ՀԱՊԿ ԽՎ խորհրդի արտագնա նիստը տեղի կունենա մայիսի 18-ին Բելառուսում

© Sputnik / Asatur YesayantsՀԱՊԿ Խորհրդարանական վեհաժողովի խորհրդի նիստ
ՀԱՊԿ Խորհրդարանական վեհաժողովի խորհրդի նիստ - Sputnik Արմենիա, 1920, 24.01.2023
ՀԱՊԿ Խորհրդարանական վեհաժողովի խորհրդի նիստ
Բաժանորդագրվեք
НовостиTelegram
Քաղաքական գործիչ Օլեգ Բելոկոնևն ասել է, թե ինչ հարցեր են քննարկվելու նիստում։
ԵՐԵՎԱՆ, 24 հունվարի – Sputnik. ՀԱՊԿ Խորհրդարանական վեհաժողովի խորհրդի արտագնա նիստը տեղի կունենա մայիսի 18-ին Բելառուսում։ Տեղեկությունը հայտնում է «Բելտա» գործակալությունը՝ հղում անելով Բելառուսի Ներկայացուցիչների պալատի ազգային անվտանգության հարցերի մշտական հանձնաժողովի նախագահ Օլեգ Բելոկոնևին:
Նա ընդգծել է, որ միջոցառումը թույլ կտա բարձրացնել միջխորհրդարանական փոխգործակցության մակարդակը, համակարգել դիրքորոշումը միջազգային ասպարեզում, քննարկել խնդրահարույց հարցերը, որոնք կարող են առաջանալ մինչ այդ, ինչպես նաև ՀԱՊԿ անդամ պետությունների հավաքական անվտանգության իրավական ասպեկտները:
«Մենք մշտապես հավաքվում ենք, քննարկում տարբեր հարցեր, ստեղծվել են ՀԱՊԿ Խորհրդարանական վեհաժողովի հանձնաժողովներ։ Կա ռազմական վեկտոր, որն առաջ է տանում կազմակերպության միացյալ շտաբը, և կա միջխորհրդարանական վեկտոր, որն առաջ է տանում կազմակերպության Խորհրդարանական վեհաժողովը։ Եվ, անշուշտ, միահյուսվում են առանցքային ասպեկտները՝ և՛ ռազմական, և՛ միջազգային, և՛ քաղաքական։ Այդ պատճառով այժմ առանցքային հարցերից մեկը տեղեկատվական անվտանգությունն է», - նշել է Բելոկոնևը։
Նշենք, որ Հավաքական անվտանգության պայմանագրի կազմակերպության Խորհրդարանական վեհաժողովի խորհրդի նախորդ արտագնա նիստը տեղի է ունեցել հունիսի 6-ին Երևանում:
ՀԱՊԿ զորավարժությունների անցկացումը Հայաստանում սատարման քայլ էր. Տիգրան Աբրահամյան
Լրահոս
0