https://armeniasputnik.am/20230110/mek-amis-aranc-majriki-6-anchapahas-erekhaneri-majry-mnacel-e-arcakhum-erekhanery-shirakum-53615343.html

Մեկ ամիս առանց մայրիկի. 6 անչափահաս երեխաների մայրը մնացել է Արցախում, երեխաները՝ Շիրակում

Մեկ ամիս առանց մայրիկի. 6 անչափահաս երեխաների մայրը մնացել է Արցախում, երեխաները՝ Շիրակում

Sputnik Արմենիայի թղթակիցն այցելել է Լաչինի միջանցքի շրջափակման հետևանքով Շիրակի մարզում առանց մոր խնամքի մնացած 6 անչափահաս երեխաներին, զրուցել նրանց ու... 10.01.2023, Sputnik Արմենիա

2023-01-10T08:55+0400

2023-01-10T08:55+0400

2023-01-10T08:55+0400

շիրակի մարզ

արցախ

լաչինի միջանցք

երեխա

շրջափակում

https://cdnn1.img.armeniasputnik.am/img/07e7/01/09/53609371_0:62:1600:962_1920x0_80_0_0_36d3de57be590c9f66f87ce2a67a97c7.jpg

Արդեն մեկ ամիս է՝ Նաիրա Մարգարյանի 6 անչափահաս երեխաները սպասում են, թե Արցախում մնացած մայրը երբ է տուն վերադառնալու։ Առանց ծնողական խնամքի մնացած Տաթևը, Ալինան, Ալիսան, Ալվարդը, Լենան ու Սյուզին մինչև 44–օրյա պատերազմն ապրել են Արցախի Քաշաթաղի շրջանում։ Պատերազմում միակ որդու` Ժիրայր Մարգարյանի մահից հետո Նաիրա Մարգարյանն ընտանիքի հետ տեղափոխվել է Շիրակի մարզի Ախուրյան համայնքի Մայիսյան բնակավայր։ Տունը, որտեղ այս պահին ապրում են, սեփականատեր ունի, բայց անվարձահատույց տրամադրվել է ընտանիքին:Աղջիկներից ամենամեծին` Դիցուհի Մարգարյանին, մայրն ամուսնացրել է Արտաշատում, ինքը միայնակ հոգում է 6 անչափահաս երեխաների կարիքները, քանի որ ամուսինը դատապարտյալ է։2022 թվականի դեկտեմբերի 11-ին Նաիրան բնակարանի գնման վկայագրի հետ կապված փաստաթղթերի համար գնացել է Արցախ ու Լաչինի միջանցքի շրջափակման հետևանքով մնացել այնտեղ։Ախուրյանի համայնքապետարանի խնամակալության և հոգաբարձության մարմնի նախաձեռնությամբ դեկտեմբերի 28–ից 6 անչափահաս երեխաների խնամակալ է դարձել Հռիփսիմե Նահապետյանը։Նա համայնքի վարչական ղեկավար Արգինե Բաբաջանյան հետ Նոր տարվա գիշերը տոնել է երեխաների հետ. իր տան սեղանի նման սեղան է գցել ու իր երեխաներին էլ տոնին մասնակից դարձրել։«Երեխեքը լավ են սովորում, մեծերը գերազանցիկ են։ Սիրով են գնում դպրոց, չնայած վերջին մեկ ամսում փոքր–ինչ շատ են բացակայել, մայրն այստեղ չէ, քնով են ընկել։ Հիմա մեծ քույրն Արտաշատից իր մանկահասակ երեխայի հետ այստեղ է եկել` քույրերին մոտ լինելու համար։ Այս պահին երեխաները սննդի, հագուստի կարիք չունեն՝ միայն մայրիկին են ուզում»,–ասում է Հռիփսիմեն։Sputnik Արմենիայի թղթակցի այցի ժամանակ տանը 3 տարեկան Տաթևն ու 6 տարեկան Ալինան էին, մյուս աղջիկները դպրոց էին գնացել։Փոքրիկ Ալինան սիրով ցույց է տալիս տոնածառը, պատմում իրենց հյուր եկած Ձմեռ պապի ու Ձյունանուշի մասին։ Չնայած Ալինայի խնդրանքը Ձմեռ պապը կատարել է ու բերել իր սիրած տիկնիկը, միևնույն է՝ նա ամենալավ նվերին է սպասում` մոր վերադարձին։

շիրակի մարզ

լաչինի միջանցք

2023

Լուրեր

am_HY

շիրակի մարզ, արցախ, լաչինի միջանցք, երեխա, շրջափակում