https://armeniasputnik.am/20230109/jri-harc-ka-bajc-bnakichnery-chen-lqel-gjughery-inch-iravitshak-e-verin-ev-nerqin-shvorzhajum-53600325.html
Ջրի հարց կա, բայց բնակիչները չեն լքել գյուղերը. ինչ իրավիճակ է Վերին և Ներքին Շորժաներում
Ջրի հարց կա, բայց բնակիչները չեն լքել գյուղերը. ինչ իրավիճակ է Վերին և Ներքին Շորժաներում
«Թաթոյան» հիմնադրամը հայտնել էր, որ Վերին և Ներքին Շորժա գյուղերը դատարկվել են։ Մարզպետարանից վստահեցնում են` երկու գյուղերում էլ բնակչություն կա։ 09.01.2023, Sputnik Արմենիա
2023-01-09T13:37+0400
2023-01-09T13:37+0400
2023-01-09T15:31+0400
հայաստան
գեղարքունիքի մարզ
գյուղ
վերին շորժա
ջուր
/html/head/meta[@name='og:title']/@content
/html/head/meta[@name='og:description']/@content
https://cdnn1.img.armeniasputnik.am/img/07e5/07/1d/28478778_0:84:1600:984_1920x0_80_0_0_bd921c072ad4fcd5f476382f8c55dd00.jpg
ԵՐԵՎԱՆ, 9 հունվարի – Sputnik. Գեղարքունիքի մարզի Վերին և Ներքին Շորժա համայնքներում կյանքը շարունակվում է, բնակիչները չեն լքել գյուղերը։ Sputnik Արմենիայի հետ զրույցում հայտնեց Գեղարքունիքի փոխմարզպետ Վահան Զարոյանը։«Թաթոյան» հիմնադրամն այսօր գրել էր, որ 2022թ․ սեպտեմբերի 13-14-ին Ադրբեջանի ԶՈւ–ի կողմից զինված հարձակման հետևանքով Ներքին Շորժա ու Վերին Շորժա գյուղերում քաղաքացիական կյանք այլևս չկա, սարատեղիներն ամբողջությամբ անցել են ադրբեջանական դիտարկման վերահսկողության ներքո, իսկ գյուղերը դատարկվել են։ Առաջացել են ջրի հասանելի լրջագույն խնդիրներ կամ ջուր չկա առհասարակ: Ջրի քանակի կտրուկ նվազման պատճառով Վերին Շորժա-Այրք ճանապարհին գտնվող ՀԷԿ-ն այլևս չի գործում։Փոխմարզպետը նշեց, որ վերոհիշյալ գյուղերում ջրի հետ կապված խնդիր կա, քանի որ ջրավազանի որոշ հատվածներ դիտարկվում են հակառակորդի կողմից, սակայն այնպես չէ, որ գյուղերում ընդհանրապես ջուր չկա։Ինչ վերաբերում է ՀԷԿ–ին, ապա Զարոյանը վստահեցրեց` դրա պայմանագրային ժամկետն ավարտվել է, և ընկերությունը որոշել է չշարունակել գործունեությունը։ Նա նշեց, որ դեռ ադրբեջանական ագրեսիայից առաջ էին ՀԷԿ–ից հայտնել, որ պայմանագրային ժամկետի ավարտից հետո այն չի երկարացվելու։Վերին Շորժայի ղեկավար Արտյոմ Երանոսյանն էլ իր հերթին հայտնեց, որ գյուղից, ճիշտ է, փոքր երեխա ունեցող ընտանիքները գնացել են, սակայն գյուղում կյանքը շարունակվում է։«Մեզ մոտ մշտական բնակչություն կա, ֆերմա էլ կա, որն ամենօրյա աշխատանք է պահանջում։ Ինչպե՞ս կարող են լքել տունը։ Ինչ վերաբերում է ջրի խնդրին, ապա, այո՛, կա նման հարց։ Ջրհավաք ավազանը թշնամու հսկողության ներքո է։ Մեկ շաբաթ առաջ ջուրը սառել էր, և մենք ռիսկի գնացինք ու անվադողեր տարանք, վառեցինք, խողովակը տաքացավ ու բացվեց։ Այս պահին ջուր ունենք»,– ասաց Երանոսյանը։Sputnik Արմենիան փորձեց մեկնաբանություն ստանալ ՀՀ մարդու իրավունքների պաշտպանի գրասենյակից՝ հասկանալու համար, թե ինչ տեղեկություններ ունեն վերոհիշյալ գյուղերի բնակիչների, նրանց խնդիրների վերաբերյալ։ Մեզ, սակայն, պատասխանեցին, որ ինչպես ցանկացած ֆեյսբուքյան օգտատիրոջ, այնպես էլ «Թաթոյան հիմնադրամի» գրառումները ՄԻՊ–ը չի մեկնաբանում։
գեղարքունիքի մարզ
վերին շորժա
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, գեղարքունիքի մարզ, գյուղ, վերին շորժա, ջուր
հայաստան, գեղարքունիքի մարզ, գյուղ, վերին շորժա, ջուր
Ջրի հարց կա, բայց բնակիչները չեն լքել գյուղերը. ինչ իրավիճակ է Վերին և Ներքին Շորժաներում
13:37 09.01.2023 (Թարմացված է: 15:31 09.01.2023) «Թաթոյան» հիմնադրամը հայտնել էր, որ Վերին և Ներքին Շորժա գյուղերը դատարկվել են։ Մարզպետարանից վստահեցնում են` երկու գյուղերում էլ բնակչություն կա։
ԵՐԵՎԱՆ, 9 հունվարի – Sputnik. Գեղարքունիքի մարզի Վերին և Ներքին Շորժա համայնքներում կյանքը շարունակվում է, բնակիչները չեն լքել գյուղերը։
Sputnik Արմենիայի հետ զրույցում հայտնեց Գեղարքունիքի փոխմարզպետ Վահան Զարոյանը։
«Թաթոյան» հիմնադրամն այսօր գրել էր, որ 2022թ․ սեպտեմբերի 13-14-ին Ադրբեջանի ԶՈւ–ի կողմից զինված հարձակման հետևանքով Ներքին Շորժա ու Վերին Շորժա գյուղերում քաղաքացիական կյանք այլևս չկա, սարատեղիներն ամբողջությամբ անցել են ադրբեջանական դիտարկման վերահսկողության ներքո, իսկ գյուղերը դատարկվել են։ Առաջացել են ջրի հասանելի լրջագույն խնդիրներ կամ ջուր չկա առհասարակ: Ջրի քանակի կտրուկ նվազման պատճառով Վերին Շորժա-Այրք ճանապարհին գտնվող ՀԷԿ-ն այլևս չի գործում։
«Երկու գյուղերում էլ կան սարատեղիների հատվածներ, որոնք դիտարկվում են ադրբեջանական ԶՈւ–ի կողմից, սակայն այնպես չէ, որ ամբողջը նրանց վերահսկողության ներքո է, մենք էլ մեր դիրքերն ունենք։ Երկու գյուղերում էլ կան մշտական ապրողներ, այդ թվում` այս պահին, սակայն այդ հատվածները հիմնականում սարատեղիներ են, և մարդիկ մեծամասամբ ամռանն են գնում և մնում։ Այսինքն` ամռանը բնակիչների թիվն ավելանում է։ Այնպես չէ, որ հիմա էլ կյանքը կանգ է առել»,–ասաց Զարոյանը։
Փոխմարզպետը նշեց, որ վերոհիշյալ գյուղերում ջրի հետ կապված խնդիր կա, քանի որ ջրավազանի որոշ հատվածներ դիտարկվում են հակառակորդի կողմից, սակայն այնպես չէ, որ գյուղերում ընդհանրապես ջուր չկա։
Ինչ վերաբերում է ՀԷԿ–ին, ապա Զարոյանը վստահեցրեց` դրա պայմանագրային ժամկետն ավարտվել է, և ընկերությունը որոշել է չշարունակել գործունեությունը։ Նա նշեց, որ դեռ ադրբեջանական ագրեսիայից առաջ էին ՀԷԿ–ից հայտնել, որ պայմանագրային ժամկետի ավարտից հետո այն չի երկարացվելու։
Վերին Շորժայի ղեկավար Արտյոմ Երանոսյանն էլ իր հերթին հայտնեց, որ գյուղից, ճիշտ է, փոքր երեխա ունեցող ընտանիքները գնացել են, սակայն գյուղում կյանքը շարունակվում է։
«Մեզ մոտ մշտական բնակչություն կա, ֆերմա էլ կա, որն ամենօրյա աշխատանք է պահանջում։ Ինչպե՞ս կարող են լքել տունը։ Ինչ վերաբերում է ջրի խնդրին, ապա, այո՛, կա նման հարց։ Ջրհավաք ավազանը թշնամու հսկողության ներքո է։ Մեկ շաբաթ առաջ ջուրը սառել էր, և մենք ռիսկի գնացինք ու անվադողեր տարանք, վառեցինք, խողովակը տաքացավ ու բացվեց։ Այս պահին ջուր ունենք»,– ասաց Երանոսյանը։
Sputnik Արմենիան փորձեց մեկնաբանություն ստանալ ՀՀ մարդու իրավունքների պաշտպանի գրասենյակից՝ հասկանալու համար, թե ինչ տեղեկություններ ունեն վերոհիշյալ գյուղերի բնակիչների, նրանց խնդիրների վերաբերյալ։ Մեզ, սակայն, պատասխանեցին, որ ինչպես ցանկացած ֆեյսբուքյան օգտատիրոջ, այնպես էլ «Թաթոյան հիմնադրամի» գրառումները ՄԻՊ–ը չի մեկնաբանում։
