ԵՄ-ն Իրանի դեմ պատժամիջոցների չորրորդ փաթեթն է պատրաստում

© Sputnik / Алексей Витвицкий / Անցնել մեդիապահոցԵվրամիության դրոշ
Եվրամիության դրոշ - Sputnik Արմենիա, 1920, 12.01.2023
Եվրամիության դրոշ
Բաժանորդագրվեք
НовостиTelegram
Իտալիան կոչ է անում Իրանին անհապաղ դադարեցնել մահապատիժների իրագործումը։
ԵՐԵՎԱՆ, 12 հունվարի – Sputnik. Եվրամիությունը Իրանի դեմ պատժամիջոցների չորրորդ փաթեթն է պատրաստում։ Տեղեկությունը հայտնել է Իտալիայի փոխվարչապետ և արտգործնախարար Անտոնիո Տայանին Իտալիայի խորհրդարանի երկու պալատների միջազգային հարցերի հանձնաժողովների համատեղ նիստում։

«ԵՄ արտգործնախարարների խորհրդի կողմից երեք փաթեթ ենք ընդունել (պատժամիջոցների․ խմբ.) իրանական կազմակերպությունների և անհատների դեմ, որոնք պատասխանատու են Մահսա Ամինիի մահվան ու բողոքի ցույցերի դաժան ճնշման համար։ Մենք աշխատում ենք չորրորդ փաթեթի վրա, որպեսզի շարունակենք անսասան դատապարտման ազդակ ուղարկել», - ասել է Տայանին։

Նրա խոսքով՝ Իտալիայի կառավարությունը կոչ է անում Իրանին անհապաղ դադարեցնել մահապատիժների իրագործումը։
Ավելի վաղ Եվրոպայի երկրներում Իրանի մի քանի դեսպաններին կանչել էին այդ երկրների ԱԳՆ՝ Իրանում անկարգությունների մասնակիցների մահապատժի դատավճիռների կապակցությամբ:
Լրտեսության համար մահապատժի է դատապարտվել Իրանի պաշտպանության նախկին փոխնախարարը
Հիշեցնենք` Իրանում սեպտեմբերի կեսերից զանգվածային անկարգություններ և բողոքի ցույցեր են տեղի ունենում 22-ամյա Մահսա Ամինիի մահվան կապակցությամբ: Երկրի բնակիչները իշխանություններին են մեղադրում Մահսայի մահվան մեջ։
Բողոքի ցույցերը արմատական-ծայրահեղական բնույթ են ստացել։ Անկարգությունների մասնակիցները հարձակումներ են գործել հոգևորականների, իրանական մզկիթների վանահայրերի, անվտանգության ուժերի՝ ոստիկանության, ԻՀՊԿ–ի (Իսլամական հեղափոխության պահապանների կորպուս), ինչպես նաև ռազմական խոշոր կառույցներից մեկի՝ Բասիջի անդամների վրա։
Հոկտեմբերի վերջին և նոյեմբերի սկզբին Իրանում ևս երկու ահաբեկչություն է տեղի ունեցել՝ առաջինը` Շիրազ քաղաքում, երկրորդը ՝ Խուզեստան նահանգի փոքրիկ քաղաքում, որը գտնվում է երկրի հարավում: Ահաբեկիչները կրակ են բացել մի խումբ քաղաքացիական անձանց և ոստիկանության աշխատակիցների ուղղությամբ։
Իրանի իշխանությունները ցուցարարներին աջակցելու համար մեղադրում են Արևմուտքի երկրներին, որոնք իրենց ԶԼՄ-ներում տարածում են հակաիրանական բնույթի հաղորդագրություններ, ինչպես նաև կոչ են անում երկրի բնակչությանը տապալել իշխանությունը:
Լրահոս
0