Фон для радио  - Sputnik Արմենիա, 1920
ՌԱԴԻՈ

Մշտական սպառնալիք. ինչո՞ւ է Թուրքիան դաշնակիցների հետ զորավարժություններ անում ՀՀ սահմանին

Թուրքիայից և Ադրբեջանից միշտ էլ սպառնալիք կա՝ անկախ նրանց զորավարժություններից
Բաժանորդագրվեք
НовостиTelegram
Ռազմական փորձագետ Ռոբերտ Նազարյանը Sputnik Արմենիայի եթերում անդրադարձել է Հայաստանի հետ սահմանակից Կարս քաղաքում Թուրքիայի ու ևս յոթ պետությունների համատեղ զորավարժություններին։
Թուրքիայից և Ադրբեջանից միշտ էլ սպառնալիք կա` անկախ նրանց զորավարժություններից։ Առավել ևս, որ վերջին շրջանում գրեթե ամեն օր այդ երկրներից հնչում են ռազմատենչ հայտարարություններ` ուղղված Հայաստանի դեմ։ Sputnik Արմենիայի հետ զրույցում նման կարծիք հայտնեց ռազմական փորձագետ Ռոբերտ Նազարյանը։
Թուրքական լրատվամիջոցները տեղեկացնում են, որ թուրքական բանակը ևս 7 երկրների զինված ուժերի հետ համատեղ զորավարժություններ են անցկացնում Հայաստանի հետ սահմանակից Կարս քաղաքում։ Զորավարժությունների մասնակիցների թվում են ադրբեջանցի զինծառայողներ։
«Դրանք ամենամյա զորավարժություններ են և առաջինը չեն, որ անցկացվում են Կարսում, իսկ թուրքական 3-րդ բանակը տեղակայված է հենց երկրի արևելյան հատվածում` Հայաստանի սահմանի հարևանությամբ։ Ի դեպ, թուրքական կոնտինգենտ կա նաև Նախիջևանում, սակայն այդ ստորաբաժանումներն այնտեղ մշտական տեղակայում չունեն»,– ասաց ռազմական փորձագետը։
Անդրադառնալով այն հարցին, թե ինչով է պայմանավորված մեր տարածաշրջանում այսքան շատ զորավարժությունների անցկացումը, Նազարյանն ընդգծեց, որ այդ հանգամանքը նախևառաջ պայմանավորված է որոշ երկրների կողմից իրենց զինված ուժերի մարտունակությունը մշտապես բարձր պահելու շահագրգռվածությամբ։
«Ինչպես թուրքական կողմն է պաշտոնապես հայտարարում, զորավարժությունների գլխավոր նպատակը հնարավոր ռազմական գործողությունների ժամանակ ԶՈւ ստորաբաժանումների ներադաշնակեցումն է։ 44-օրյա պատերազմից հետո անցկացվող զորավարժությունները Հայաստանին հերթական անգամ ուժ զուցադրելու առիթ են դարձել»,– ասաց մեր զրուցակիցը։
Եվս մեկ անգամ հիշեցնելով այն հանգամանքը, որ ՀՀ–ն հրաժարվեց իր տարածքում ՀԱՊԿ–ի համատեղ զորավարժություններից` Նազարյանն ընդգծեց, որ հատկապես առկա իրավիճակում, երբ մեր երկրի առջև ծառացել են անվտանգային մարտահրավերներ, այդ զորավարժություններից հրաժարվելու որոշումն առնվազն ծիծաղելի է։
«Զորավարժությունները լավագույն կերպով կարող են նպաստել մեր զինված ուժերի մարտունակության բարձրացմանը։ Նման բան անելու համար նախ պետք է քաղաքական կամք և ցանկություն։ Ցավոք, դժվար է հիշել մեկ լուրջ կամ միջինից բարձր մասշտաբի զորավարժություն, որն անցկացվել է գոնե միայն մեր բանակի մասնակցությամբ 44-օրյա պատերազմից հետո»,–տարակուսանքով նշեց ռազմական փորձագետը։
Նշենք, որ Թուրքիայում կազմակերպված զորավարժությունները կանցկացվեն հունվարի 17–ից փետրվարի 2-ը։
Ինչո՞ւ է ՀՀ-ն հրաժարվում ՀԱՊԿ զորավարժություններից․ Սեյրան Օհանյանը կասկածներ ունի
Լրահոս
0