար Սերգեյ Շոյգուին հանձնարարել է հունվարի 6-ի ժամը 12: 00-ից մինչև հունվարի 7-ի ժամը 24: 00-ն հրադադարի ռեժիմ սահմանել Ուկրաինայում կողմերի շփման գծի ողջ երկայնքով, հաղորդում է Կրեմլի մամուլի ծառայությունը:
Միևնույն ժամանակ Ռուսաստանը կոչ է անում ուկրաինական կողմին ևս հայտարարել հրադադարի ռեժիմ և հնարավորություն տալ քաղաքացիներին մասնակցել Սուրբ Ծննդյան արարողություններին:
«Ելնելով այն հանգամանքից, որ մարտական գործողությունների շրջաններում ապրում են ուղղափառություն դավանող մեծ թվով քաղաքացիներ, կոչ ենք անում ուկրաինական կողմին հրադադար հայտարարել և հնարավորություն տալ նրանց Սուրբ Ծննդյան ճրագալույցի, ինչպես նաև Քրիստոսի ծննդյան օրը մասնակցել եկեղեցական արարողություններին», - ասված է հաղորդագրության մեջ:
Հիշեցնենք՝ փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են արդեն 314-րդ օրը։
Լրահոս
0