Մանուկյանի և Սաղաթելյանի նկատմամբ քրեական հետապնդում հարուցելու միջնորդագիր չի ներկայացվել

© Sputnik / Aram NersesyanԳեղամ Մանուկյան
Գեղամ Մանուկյան - Sputnik Արմենիա, 1920, 23.01.2023
Գեղամ Մանուկյան
Բաժանորդագրվեք
НовостиTelegram
Դատախազությունը Արմեն Չարչյանի և Սեյրան Օհանյանի դեմ քրեական հետապնդում հարուցելու միջնորդագրեր է ներկայացրել ԱԺ։
ԵՐԵՎԱՆ, 23 հունվարի – Sputnik. ՀՀ դատախազությունը ԱԺ «Հայաստան» խմբակցության պատգամավորներ Գեղամ Մանուկյանի և Իշխան Սաղաթելյանի նկատմամբ քրեական հետապնդում հարուցելու համաձայնություն ստանալու վերաբերյալ միջնորդագրեր չի ներկայացրել։ Տեղեկությունը Sputnik Արմենիային հայտնեցին ՀՀ դատախազությունից։
Մամուլում տեղեկություններ են շրջանառվում, թե դատախազությունը պատրաստվում է ԱԺ դիմել նաև Մանուկյանին և Սաղաթելյանին պատգամավորական անձեռնմխելիությունից զրկելու համար։
«Միջնորդագրեր չեն ներկայացվել»,– ասացին դատախազությունից։
Հիշեցնենք, որ ՀՀ գլխավոր դատախազ Աննա Վարդապետյանն այսօր ԱԺ նախագահ Ալեն Սիմոնյանին միջնորդագիր է ներկայացրել «Հայաստան» խմբակցության պատգամավոր Արմեն Չարչյանի նկատմամբ քրեական հետապնդում հարուցելու համաձայնություն տալու մասին։ Ալեն Սիմոնյանը ստացել է այդ միջնորդագիրը։
Մինչ այդ` հունվարի 20-ին, դատախազությունը «Հայաստան» խմբակցության ղեկավար Սեյրան Օհանյանի նկատմամբ քրեական հետապնդում հարուցելուն համաձայնություն տալու մասին միջնորդագիր էր ներկայացրել ԱԺ նախագահին։
Լրահոս
0