Շրջափակման օրերին Արցախում 110 երեխա է ծնվել

Նորածին - Sputnik Արմենիա, 1920, 09.01.2023
Բաժանորդագրվեք
НовостиTelegram
2022 թվականի ընթացքում Արցախի բուժհաստատություններում 1623 ծնունդ է գրանցվել։
ԵՐԵՎԱՆ, 9 հունվարի – Sputnik. Արդեն շուրջ մեկ ամիս շարունակվող շրջափակման պայմաններում Արցախում 110 երեխա է ծնվել։ Ուրախ լուրը հայտնել է ԱՀ առողջապահության նախարարության մամուլի ծառայությունը։
Միայն 2023 թվականի հունվարի 1-8-ն ընկած ժամանակահատվածում ԱՀ բուժհաստատություններում 43 երեխա է լույս աշխարհ եկել։
Արցախի առողջապահության նախարարությունը նաև վիճակագրական տվյալներ է ներկայացրել անցած տարվա ընթացքում գրանցված ծնունդների վերաբերյալ։
«Արցախի Հանրապետության առողջապահության նախարարության բուժհաստատություններում 2022 թվականի ընթացքում ծնվել է 1623 երեխա, որից 15-ը՝ զույգ: Եվս 43 արցախցի երեխա ծնվել է ՀՀ բուժհաստատություններում»,– նշված է հաղորդագրության մեջ։
Նախորդ տարվա ընթացքում փոքրիկ արցախցիներ են ծնվել նաև արտամարմնային բեղմնավորման ճանապարհով։ Մասնավորապես, ԱՀ ԱՆ բուժհաստատություններում ծնվել է 17 երեխա, նրանցից 16-ը՝ «Մոր և մանկան առողջության պահպանման կենտրոն» ՓԲԸ-ում, 1-ը՝ «Մարտակերտի շրջանային բուժմիավորումե ՓԲԸ-ում:
Հիշեցնենք, որ դեկտեմբերի 12-ի առավոտյան Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։
Դեկտեմբերի 13-ից ադրբեջանական կողմն անջատել էր նաև Արցախի գազամատակարարումը։ Դեկտեմբերի 16–ի առավոտյան Արցախի պետնախարար Ռուբեն Վարդանյանը հայտնեց, որ Արցախում գազամատակարարումը վերականգնվել է, և դա արվել է առանց որևէ նախապայմանի։
Լաչինի միջանցքը, սակայն, շարունակում է փակ մնալ։
Լրահոս
0