Սուրբ ծնունդը Հայաստանում․ ավանդույթներ և սովորույթներ

Բաժանորդագրվեք
НовостиTelegram
Հայ Առաքելական եկեղեցին հունվարի 6-ին նշում է Քրիստոսի ծնունդը։ Տոնը սկսվում է հունվարի 5-ին, երեկոյան 17։00-ից և շարունակվում է մինչև հաջորդ երեկո։ Ինչ ավանդույթներ են կապված Հայաստանում Սուրբ ծննդյան տոնի հետ՝ Sputnik Արմենիայի ինֆոգրաֆիկայում։
Հունվարի 5-ի երեկոյան Հայ առաքելական բոլոր եկեղեցիներում մատուցվում է Ճրագալույցի Սուրբ պատարագ։ «Ճրագալույց» անվանումը ծագել է «ճրագ լուցանել» արտահայտությունից, նշանակում է՝ ճրագ վառել, մոմ վառել։ Հենց այդ պատճառով էլ այդ երեկո մարդիկ եկեղեցուց վառվող մոմեր են բերում, որոնք խորհրդանշում են աստվածային լույսը, Աստծո օրհնությունը, Բեթղեհեմի աստղի լույսը, որը մոգերին օգնել է գտնել մանուկ Հիսուսի մոտ տանող ճանապարհը։
Հունվարի 6-ի առավոտյան, Սուրբ պատարագից հետո, կատարվում է Ջրօրհնեք` ի հիշատակ Հիսուսի մկրտության։ Պատարագ մատուցուղն օրհնում է ջուրը աղոթքով և Սրբալույս մյուռոնով։
Հռոմի պապն իր սուրբծննդյան ուղերձում անդրադարձել է ռազմագերիների վերադարձին
Հավատացյալները, ավանդույթի համաձայն, այդ օրը այդ ջրից մի փոքր տանում են տուն՝ որպես հիվանդներին բժշկելու միջոց: Համարվում է, որ այն յուրահատուկ օգտակար հատկություններ ունի։ Սրբագործված ջուրը, քրիստոնեական ավանդույթի համաձայն, հարկավոր է խնամքով պահել և վերաբերվել որպես սրբության։ Քրիստոսի ծննդյան ավետիսը փոխանցում են նաև հոգևորականները՝ այցելելով մարդկանց և օրհնելով նրանց տները։
Սուրբ ծննդյան հաջորդ օրը նշվում է հանգուցյալների հիշատակության օրը՝ Մեռելոցը։
Լրահոս
0