Ադրբեջանական կողմից հնչող մեղադրանքները կեղծ են. Միրզոյանը` Քերըն Դոնֆրիդին

© Photo : official site of MFA of RA Արարատ Միրզոյանն ու Քերըն Դոնֆրիդը
Արարատ Միրզոյանն ու Քերըն Դոնֆրիդը - Sputnik Արմենիա, 1920, 10.01.2023
Բաժանորդագրվեք
НовостиTelegram
Արարատ Միրզոյանը հեռախոսազրույցում նշել է, որ Լաչինի միջանցքի արգելափակման բնապահպանական հիմնավորումները կեղծ են:
ԵՐԵՎԱՆ, 10 հունվարի – Sputnik. Ադրբեջանը պարտավոր է առանց որևէ նախապայմանի վերականգնել Լաչինի միջանցքի՝ նոյեմբերի 9-ի եռակողմ հայտարարությամբ ամրագրված ռեժիմը: ՀՀ ԱԳ նախարար Արարատ Միրզոյանը հեռախոսով այս մասին ասել է ԱՄՆ պետքարտուղարի եվրոպական և եվրասիական հարցերով տեղակալ Քերըն Դոնֆրիդին, հայտնում է ԱԳՆ մամուլի ծառայությունը:
«Արարատ Միրզոյանն իր զրուցակցին է ներկայացրել է 2022թ. դեկտեմբերի 12-ից Ադրբեջանի կողմից Լեռնային Ղարաբաղը Հայաստանին և արտաքին աշխարհին կապող միակ ճանապարհի` Լաչինի միջանցքի արգելափակման հետևանքով օրեցօր վատթարացող հումանիտար իրավիճակը»,–նշված է հաղորդագրության մեջ։
Շեշտվել է, որ Ադրբեջանն իր գործողություններով կոպտորեն խախտում է 2020թ. նոյեմբերի 9-ի եռակողմ հայտարարությունը:
Հայաստանի արտաքին քաղաքական գերատեսչության ղեկավարը նշել է, որ Լաչինի միջանցքի արգելափակման վերաբերյալ ադրբեջանական կողմի «բնապահպանական հիմնավորումները» և հնչող մեղադրանքները կեղծ են:
ՀՀ ԱԳ նախարարը զրուցակցին է ներկայացրել նաև Հայաստան-Թուրքիա հարաբերությունների կարգավորման գործընթացի վերջին զարգացումները:
Հիշեցնենք` այսօր ավելի վաղ Ադրբեջանի կողմից Լաչինի միջանցքի արգելափակման հետևանքով ստեղծված հումանիտար ճգնաժամի մասին ՀՀ ԱԳ նախարար Արարատ Միրզոյանը հեռախոսազրույց էր ունեցել ԵԱՀԿ գործող նախագահ, Հյուսիսային Մակեդոնիայի ԱԳ նախարար Բույար Օսմանիի հետ:
Դեկտեմբերի 12-ի առավոտյան Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։
Դեկտեմբերի 13-ից ադրբեջանական կողմն անջատել էր նաև Արցախի գազամատակարարումը։ Դեկտեմբերի 16–ի առավոտյան Արցախի պետնախարար Ռուբեն Վարդանյանը հայտնեց, որ Արցախում գազամատակարարումը վերականգնվել է, և դա արվել է առանց որևէ նախապայմանի։
Լաչինի միջանցքը, սակայն, շարունակում է փակ մնալ։
Լրահոս
0