https://arm.sputniknews.ru/20230117/erkatughin-bacelu-hertakan-pvordzy-chi-hajvoghvel-adrbejany-nvor-pajmanner-uni-mirzvojan-53945687.html
Երկաթուղին բացելու հերթական փորձը չի հաջողվել, Ադրբեջանը նոր պայմաններ ունի. Միրզոյան
Երկաթուղին բացելու հերթական փորձը չի հաջողվել, Ադրբեջանը նոր պայմաններ ունի. Միրզոյան
Sputnik Արմենիա
Արարատ Միրզոյանը ԵԱՀԿ–ում նշել է, որ նույնիսկ հարաբերությունների կարգավորման համաձայնագրի ստորագրումից հետո Ադրբեջանը կշարունակի իր անհեթեթ տարածքային... 17.01.2023, Sputnik Արմենիա
2023-01-17T19:01+0400
2023-01-17T19:01+0400
2023-01-17T19:02+0400
հայաստան
ադրբեջան
արարատ միրզոյան
եահկ
https://cdn.am.sputniknews.ru/img/07e7/01/11/53941875_0:0:2501:1407_1920x0_80_0_0_ffa3a5c6aecae90de3d2e4e3f6184d2c.jpg
ԵՐԵՎԱՆ, 17 հունվարի – Sputnik. Վերջերս երկաթուղային հաղորդակցությունների բացման վերաբերյալ վերջնական պայմանավորվածություն գտնելու հերթական փորձը չի հաջողվել։ ԵԱՀԿ Մշտական խորհրդի հատուկ նիստին հայտարարել է ՀՀ ԱԳ նախարար Արարատ Միրզոյանը։ Տեղեկությունը հայտնում է ՀՀ ԱԳՆ մամուլի ծառայությունը։Միաժամանակ նախարարը նշել է, որ սեպտեմբերյան ագրեսիան, ինչպես նաև նախորդած ժամանակահատվածում Ադրբեջանի հարձակումներն ու սադրանքները, պետք է դիտարկել Հայաստանի, այդ թվում՝ մայրաքաղաք Երևանի, նկատմամբ անընդհատ աճող և Ադրբեջանի նախագահի կողմից մշտապես հնչող տարածքային պահանջների ֆոնին։ Նրա խոսքով` դրանք կրկնվում են այլ բարձրաստիճան պաշտոնյաների կողմից և ուղեկցվում են ուժի կիրառման ակնհայտ սպառնալիքներով։Միրզոյանը հավելել է, որ առայժմ չի տեսնում այս քաղաքական գծի փոփոխության որևէ նշան, այն է՝ տարածքային պահանջներից և ռազմատենչ հռետորաբանությունից հրաժարվելու և խաղաղությանը հավատարիմ մնալու Ադրբեջանի պատրաստակամությունը.«Այս պայմաններում մենք բոլոր հիմքերն ունենք կարծելու, որ նույնիսկ հարաբերությունների կարգավորման համաձայնագրի ստորագրումից հետո Ադրբեջանը կշարունակի իր անհեթեթ տարածքային պահանջները Հայաստանի նկատմամբ»։Ադրբեջանը նպատակ է հետապնդում հարկադրել ԼՂ բնակչությանը լքել իրենց տները. Արարատ ՄիրզոյանՆշենք, որ Հայաստանը Ադրբեջանի հետ բանակցում է երեք ուղղությամբ` տարածաշրջանում բոլոր տրանսպորտային հաղորդակցությունների բացում, սահմանազատում և սահմանների անվտանգություն և Հայաստանի ու Ադրբեջանի միջև հարաբերությունների կարգավորման կամ խաղաղության համաձայնագիր։
ադրբեջան
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, ադրբեջան, արարատ միրզոյան, եահկ
հայաստան, ադրբեջան, արարատ միրզոյան, եահկ
Երկաթուղին բացելու հերթական փորձը չի հաջողվել, Ադրբեջանը նոր պայմաններ ունի. Միրզոյան
19:01 17.01.2023 (Թարմացված է: 19:02 17.01.2023) Արարատ Միրզոյանը ԵԱՀԿ–ում նշել է, որ նույնիսկ հարաբերությունների կարգավորման համաձայնագրի ստորագրումից հետո Ադրբեջանը կշարունակի իր անհեթեթ տարածքային պահանջները Հայաստանի նկատմամբ։
ԵՐԵՎԱՆ, 17 հունվարի – Sputnik. Վերջերս երկաթուղային հաղորդակցությունների բացման վերաբերյալ վերջնական պայմանավորվածություն գտնելու հերթական փորձը չի հաջողվել։ ԵԱՀԿ Մշտական խորհրդի հատուկ նիստին հայտարարել է ՀՀ ԱԳ նախարար Արարատ Միրզոյանը։ Տեղեկությունը հայտնում է
ՀՀ ԱԳՆ մամուլի ծառայությունը։
«Ադրբեջանական կողմը նոր պայմաններ է առաջադրել, որոնք հակասում էին կանոնակարգումների վերաբերյալ կողմերի առաջնային ըմբռնմանը։ Փաստորեն սա արդեն երկրորդ անգամն էր, որ Ադրբեջանի գործողությունները խաթարում են առաջընթացն այս հարցում։ Երկաթուղային կապի հարցերը լուծելու նախնական պայմանավորվածություն առաջին անգամ ձեռք էր բերվել դեռևս 2021-ի դեկտեմբերին։ Այս փաստը տեղ է գտել անգամ Եվրոպական խորհրդի նախագահ Շառլ Միշելի՝ 2021թ. դեկտեմբերի 14-ի հայտարարության մեջ»,–ասել է Միրզոյանը։
Միաժամանակ նախարարը նշել է, որ սեպտեմբերյան ագրեսիան, ինչպես նաև նախորդած ժամանակահատվածում Ադրբեջանի հարձակումներն ու սադրանքները, պետք է դիտարկել Հայաստանի, այդ թվում՝ մայրաքաղաք Երևանի, նկատմամբ անընդհատ աճող և Ադրբեջանի նախագահի կողմից մշտապես հնչող տարածքային պահանջների ֆոնին։ Նրա խոսքով` դրանք կրկնվում են այլ բարձրաստիճան պաշտոնյաների կողմից և ուղեկցվում են ուժի կիրառման ակնհայտ սպառնալիքներով։
Միրզոյանը հավելել է, որ առայժմ չի տեսնում այս քաղաքական գծի փոփոխության որևէ նշան, այն է՝ տարածքային պահանջներից և ռազմատենչ հռետորաբանությունից հրաժարվելու և խաղաղությանը հավատարիմ մնալու Ադրբեջանի պատրաստակամությունը.«Այս պայմաններում մենք բոլոր հիմքերն ունենք կարծելու, որ նույնիսկ հարաբերությունների կարգավորման համաձայնագրի ստորագրումից հետո Ադրբեջանը կշարունակի իր անհեթեթ տարածքային պահանջները Հայաստանի նկատմամբ»։
Նշենք, որ Հայաստանը Ադրբեջանի հետ բանակցում է երեք ուղղությամբ` տարածաշրջանում բոլոր տրանսպորտային հաղորդակցությունների բացում, սահմանազատում և սահմանների անվտանգություն և Հայաստանի ու Ադրբեջանի միջև հարաբերությունների կարգավորման կամ խաղաղության համաձայնագիր։
