https://arm.sputniknews.ru/20230113/senatvorner-menendesy-ev-ridy-arcakhi-harcvov-namak-en-hghel-bajdeni-varchakazmin-53769932.html
Սենատորներ Մենենդեսը և Ռիդը Արցախի հարցով նամակ են հղել Բայդենի վարչակազմին
Սենատորներ Մենենդեսը և Ռիդը Արցախի հարցով նամակ են հղել Բայդենի վարչակազմին
Sputnik Արմենիա
Սենատորները նշել են, որ ԱՄՆ-ն պետք է քայլեր ձեռնարկի պաշարված բնակչությանը հումանիտար օգնություն ու օգնություն հասցնելու ուղղությամբ։ 13.01.2023, Sputnik Արմենիա
2023-01-13T11:47+0400
2023-01-13T11:47+0400
2023-01-13T11:50+0400
ամն
արցախ
լաչինի միջանցք
ջո բայդեն
ադրբեջան
շրջափակում
https://cdn.am.sputniknews.ru/img/816/76/8167634_0:160:3073:1888_1920x0_80_0_0_f637afd5b1c8cac4d6d3bd2062ea7a2d.jpg
ԵՐԵՎԱՆ, 13 հունվարի - Sputnik. ԱՄՆ սենատորներ Բոբ Մենենդեսը և Ջեք Ռիդը կոչ են արել Բայդենի վարչակազմին շտապ օգնություն ուղարկել Արցախ և ուժեղացնել ճնշումն Ադրբեջանի վրա։ Տեղեկությունը հայտնում է Հայ դատի Ամերիկայի հանձնախմբը։Պետքարտուղար Էնթոնի Բլինկենին ուղարկված համատեղ նամակում Սենատի արտաքին հարաբերությունների հանձնաժողովի նախագահ Մենենդեսը և Զինված ծառայությունների հանձնաժողովների նախագահ Ռիդը խորը մտահոգություն են հայտնել Ադրբեջանի շրջափակման վերաբերյալ՝ նշելով, որ Ադրբեջանը պետք է պատասխանատվության ենթարկվի խաղաղ բնակչության սննդամթերքի և առաջին անհրաժեշտության ապրանքների հասանելիությունն արգելափակելու համար:Սենատորները նշել են, որ ԱՄՆ-ն պետք է քայլեր ձեռնարկի պաշարված բնակչությանը հումանիտար ու անհրաժեշտ օգնություն հասցնելու ուղղությամբ։«Մենք պետք է աջակցենք այն կազմակերպություններին, որոնք աշխատում են օգնություն տրամադրելու համար, ինչպես նաև աշխատենք ողջ Եվրոպայում մեր համախոհ գործընկերների հետ, ովքեր նույնպես մտահոգություն են հայտնել Բաքվի գործողությունների վերաբերյալ՝ ճնշում գործադրելու Ալիևի ռեժիմի վրա՝ դադարեցնելու այս անընդունելի շրջափակումը»,-ասված է նամակում։Հայ դատի Ամերիկայի հանձնախմբի Վաշինգտոնի գրասենյակի տնօրեն Արամ Համբարյանը բարձր է գնահատել ԱՄՆ սենատորների ջանքերը։ «Մենք ողջունում ենք սենատորներ Մենենդեսի և Ռիդի այսօրվա դիրքորոշումը և միանում ենք Բայդենի վարչակազմին ուղղված նրանց կոչին»,–ասել է նա։Համբարյանը հավելել է, որ Ադրբեջանի վրա կարելի է ազդել Ալիևի կոռումպացված և ռասիստական ռեժիմին ԱՄՆ ռազմական օգնությունից զրկելով։Հիշեցնենք` 2022 թ. դեկտեմբերի 12-ի առավոտյան Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։Դեկտեմբերի 13-ից ադրբեջանական կողմն անջատել էր նաև Արցախի գազամատակարարումը։ Դեկտեմբերի 16–ի առավոտյան Արցախի պետնախարար Ռուբեն Վարդանյանը հայտնեց, որ Արցախում գազամատակարարումը վերականգնվել է, և դա արվել է առանց որևէ նախապայմանի։Լաչինի միջանցքը, սակայն, շարունակում է փակ մնալ։
ամն
լաչինի միջանցք
ադրբեջան
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ամն, արցախ, լաչինի միջանցք, ջո բայդեն, ադրբեջան, շրջափակում
ամն, արցախ, լաչինի միջանցք, ջո բայդեն, ադրբեջան, շրջափակում
Սենատորներ Մենենդեսը և Ռիդը Արցախի հարցով նամակ են հղել Բայդենի վարչակազմին
11:47 13.01.2023 (Թարմացված է: 11:50 13.01.2023) Սենատորները նշել են, որ ԱՄՆ-ն պետք է քայլեր ձեռնարկի պաշարված բնակչությանը հումանիտար օգնություն ու օգնություն հասցնելու ուղղությամբ։
ԵՐԵՎԱՆ, 13 հունվարի - Sputnik. ԱՄՆ սենատորներ Բոբ Մենենդեսը և Ջեք Ռիդը կոչ են արել Բայդենի վարչակազմին շտապ օգնություն ուղարկել Արցախ և ուժեղացնել ճնշումն Ադրբեջանի վրա։ Տեղեկությունը հայտնում է Հայ դատի Ամերիկայի հանձնախմբը։
Պետքարտուղար Էնթոնի Բլինկենին ուղարկված համատեղ նամակում Սենատի արտաքին հարաբերությունների հանձնաժողովի նախագահ Մենենդեսը և Զինված ծառայությունների հանձնաժողովների նախագահ Ռիդը խորը մտահոգություն են հայտնել Ադրբեջանի շրջափակման վերաբերյալ՝ նշելով, որ Ադրբեջանը պետք է պատասխանատվության ենթարկվի խաղաղ բնակչության սննդամթերքի և առաջին անհրաժեշտության ապրանքների հասանելիությունն արգելափակելու համար:
«Միացյալ Նահանգները չի կարող անմասն մնալ, քանի դեռ Ալիևի ռեժիմը սպառնում է Լեռնային Ղարաբաղի քաղաքացիների կյանքին»,– գրել են նրանք։
Սենատորները նշել են, որ ԱՄՆ-ն պետք է քայլեր ձեռնարկի պաշարված բնակչությանը հումանիտար ու անհրաժեշտ օգնություն հասցնելու ուղղությամբ։
«Մենք պետք է աջակցենք այն կազմակերպություններին, որոնք աշխատում են օգնություն տրամադրելու համար, ինչպես նաև աշխատենք ողջ Եվրոպայում մեր համախոհ գործընկերների հետ, ովքեր նույնպես մտահոգություն են հայտնել Բաքվի գործողությունների վերաբերյալ՝ ճնշում գործադրելու Ալիևի ռեժիմի վրա՝ դադարեցնելու այս անընդունելի շրջափակումը»,-ասված է նամակում։
Հայ դատի Ամերիկայի հանձնախմբի Վաշինգտոնի գրասենյակի տնօրեն Արամ Համբարյանը բարձր է գնահատել ԱՄՆ սենատորների ջանքերը։ «Մենք ողջունում ենք սենատորներ Մենենդեսի և Ռիդի այսօրվա դիրքորոշումը և միանում ենք Բայդենի վարչակազմին ուղղված նրանց կոչին»,–ասել է նա։
Համբարյանը հավելել է, որ Ադրբեջանի վրա կարելի է ազդել Ալիևի կոռումպացված և ռասիստական ռեժիմին ԱՄՆ ռազմական օգնությունից զրկելով։
Հիշեցնենք` 2022 թ. դեկտեմբերի 12-ի առավոտյան Շուշի-Քարին տակ խաչմերուկի հատվածում
քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։
Դեկտեմբերի 13-ից ադրբեջանական կողմն
անջատել էր նաև Արցախի գազամատակարարումը։ Դեկտեմբերի 16–ի
առավոտյան Արցախի պետնախարար Ռուբեն Վարդանյանը հայտնեց, որ Արցախում գազամատակարարումը վերականգնվել է, և դա արվել է առանց որևէ նախապայմանի։
Լաչինի միջանցքը, սակայն, շարունակում է փակ մնալ։
