https://arm.sputniknews.ru/20230120/ltsen-shamb-ev-tatev-ltsen-tshanaparhahatvatsneri-shinararutjuny-minchev-amar-kavartvi-sanvosjan-54104763.html
Լծեն-Շամբ և Տաթև-Լծեն ճանապարհահատվածների շինարարությունը մինչև ամառ կավարտվի. Սանոսյան
Լծեն-Շամբ և Տաթև-Լծեն ճանապարհահատվածների շինարարությունը մինչև ամառ կավարտվի. Սանոսյան
Sputnik Արմենիա
Իրավաբանական գործընթաց են սկսել, որպեսզի նոր կառուցվող ճանապարհներին տան հանրապետական նշանակության ճանապարհների կարգավիճակ։ 20.01.2023, Sputnik Արմենիա
2023-01-20T17:08+0400
2023-01-20T17:08+0400
2023-01-20T17:13+0400
հայաստան
գնել սանոսյան
սյունիք
ճանապարհ
https://cdn.am.sputniknews.ru/img/07e6/0c/0e/52632671_0:0:1024:577_1920x0_80_0_0_7a0f70f801c39ffdfb6ef35957845038.jpg
ԵՐԵՎԱՆ, 20 հունվարի – Sputnik. Սյունիքի մարզի Շամբ–Լծեն և Տաթև–Լծեն ավտոճանապարհները մեծամասամբ ասֆալտապատված են։ Սյունիքում լրագրողների հետ զրույցում տեղեկությունը հայտնեց ՀՀ տարածքային կառավարման և ենթակառուցվածքների նախարար Գնել Սանոսյանը։Նա նշեց, որ Շամբ–Լծեն ավտոճանապարհի 6 կիլոմետրից 5–ը արդեն ասֆալտապատ է, իսկ Տաթև–Լծեն ճանապարհի 20 կիլոմետրից 19 կիլոմետրից ավելին է ասֆալտապատ։Նա տեղեկացրեց, որ իրավաբանական գործընթաց են սկսել, որպեսզի նոր կառուցվող ճանապարհներին տան հանրապետական նշանակության ճանապարհների կարգավիճակ։«Այս ճանապարհը ավելի շատ նախատեսված է, որպեսզի Սիսիան–Գորիս–Կապան ճանապարհը ավելի հեշտ անցնի, Սիսիանից միանգամից դեպի Տաթև գյուղ դուրս կգանք։ Իսկ գլխավոր դժվարությունը Տաթևի ոլորաններն էին, որոնք այս պարագայում այդ ճանապարհից առանձին կլինեն»,– ասաց Սանոսյանը և հավելեց, որ այս տարի մինչև ամառ նախատեսվում է ավարտել այդ ճանապարհների ասֆալտապատումը։Ինչո՞ւ է ձգձգվում Սոթքի տների վերականգնումը. նոր ժամկետ խուսափում են նշելՆրա խոսքով` առաջին հերթին իրենք հաշվի են առել, որ ճանապարհները խոշոր բեռնատարների և բոլոր տեսակի մեքենաների համար անցանելի լինեն։Նախարարն ընդգծեց, որ այս ճանապարհները Հյուսիս–հարավի հետ կապ չունեն։ Միայն Շամբից–Լծեն ճանապարհահատվածի մի կարճ հատվածը համընկնում ունի Սիսիան–Քաջարան Հյուսիս–հարավ ճանապարհահատվածի հետ։Սանոսյանը նշեց, որ եթե լինի շինարարական ընկերություն, առնվազն 5-6 տարի է անհրաժեշտ Հյուսիս–հարավ ավտոճանապարհի կառուցման համար, և քանի որ ՀՀ–ն Իրանի հետ բավական ակտիվ առևտրաշրջանառություն ունի, այս ճանապարհը այդ գործը կհեշտացնի և կնպաստի երկու երկրների տնտեսական փոխգործակցությանը։Հիշեցնենք` Գնել Սանոսյանը 2021 թվականի դեկտեմբերին Sputnik Արմենիային հայտնել էր, որ Տաթև-Լծեն ճանապարհի ասֆալտապատումը կավարտվի 2022 թվականի աշնանը։ Նա նշել էր, որ Ադրբեջանի կողմից Գորիս-Կապան միջպետական ճանապարհը (որը կապում էր Հայաստանը Իրանի հետ) փակելուց հետո առաջին փուլում իշխանությունները վերանորոգել են Տաթև-Կապան այլընտրանքային ճանապարհը, հետո անցել են երկրորդ փուլին՝ այդ ճանապարհի բարդ հատվածների համար շրջանցումների կառուցմանը։
սյունիք
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, գնել սանոսյան , սյունիք, ճանապարհ
հայաստան, գնել սանոսյան , սյունիք, ճանապարհ
Լծեն-Շամբ և Տաթև-Լծեն ճանապարհահատվածների շինարարությունը մինչև ամառ կավարտվի. Սանոսյան
17:08 20.01.2023 (Թարմացված է: 17:13 20.01.2023) Իրավաբանական գործընթաց են սկսել, որպեսզի նոր կառուցվող ճանապարհներին տան հանրապետական նշանակության ճանապարհների կարգավիճակ։
ԵՐԵՎԱՆ, 20 հունվարի – Sputnik. Սյունիքի մարզի Շամբ–Լծեն և Տաթև–Լծեն ավտոճանապարհները մեծամասամբ ասֆալտապատված են։ Սյունիքում լրագրողների հետ զրույցում տեղեկությունը հայտնեց ՀՀ տարածքային կառավարման և ենթակառուցվածքների նախարար Գնել Սանոսյանը։
Նա նշեց, որ Շամբ–Լծեն ավտոճանապարհի 6 կիլոմետրից 5–ը արդեն ասֆալտապատ է, իսկ Տաթև–Լծեն ճանապարհի 20 կիլոմետրից 19 կիլոմետրից ավելին է ասֆալտապատ։
«Մյուս հատվածներում խիճն էլ տեղադրված, և բոլոր տեսակի մեքենաների համար անցանելի են։ Եվ արդեն մեր որոշ հայրենակիցներ սկսել են այս հատվածներով երթևեկել»,–ասաց Սանոսյանը։
Նա տեղեկացրեց, որ իրավաբանական գործընթաց են սկսել, որպեսզի նոր կառուցվող ճանապարհներին տան հանրապետական նշանակության ճանապարհների կարգավիճակ։
«Այս ճանապարհը ավելի շատ նախատեսված է, որպեսզի Սիսիան–Գորիս–Կապան ճանապարհը ավելի հեշտ անցնի, Սիսիանից միանգամից դեպի Տաթև գյուղ դուրս կգանք։ Իսկ գլխավոր դժվարությունը Տաթևի ոլորաններն էին, որոնք այս պարագայում այդ ճանապարհից առանձին կլինեն»,– ասաց Սանոսյանը և հավելեց, որ այս տարի մինչև ամառ նախատեսվում է ավարտել այդ ճանապարհների ասֆալտապատումը։
Նրա խոսքով` առաջին հերթին իրենք հաշվի են առել, որ ճանապարհները խոշոր բեռնատարների և բոլոր տեսակի մեքենաների համար անցանելի լինեն։
Նախարարն ընդգծեց, որ այս ճանապարհները Հյուսիս–հարավի հետ կապ չունեն։ Միայն Շամբից–Լծեն ճանապարհահատվածի մի կարճ հատվածը համընկնում ունի Սիսիան–Քաջարան Հյուսիս–հարավ ճանապարհահատվածի հետ։
Սանոսյանը նշեց, որ եթե լինի շինարարական ընկերություն, առնվազն 5-6 տարի է անհրաժեշտ Հյուսիս–հարավ ավտոճանապարհի կառուցման համար, և քանի որ ՀՀ–ն Իրանի հետ բավական ակտիվ առևտրաշրջանառություն ունի, այս ճանապարհը այդ գործը կհեշտացնի և կնպաստի երկու երկրների տնտեսական փոխգործակցությանը։
Հիշեցնենք`
Գնել Սանոսյանը 2021 թվականի դեկտեմբերին Sputnik Արմենիային հայտնել էր, որ Տաթև-Լծեն ճանապարհի ասֆալտապատումը կավարտվի 2022 թվականի աշնանը։ Նա նշել էր, որ Ադրբեջանի կողմից Գորիս-Կապան միջպետական ճանապարհը (որը կապում էր Հայաստանը Իրանի հետ) փակելուց հետո առաջին փուլում իշխանությունները վերանորոգել են Տաթև-Կապան այլընտրանքային ճանապարհը, հետո անցել են երկրորդ փուլին՝ այդ ճանապարհի բարդ հատվածների համար շրջանցումների կառուցմանը։
