Ռուսների համար դժվա՞ր կլինի․ ՆԱՏՕ-ի օգնությունը Կիևին նոր մակարդակի է հասել

© AP Photo / Mindaugas KulbisLeopard 2 տանկ
Leopard 2 տանկ - Sputnik Արմենիա, 1920, 10.01.2023
Leopard 2 տանկ. Արխիվային լուսանկար
Բաժանորդագրվեք
НовостиTelegram
Տարեսկզբին ՆԱՏՕ-ն կտրուկ բարձրացրել է Ռուսաստանի հետ դիմակայության դրույքաչափերը. միանգամից մի քանի երկրներ խոստացել են Կիևին ծանր զրահատեխնիկա տրամադրել։ Առայժմ խոսքը ՀՄՄ-ների, ինքնագնաց հրետանային կայանքների և անիվային տանկերի մասին է։ Բայց ոմանք արդեն մտածում են ավելի լուրջ նմուշներ փոխանցելու մասին:

Անդրեյ Կոց

Սպիտակ տունը Ուկրաինային հերթական, առայժմ ամենախոշոր տրանշն է դուրս գրել՝ 3,75 մլրդ դոլարի չափով: Կիևը կստանա 100 թրթուրավոր M113զրահամեքենա, մոտ 200 բարձր անցունակությամբ անվավոր ավտոմեքենա, 105 մմ տրամաչափի 36 քարշակվող հաուբից, տարբեր տրամաչափի զինամթերք, սարքավորումներ և հանդերձանք:
Ցուցակում կա նաև 50 M2 Bradley զինամթերքով մարտական մեքենա: Նման մակարդակի արևմտյան զրահատեխնիկա հակամարտության գոտում դեռ չի հայտնվել։
M2 Bradley-ն ԱՄՆ ցամաքային զորքերի սպառազինությունում հայտնվել է 1981-ին և մինչ օրս ծառայում է որպես ամերիկյան բանակի գլխավոր «բանող ձի»: Օգտագործվել է բազմաթիվ մարտական գործողություններում: Բավականին հուսալի է, ահեղ և պաշտպանված, ունակ է շուրջօրյա աշխատել: Այն կարող է տեղավորել վեց դեսանտայինների, զինված է 25 մմ-ոց ավտոմատ թնդանոթով, գնդացիրով։
Հայտնի է, որ ուկրաինացիներին M2A2 ODS մոդիֆիկացիայի 50 ՀՄՄ կհատկացվի։ Այն անիվների վրա է դրվել 1990-ականներին՝ հաշվի առնելով իրաքյան արշավի փորձը։ Արդիականացման ամենակարևոր տարրը FBCB2 (Force XXI Battle Command Brigade and Below) համակարգն է, որը թույլ է տալիս հետախուզական տեղեկատվություն փոխանակել արբանյակների և նման սարքերով բոլոր մարտական միավորումների հետ: FBCB2-ը համակարգչային էկրանին ցույց է տալիս բարեկամական և թշնամական ուժերի գտնվելու վայրը։
Իհարկե, այդ 50 մեքենաները Ուկրաինայի ԶՈւ-ն ցանցակենտրոն բանակի չեն վերածի։ Սակայն ամերիկացիները կկարողանան տեսնել, թե ինչպես է իրենց զենքը հակադրվում ռուսականին։ Եթե փորձը հաջողված ճանաչվի, ԱՄՆ-ն կտրուկ կավելացնի մատակարարումները՝ առանց սեփական պաշտպանունակությանը էական վնաս հասցնելու։ Ավելի վաղ մոդիֆիկացիաների М2-ի ավելի քան երկու հազար օրինակներ անգործ կանգնած են պահեստային բազաներում:
«Այժմ ճիշտ ժամանակն է նման զրահատեխնիկա տրամադրելու համար, — ասել է Ռուսաստանի և Ուկրաինայի հարցերով ԱՄՆ-ի պաշտպանության նախարարի օգնականի տեղակալ Լորա Կուպերը։ - Ճիշտ ժամանակն է, որ Ուկրաինան օգտվի իր ունեցած հնարավորություններից, փոխի դինամիկան ռազմի դաշտում, ինչպես նաև տեխնիկական սպասարկման և ապահովման առումով, ինչը շատ կարևոր է։ Ուկրաինացիները ավելի ու ավելի մեծ վարպետություն են ցուցաբերում տեխնիկական սպասարկման և ապահովման հարցում՝ ապավինելով նոր համակարգերին, որոնք մենք տեղակայել ենք մեր դաշնակիցների և գործընկերների հետ»։

Բեռլինից ու Փարիզից

Գերմանիան հայտնել է նոր մատակարարումների մասին։ Բեռլինը պարտավորվել է առաջին եռամսյակում Ուկրաինայի ԶՈւ-ին 40 Marder ՀՄՄ տրամադրել։ Այս որոշումը Բունդեսթագում մեծ քննադատության է արժանացել։
Հիշել են նաև վերջին սկանդալը Puma նորագույն ՀՄՄ-ների հետ կապված, որոնց զգալի մասը, ինչպես հետո պարզվեց՝ անգործունակ է:
Marder-ն ընդունվել է 1970-ին, բայց մարտական մկրտություն է ստացել միայն 2009-2011 թվականներին Աֆղանստանում։ Բունդեսվերի զինվորները գնահատում են այն անվտանգության, 20 մմ հակատանկային թնդանոթի բարձր կրակային հզորության և Milan կառավարվող հակատանկային հրթիռի համար։
Ուկրաինացի դիվանագետը հայտարարել է, որ Արևմուտքը Կիևին ժամկետանց զենքեր է մատակարարում
Թե որ տարբերակն է ուղարկվելու Ուկրաինայի զինված ուժերին, չեն ճշտել, բայց հազիվ թե վերջինը։ Առավել ժամանակակից Marder A5 և Marder A5A1 գերմանական բանակում շատ չեն՝ հարյուրից մի փոքր ավելի: Իսկ A3 և A4 տարբերակներն արդեն ավելի քան երեսուն տարեկան են։
Ֆրանսիացիներն իրենց հերթին ուզում են կիսվել AMX-10RC թեթև անիվային տանկերով։ Տանկային աշտարակով և 105 միլիմետրանոց զենքով այս զրահամեքենաները, որոնք ընդունվել են 1981 թվականին, կռվել են բազմաթիվ թեժ կետերում։ Թնդանոթի հզորությունը բավարար է ոչ միայն թեթև զրահատեխնիկայի, այլև ավելի պաշտպանված թիրախների դեմ պայքարելու համար։

«Բարձր տեխնոլոգիական տարբերակներ»

ՆԱՏՕ-ում պատրաստ են ավելի հեռուն գնալ՝ ընդլայնելով փոխանցվող սպառազինության անվանացանկը։ Նոր նմուշները կարող են Ուկրաինա հասնել արդեն տարվա երկրորդ կեսին։ Արդեն ամենուրեք խոսում են տանկերի մասին, թեև կես տարի առաջ այդ հնարավորությունը կտրականապես հերքվում էր։ The Wall Street Journal թերթը գրում է, որ Լեհաստանը պատրաստ է Ուկրաինա ուղարկել գերմանական արտադրության սեփական Leopard 2 հիմնական մարտական տանկերը։ Այժմ Վարշավան շտապ փոխարինում է գերմանական մեքենաների պարկը ամերիկյան և հարավկորեական մեքենաներով։
Ֆինլանդիայի իշխանությունները, որը դեռ չի հասցրել անդամակցել Հյուսիսատլանտյան դաշինքին, արդեն հայտարարել է, որ եթե այլ երկրներ տանկեր ուղարկեն Կիևին, ապա իրենք նույնպես անմասն չեն մնա՝ առնվազն 30 միավոր Leopard 2 կփոխանցեն:
Իսկ հունվարի 9-ին Sky News հեռուստաալիքը հայտնել էր, որ Մեծ Բրիտանիան մտածում է Challenger 2 տանկերի տեղափոխման մասին։ «Աբրամսի» մասին Վաշինգտոնում դեռ լռում են։
Արևմուտքի կողմից ծանր զրահատեխնիկայի մատակարարումները կարող են ռուսական բանակի համար էապես բարդացնել մարտական խնդիրների լուծումը։ Եթե նախկինում տանկային տեխնոլոգիաների գերակայությունը Մոսկվայի կողմն էր, ապա ՆԱՏՕ-ի մեքենաները կվերականգնեն հավասարակշռությունը: Թեև մատակարարումների ծավալները, ինչպես և նախկինում, կախված են ռազմաճակատի իրավիճակից։
Լրահոս
0