https://arm.sputniknews.ru/20230107/gjumru-aristvokraty-hajtnvel-e-mijazgajin-lusankarchakan-mrcujti-lavagujn-jvotnjakum-53564750.html
«Գյումրու արիստոկրատը» հայտնվել է միջազգային լուսանկարչական մրցույթի լավագույնների ցանկում
«Գյումրու արիստոկրատը» հայտնվել է միջազգային լուսանկարչական մրցույթի լավագույնների ցանկում
Sputnik Արմենիա
Պայմանագրային զինծառայող Էդուարդ Հովհաննիսյանն իր հոբբիի միջոցով փորձում է նպաստել հայրենի քաղաքի հանրահռչակմանը: 07.01.2023, Sputnik Արմենիա
2023-01-07T18:49+0400
2023-01-07T18:49+0400
2023-01-07T20:58+0400
գյումրի
լուսանկարիչ
մրցույթ
հաղթանակ
էդուարդ հովհաննիսյան
https://cdn.am.sputniknews.ru/img/07e7/01/07/53553168_0:66:1280:786_1920x0_80_0_0_ade2551ea2503edf3ef47a99576dff8c.jpg
«Գյումրու արիստոկրատ» խորագրով լուսանկարը «35 AWARDS» միջազգային մրցույթում 130 երկրներից ներկայացված 49 000 աշխատանքների մեջ ընտրվել է «Թոփ 7 տոկոսում»։Լուսանկարի հեղինակը պայմանագրային զինծառայող Էդուարդ Հովհաննիսյանն է, հերոսը` Արամ Փափազյանը, որը Լիբանանից տեղափոխվել է Հայաստան մշտական բնակության։Տպավորիչ և հմայիչ․ 2022 թվականի տիտղոսակիր գեղեցկուհիների լուսանկարներըԼուսանկարչությունն Էդուարդի համար հոբբի է։ Նա 2015 թվականից անցկացվող միջազգային «35 AWARDS» ամենամյա մրցույթի մասին ընկերոջից է իմացել ու մրցույթին մասնակցելու համար հինգ լուսանկար ուղարկել։ Արդյունքում «Գյումրու արիստոկրատը» «Փողոցային դիմանկար» անվանակարգում հայտնվել է «Թոփ 7 տոկոսում», իսկ էդուարդն արժանացել «Թոփ 28 տոկոսի»` որպես լուսանկարիչ:Էդուարդ Հովհաննիսյանը մասնագիտությամբ մանկավարժ է, աշխարհագրագետ։ Ներկայում պայմանագրային զինծառայող է։ Արդեն ավելի քան տասը տարի է, ինչ նա ազատ ժամանակ Գյումրու փողոցներում լուսանկարում է հետաքրքիր ու տարբերվող մարդկանց: Սկզբում հիմնականում գյումրեցիներն էին հայտնվում նրա օբյեկտիվում, իսկ հիմա լուսանկարում է նաև քաղաք այցելած զբոսարջիկների:«Պատահական արված լուսանկարներն ավելի գրավիչ են, քան այսպես կոչված «պասպորտի» համար արված լուսանկարները: Սկզբում եկեղեցում ՝ պատարագի ժամանակ էի լուսանկարում, հետո մեր «Շիրակ« ֆուտբոլային ակումբի խաղերի ժամանակ` մարդկանց հույզերը, իսկ հետո արդեն փողոցային դիմանկարների շարքը սկսեցի»,-պատմում է էդուարդը։Ասում է` փողոցում է լինում հատկապես շաբաթ և կիրակի օրերին։ Օրական մոտ 600-700 լուսանկար է անում, որոնց մի փոքր մասն է միայն հրապարակում։«Հեշտ չէ Գյումրիում լուսանկարել. շատերը բարդույթներ ունեն։ Ավելի հեշտ է զբոսաշրջիկի լուսանկարել, թեև տարիների փորձն օգնում է՝ արդեն գիտեմ` ում նկարել, որ խնդիր չլինի: Որպես գյումրեցի` իմ առաջնային նպատակը Գյումրին ճանաչելի դարձնելն է դրսում, դրա համար էլ հիմնականում լուսավոր նկարներ եմ անում, թեև զուգահեռ երբեմն նաև Գյումրու հակառակ կողմն եմ ցույց տալիս՝ տնակային ավաններ ու սոցիալական վիճակ»,-ասում է Էդուարդը։Ստորջրյա լուսանկարչությունից մինչև նորաձևություն. ինչ է փնտրում գյումրեցի լրագրողը ջրի տակԷդուարդը հաջորդ տարի ևս կմասնակցի մրցույթին՝ արդեն ավելի հստակ գիտենալով մրցութային պահանջները:Մինչ այդ կշարունակի աշխատանքից հետո Գյումրու փողոցներում լուսանկարել մարդկանց:
գյումրի
Sputnik Արմենիա
media@sputniknews.com
+74956456601
MIA „Rosiya Segodnya“
2023
Արմենուհի Մխոյան
https://cdn.am.sputniknews.ru/img/2360/57/23605773_297:46:846:595_100x100_80_0_0_656f445e799bc18f74429b49a7a32f17.jpg
Արմենուհի Մխոյան
https://cdn.am.sputniknews.ru/img/2360/57/23605773_297:46:846:595_100x100_80_0_0_656f445e799bc18f74429b49a7a32f17.jpg
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
Արմենուհի Մխոյան
https://cdn.am.sputniknews.ru/img/2360/57/23605773_297:46:846:595_100x100_80_0_0_656f445e799bc18f74429b49a7a32f17.jpg
գյումրի, լուսանկարիչ, մրցույթ, հաղթանակ, էդուարդ հովհաննիսյան
գյումրի, լուսանկարիչ, մրցույթ, հաղթանակ, էդուարդ հովհաննիսյան
«Գյումրու արիստոկրատը» հայտնվել է միջազգային լուսանկարչական մրցույթի լավագույնների ցանկում
18:49 07.01.2023 (Թարմացված է: 20:58 07.01.2023) Պայմանագրային զինծառայող Էդուարդ Հովհաննիսյանն իր հոբբիի միջոցով փորձում է նպաստել հայրենի քաղաքի հանրահռչակմանը:
«Գյումրու արիստոկրատ» խորագրով լուսանկարը «35 AWARDS» միջազգային մրցույթում 130 երկրներից ներկայացված 49 000 աշխատանքների մեջ ընտրվել է «Թոփ 7 տոկոսում»։
Լուսանկարի հեղինակը պայմանագրային զինծառայող Էդուարդ Հովհաննիսյանն է, հերոսը` Արամ Փափազյանը, որը Լիբանանից տեղափոխվել է Հայաստան մշտական բնակության։
Լուսանկարչությունն Էդուարդի համար հոբբի է։ Նա 2015 թվականից անցկացվող միջազգային «35 AWARDS» ամենամյա մրցույթի մասին ընկերոջից է իմացել ու մրցույթին մասնակցելու համար հինգ լուսանկար ուղարկել։ Արդյունքում «Գյումրու արիստոկրատը» «Փողոցային դիմանկար» անվանակարգում հայտնվել է «Թոփ 7 տոկոսում», իսկ էդուարդն արժանացել «Թոփ 28 տոկոսի»` որպես լուսանկարիչ:
Էդուարդ Հովհաննիսյանը մասնագիտությամբ մանկավարժ է, աշխարհագրագետ։ Ներկայում պայմանագրային զինծառայող է։ Արդեն ավելի քան տասը տարի է, ինչ նա ազատ ժամանակ Գյումրու փողոցներում լուսանկարում է հետաքրքիր ու տարբերվող մարդկանց: Սկզբում հիմնականում գյումրեցիներն էին հայտնվում նրա օբյեկտիվում, իսկ հիմա լուսանկարում է նաև քաղաք այցելած զբոսարջիկների:
«Պատահական արված լուսանկարներն ավելի գրավիչ են, քան այսպես կոչված «պասպորտի» համար արված լուսանկարները: Սկզբում եկեղեցում ՝ պատարագի ժամանակ էի լուսանկարում, հետո մեր «Շիրակ« ֆուտբոլային ակումբի խաղերի ժամանակ` մարդկանց հույզերը, իսկ հետո արդեն փողոցային դիմանկարների շարքը սկսեցի»,-պատմում է էդուարդը։
Ասում է` փողոցում է լինում հատկապես շաբաթ և կիրակի օրերին։ Օրական մոտ 600-700 լուսանկար է անում, որոնց մի փոքր մասն է միայն հրապարակում։
«Հեշտ չէ Գյումրիում լուսանկարել. շատերը բարդույթներ ունեն։ Ավելի հեշտ է զբոսաշրջիկի լուսանկարել, թեև տարիների փորձն օգնում է՝ արդեն գիտեմ` ում նկարել, որ խնդիր չլինի: Որպես գյումրեցի` իմ առաջնային նպատակը Գյումրին ճանաչելի դարձնելն է դրսում, դրա համար էլ հիմնականում լուսավոր նկարներ եմ անում, թեև զուգահեռ երբեմն նաև Գյումրու հակառակ կողմն եմ ցույց տալիս՝ տնակային ավաններ ու սոցիալական վիճակ»,-ասում է Էդուարդը։
Էդուարդը հաջորդ տարի ևս կմասնակցի մրցույթին՝ արդեն ավելի հստակ գիտենալով մրցութային պահանջները:
Մինչ այդ կշարունակի աշխատանքից հետո Գյումրու փողոցներում լուսանկարել մարդկանց:
