https://arm.sputniknews.ru/20230126/um-e-khangarum-malatia-tonavatshary-tnoreny-ev-ashkhatoghnery-chgiten-inch-anel-54401119.html

Ո՞ւմ է խանգարում «Մալաթիա» տոնավաճառը. տնօրենը և աշխատողները չգիտեն ինչ անել

Ո՞ւմ է խանգարում «Մալաթիա» տոնավաճառը. տնօրենը և աշխատողները չգիտեն ինչ անել

Sputnik Արմենիա

Վարձակալության գումարն օրական 2000-2500 դրամ է, վճարի մեջ մտնում է ոչ միայն տարածքի գումարը, այլև և՛ բժշկի ծառայությունը, և՛ հաշվապահությունը, և՛ մանկապարտեզ... 26.01.2023, Sputnik Արմենիա

2023-01-26T22:11+0400

2023-01-26T22:11+0400

2023-01-26T22:11+0400

մալաթիա-սեբաստիա

տոնավաճառ

առևտրական

առևտրի կենտրոն

աշխատատեղ

հրդեհ

https://cdn.am.sputniknews.ru/img/07e7/01/1a/54385522_0:167:1600:1067_1920x0_80_0_0_338018f41bcbdd48d5d76f85574b2108.jpg

«Մալաթիա» տոնավաճառի առևտրականները բարկացած են` այլընտրանք ու ժամանակ են պահանջում, իսկ տնօրեն Սամվել Ավետիսյանը կարծում է, որ տեսչական մարմինը ցանկանում է պարզապես Նիկոլ Փաշինյանին ցույց տալ, որ գործ է անում։ Հիշեցնենք՝ ՀՀ քաղաքաշինության, հրդեհային և տեխնիկական անվտանգության տեսչական մարմինը որոշել է «Մալաթիա» տոնավաճառի գործունեությունը փետրվարի 1-ից կասեցնել, քանի որ տնտեսվարողը արձանագրված 17 խախտումից մի քանիսը չի վերացրել։ Երեկ տոնավաճառի առևտրականները բողոքում էին, որ անգամ ժամանակ չեն տալիս խնդիրները վերացնելու համար ու զրկում են իրենց օրվա հացը վաստակելու ու ընտանիք պահելու հնարավորությունից։Sputnik Արմենիայի նկարահանող խումբը եղել է տեղում և ծանոթացել իրավիճակին. տարածքում կային կրակմարիչներ, տարհանման պլանն ամբողջ տարածքում ամրացված էր պատերին, առաստաղներին մոնտաժված էին հրդեհի ազդարարման համակարգերը (ծխի տվիչ), առևտրային և պահեստային շենքերն էլ սարքավորված էին հրշեջ ծորակներով և կահավորված էին ներքին հակահրդեհային ջրացանցով։ Գիշերվա անվտանգության աշխատակիցներին և հսկիչներին էլ հակագազեր են տրամադրվել։Խախտումները վերացնելուց հետո նույն արձանագրումներն արել է նաև ՔՀՏԱ տեսչական մարմինը։ Այնտեղից նաև հավելել են, որ տարհանման ճանապարհներն էլ ազատվել են, տանիքների մոտով անցնող օդային լարերի խնդիրը վերացված է, տարածքում` 107 գծամետր հեռավորության վրա հիդրանտ կա, հրշեջ մեքենաները կարող են անարգել մոտենալ ցանկացած հատված։Տոնավաճառի առևտրականներից Քնարիկը հայտնեց, որ 10 տարի է՝ աշխատում է այնտեղ։«Երեկ եկան ու մեզ ասացին, որ փակվելու է։ Ասում են, որ անվտանգության նորմերին չի համապատասխանում։ Էդ խեղճ մարդն (տոնավաճառի տնօրենը,– խմբ.) ինչ անի, ինչի են իրա հետևից ընկել։ Մի փոքր թերություն կա, դա էլ կվերացնի։ Այսքան շորն ու ապրանքը վերցնենք ուր գնանք, վարկեր ունենք բոլորս էլ։ Անձամբ ես 10.000 դոլարի վարկ ունեմ»,– ասաց Քնարիկը։Մեկ այլ աշխատակից էլ` Աննան, վստահեցրեց, որ տոնավաճառում պայմանները նորմալ են, իսկ հսկողությունը շատ լավ է իրականացվում. անվտանգության աշխատակիցները պարբերաբար շրջում են տարածքում, որպեսզի անգամ գողություն չլինի։«Մալաթիա» տոնավաճառի տնօրեն Սամվել Ավետիսյանը Sputnik Արմենիայի հետ զրույցում ասաց, որ 2022-ի հոկտեմբերին տեսչական մարմնից այցելել են տոնավաճառ և 17 խախտում արձանագրել. բոլորը վերաբերում են հրդեհային անվտանգությանը։ 1 ամիս հետո կրկին այցելել ու արձանագրել են, որ խախտումներից 10-ը վերացված են, և թույլ են տվել շարունակել աշխատանքը։ Արդեն 2023 թվականի հունվարի 20-ին Ավետիսյանին կանչել են ՔՀՏԱ տեսչական մարմին ու հայտարարել, որ փետրվարի 1-ից հետո տոնավաճառը չպետք է գործի։«5 խախտում չի վերացվել։ Խախտումներ կան, որոնց հետ ես համաձայն չեմ, ու դրանք անհնար է վերացնել։ Օրինակ` ասում են, որ ըստ 2015 թվականին ընդունված որոշման, տաղավարները շենք–շինություններից պետք է ոչ պակաս, քան 8 մ հեռավորության վրա պետք է լինեն։ Հարցն այն է, որ այս տոնավաճառը կառուցվել է 1990-ական թվականներին։ Նշանակում է ամբողջությամբ պետք է քանդե՞մ, որ իրենց ասածով կառուցեմ։ Ասում են տոնավաճառը վտանգավոր է։ Ինձ մոտ ամեն ինչ այնպես է արված, որ ոչ մի վտանգավորություն չկա։ Այստեղ մեծ հրդեհ եղել է, բայց ոչ մի քաղաքացի չի տուժել»,– ասաց Ավետիսյանը։Սամվել Ավետիսյանն ընդգծեց, որ այնտեղ գտնվող առևտրականները տարածքի փակվելուց հետո ոչ մի տեղ չեն կարող գնալ ու իրենց առևտուրն իրականացնել։ Այստեղ վարձակալության գումարն իրենց համար շատ էժան է` օրական 2000-2500 դրամ։Նա նշեց, եթե հիմա փակեն տոնավաճառը, մարդիկ էլ իրենց ապրանքը վերցնեն ու գնան, հետո սեզոնը կփոխվի, չեն կարողանա վաճառել, նոր սեզոնի ապրանք էլ չեն կարողանա բերել, քանի որ գումար էլ չեն ունենա, ստացվում է, որ տարածքի վարձն էլ չեն կարողանա տալ։ Այդ պարագայում տնօրենն անիմաստ է համարում որևէ ծախս անել։«Բավականին երկար ժամանակ եմ այս բիզնեսում, գիտեմ՝ երբ կկարողանանք աշխատացնել, երբ չէ»,– ասաց Ավետիսյանը։Ավետիսյանի կարծիքով, տեսչական մարմինը ցանկանում է պարզապես ցույց տալ, որ գործ է անում, քանի որ օրերս Նիկոլ Փաշինյանը հայտարարեց, որ այն տարածքները, որտեղ խախտում կա, պետք է փակվի։«Մի քանի խախտում իրենց ձեռքի տակ կար, որոշեցին փակել։ Այս ամենում ցուցադրական բան կա։ Չգիտեմ իմ անձի հետ խնդիր ունեն, թե չէ։ Ասում են` Սամվել Ալեքսանյանը և Խաչատուր Սուքիասյանը ուզում են տարածքը վերցնել ու այստեղ շենք սարքել... Իսկ ես չեմ ուզում այստեղ շենք սարքել, այս մարդկանց մասին եմ մտածում»,– ասաց տոնավաճառի տնօրենը։Նախկինում տոնավաճառում 1400 տաղավար կար, իսկ այժմ շուրջ 550–ն են։Հիշեցնենք՝ հունվարի 19-ին կառավարության նիստում ՀՀ վարչապետ Նիկոլ Փաշինյանը հայտարարեց, թե կոմպրոմիս պետք է չլինի. որտեղ համապատասխան հակահրդեհային կանոնները չեն պահպանվում, պետք է գնալ և փակել։

2023

Լուրեր

am_HY

մալաթիա-սեբաստիա, տոնավաճառ, առևտրական, առևտրի կենտրոն, աշխատատեղ, հրդեհ