https://arm.sputniknews.ru/20230125/nakhaqnnakan-gaghtniq-e-qkn-hrdehic-tuzhats-zintsarajvoghi-aghmkaharujc-harcazrujci-masin-54321157.html
Նախաքննական գաղտնիք է. ՔԿ–ն` հրդեհից տուժած զինծառայողի աղմկահարույց հարցազրույցի մասին
Նախաքննական գաղտնիք է. ՔԿ–ն` հրդեհից տուժած զինծառայողի աղմկահարույց հարցազրույցի մասին
Sputnik Արմենիա
ՔԿ–ից հայտնում են, որ ներկայում փորձաքննություններ են իրականացվում, և բոլոր հանգամանքները պարզելուց հետո կհայտարարեն այդ մասին։ 25.01.2023, Sputnik Արմենիա
2023-01-25T18:47+0400
2023-01-25T18:47+0400
2023-01-25T19:02+0400
հրդեհ
զորամաս
զինված ուժեր
զինծառայող
գեղարքունիքի մարզ
հհ քննչական կոմիտե
https://cdn.am.sputniknews.ru/img/07e7/01/13/54036800_0:0:1601:901_1920x0_80_0_0_0374e3ba132c2531f9dc4542898f25b1.jpg
ԵՐԵՎԱՆ, 25 հունվարի – Sputnik. ՀՀ քննչական կոմիտեն չի մեկնաբանում, թե Գեղարքունիքի մարզի Ազատ գյուղի զինվորական կացարանում տեղի ունեցած հրդեհից հետո որտեղ են հայտնաբերվել մահացած 15 զինվորներից 14-ի մարմինները։Նրա խոսքով` փորձաքննություններ են նշանակված զինծառայողների մահվան հանգամանքների մասով, և, առհասարակ, բոլոր հանգամանքները փորձաքննության առարկա են դառնում։Նշենք, որ հունվարի 20-ին ՀՀ ՆԳՆ փրկարար ծառայության գնդապետ Արսեն Սարոյանը Հանրային հեռուստաընկերությանը տված հարցազրույցում ասել էր, որ հրդեհի հետևանքով մահացած զինծառայողները հայտնաբերվել են մահճակալներին պառկած վիճակում։Sputnik Արմենիան դրանից հետո դիմել էր Այրվածքաբանության ազգային կենտրոն` տուժած զինծառայողների հետ հարցազրույց անելու համար, սակայն կենտրոնից մերժել էին` ասելով, որ ոչ ոքի չի թույլատրվում մուտք գործել տուժած զինծառայողների մոտ։Համացանցում, սակայն, երեկվանից լայն տարածում է ստացել Factor.am–ի հարցազրույցը տուժած զինծառայողներից մեկի հետ։ Մեր տեղեկություններով` լրագրողը կենտրոն մուտք է գործել նույն շենքում գտնվող «Մեդլայն կլինիկ» ԲԿ–ի մուտքով։Հարցազրույցում զինծառայողը հերքում է գնդապետ Սարոյանի հայտնած ըստ էության պաշտոնական տեղեկությունը։Նա պատմում է, որ քնած է եղել ու ձայներից է արթնացել։ Ողջ ընթացքում, երբ փորձել են փրկվել, բոլորը վազել են ու չի հիշում, որ այդ պահին որևէ մեկին պառկած տեսած լինի։Հավելենք, որ Այրվածքաբանության ազգային կենտրոնում է գտնվում է 3 զինծառայող։ Նրանցից 1-ը սպան է, որը, ըստ պաշտոնական վարկածի, 5–լիտրանոց տարայով բենզինը լցրել է վառարանի մեջ, ինչից էլ կացարանում հրդեհ է բռնկվել։Հիշեցնենք` հունվարի 19-ին՝ ժամը 01:30-ի սահմաններում, հրդեհ է բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում: Հրդեհի հետևանքով զոհվել է 15, վնասվածքներ ստացել` 7 զինծառայող, նրանցից չորսը բուժօգնություն ստանալուց հետո դուրս են գրվել, 3–ը տեղափոխվել են Երևան՝ Այրվածքաբանության ազգային կենտրոն։ Երկուսի վիճակը ծանր է։Դեպքից անմիջապես հետո պաշտոններից ազատվել են 2-րդ բանակային կորպուսի հրամանատարն ու այլ բարձրաստիճան զինվորականներ։Քրեական վարույթ է նախաձեռնվել ՀՀ քրեական օրենսգրքի 532-րդ հոդվածի 4-րդ մասի հատկանիշներով (զենքի, ռազմամթերքի, ռազմական տեխնիկայի կամ ռազմական այլ գույքի, շրջապատի համար առավել վտանգ ներկայացնող նյութերի, սարքերի կամ առարկաների հետ վարվելու կանոնները խախտելը, որն անզգուշությամբ առաջացրել է երկու կամ ավելի անձանց մահ)։ Քրեական վարույթ է նախաձեռնվել նաև պաշտոնատար անձանց կողմից հրդեհային անվտանգության սահմանված կանոնները չպահպանելու, դրա հետ կապված գործառույթները կատարելու հարցում առերևույթ անփութություն դրսևորելու փաստի առթիվ։
գեղարքունիքի մարզ
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հրդեհ, զորամաս, զինված ուժեր, զինծառայող, գեղարքունիքի մարզ, հհ քննչական կոմիտե
հրդեհ, զորամաս, զինված ուժեր, զինծառայող, գեղարքունիքի մարզ, հհ քննչական կոմիտե
Նախաքննական գաղտնիք է. ՔԿ–ն` հրդեհից տուժած զինծառայողի աղմկահարույց հարցազրույցի մասին
18:47 25.01.2023 (Թարմացված է: 19:02 25.01.2023) ՔԿ–ից հայտնում են, որ ներկայում փորձաքննություններ են իրականացվում, և բոլոր հանգամանքները պարզելուց հետո կհայտարարեն այդ մասին։
ԵՐԵՎԱՆ, 25 հունվարի – Sputnik. ՀՀ քննչական կոմիտեն չի մեկնաբանում, թե Գեղարքունիքի մարզի Ազատ գյուղի զինվորական կացարանում տեղի ունեցած հրդեհից հետո որտեղ են հայտնաբերվել մահացած 15 զինվորներից 14-ի մարմինները։
«Այդ ամենը նախաքննական գաղտնիք պարունակող տվյալներ են։ Սրանք հանգամանքներ են, որոնք այս պահի դրությամբ քննության առարկա են և ամենաառանցքայինն են։ Այս պահին չեմ շտապի այդ մասին տեղեկություն փոխանցել։ Քննությունը կկատարվի և որոշակի փուլում, երբ հանգամանքներ կպարզվեն, այդ ժամանակ ՔԿ–ն պարզաբանումներ կտա»,– Sputnik Արմենիայի հետ զրույցում ասաց ՔԿ մամուլի խոսնակ Գոռ Աբրահամյանը։
Նրա խոսքով` փորձաքննություններ են նշանակված զինծառայողների մահվան հանգամանքների մասով, և, առհասարակ, բոլոր հանգամանքները փորձաքննության առարկա են դառնում։
Sputnik Արմենիան դրանից հետո դիմել էր Այրվածքաբանության ազգային կենտրոն` տուժած զինծառայողների հետ հարցազրույց անելու համար, սակայն կենտրոնից մերժել էին` ասելով, որ ոչ ոքի չի թույլատրվում մուտք գործել տուժած զինծառայողների մոտ։
Համացանցում, սակայն, երեկվանից լայն տարածում է ստացել Factor.am–ի հարցազրույցը տուժած զինծառայողներից մեկի հետ։ Մեր տեղեկություններով` լրագրողը կենտրոն մուտք է գործել նույն շենքում գտնվող «Մեդլայն կլինիկ» ԲԿ–ի մուտքով։
Հարցազրույցում զինծառայողը հերքում է գնդապետ Սարոյանի հայտնած ըստ էության պաշտոնական տեղեկությունը։
Նա պատմում է, որ քնած է եղել ու ձայներից է արթնացել։ Ողջ ընթացքում, երբ փորձել են փրկվել, բոլորը վազել են ու չի հիշում, որ այդ պահին որևէ մեկին պառկած տեսած լինի։
Հավելենք, որ Այրվածքաբանության ազգային կենտրոնում է գտնվում է 3 զինծառայող։ Նրանցից 1-ը սպան է, որը, ըստ պաշտոնական վարկածի, 5–լիտրանոց տարայով բենզինը լցրել է վառարանի մեջ, ինչից էլ կացարանում հրդեհ է բռնկվել։
Հիշեցնենք` հունվարի 19-ին՝ ժամը 01:30-ի սահմաններում,
հրդեհ է բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում:
Հրդեհի հետևանքով զոհվել է 15, վնասվածքներ ստացել` 7 զինծառայող, նրանցից չորսը բուժօգնություն ստանալուց հետո դուրս են գրվել, 3–ը տեղափոխվել են Երևան՝ Այրվածքաբանության ազգային կենտրոն։
Երկուսի վիճակը ծանր է։
Քրեական վարույթ է նախաձեռնվել ՀՀ քրեական օրենսգրքի 532-րդ հոդվածի 4-րդ մասի հատկանիշներով (զենքի, ռազմամթերքի, ռազմական տեխնիկայի կամ ռազմական այլ գույքի, շրջապատի համար առավել վտանգ ներկայացնող նյութերի, սարքերի կամ առարկաների հետ վարվելու կանոնները խախտելը
, որն անզգուշությամբ առաջացրել է երկու կամ ավելի անձանց մահ)։
Քրեական վարույթ է նախաձեռնվել նաև պաշտոնատար անձանց կողմից հրդեհային անվտանգության սահմանված կանոնները չպահպանելու, դրա հետ կապված գործառույթները կատարելու հարցում առերևույթ անփութություն դրսևորելու փաստի առթիվ։
