https://arm.sputniknews.ru/20230129/ajstegh-ka-amen-inch-rusastanci-virabujzhy-hima-el-hajastanum-e-kjanqer-prkum-54208939.html

«Այստեղ կա ամեն ինչ». ռուսաստանցի վիրաբույժը հիմա էլ Հայաստանում է կյանքեր փրկում

«Այստեղ կա ամեն ինչ». ռուսաստանցի վիրաբույժը հիմա էլ Հայաստանում է կյանքեր փրկում

Sputnik Արմենիա

Հայաստանը, վերջին շրջանում, ժամանակավոր կամ մշտական տուն է դարձել բազմաթիվ ռուսների համար։ Sputnik Արմենիան զրուցել է ռուսաստանցի բժշկի հետ, որն արդեն մի քանի... 29.01.2023, Sputnik Արմենիա

2023-01-29T10:05+0400

2023-01-29T10:05+0400

2023-01-29T10:05+0400

բժիշկ

ռուս

հայաստան

պյոտր դրևալ

https://cdn.am.sputniknews.ru/img/07e7/01/16/54168530_0:22:1600:922_1920x0_80_0_0_fe25101c23569fd1bbeef1480a7afe26.jpg

Առաջին ու ամենաերկարատև ճամփորդությունը դեպի Հայաստան։ Այսպես է բժիշկ Պյոտր Դրևալը սկսում տեղափոխվելու իր պատմությունը։ Նա արդեն մի քանի ամիս է՝ ղեկավարում է «Սուրբ Գրիգոր Լուսավորիչ» բժշկական կենտրոնի թորակոսկոպիկ ծառայությունը։Բժիշկ դառնալու որոշումը դեռ երեխա ժամանակ է կայացրել․ ասում է՝ առանձնահատուկ սեր ու հետաքրքրություն ուներ այն ամենի հանդեպ, ինչը շնչավոր է, դպրոցում էլ ամենասիրելի առարկան կենսաբանությունն էր։ Երկար ժամանակ չպահանջվեց հասկանալու համար, որ միայն բժիշկ կուզենար դառնալ։«Օրդինատուրայում ընդհանուր վիրաբուժություն սովորեցի, որովհետև կրծքային վիրաբույժ դառնալու համար աստիճաններով պիտի անցնես։ Իսկ թորակալ վիրաբուժությունն ինձ դուր եկավ, որովհետև նման էր հետաքրքիր խաչբառի՝ չկան միանման հիվանդներ, ամեն դեպք յուրահատուկ է, անընդհատ պետք է մտածես, լուծումներ գտնես։ Սա բժշակական բոլոր մասնագիտացումների մեջ ամենաստեղծագործականն է»,- ասում է բժիշկ Դրևալը։Երբ սխալը կյանք արժե. բժիշկը պատմում է պատերազմի և խաղաղության օրերի աշխատանքի մասինՕրդինատուրայում սովորելու տարիներին արդեն աշխատանքի է անցել Մոսկվայի քաղաքային տուբերկուլյոզի դեմ պայքարի գիտագործնական կենտրոնում որպես կրծքային վիրաբույժ։ Այստեղ 10 տարուց ավելի է աշխատել, առնչվել բարդագույն դեպքերի հետ։ Տպավորվել է հատկապես դրանցից մեկը։Մի քանի տարի նաև Քաղաքային օնկոլոգիական հիվանդանոցում է աշխատել որպես թորակալ վիրաբույժ, օնկոլոգ, նաև ղեկավարել է Պլետնյովի անվան օնկոլոգիական բուժկենտրոնի օնկոթորակալ վիրաբուժության բաժանմունքը։ 44-ամյա երիտասարդ բժիշկն ունի մոտ 2 տասնամյակի աշխատանքային փորձ, փրկել է հարյուրավոր կյանքեր։Հայաստան տեղափոխվելու որոշումը կայացրել է գործընկերների ազդեցությամբ։ Նրանք պատմել էին, թե որքան հանգիստ, հյուրընկալ երկիր է Հայաստանը, ասել, որ այստեղ արժե ոչ միայն հանգստանալ, այլև մշտական բնակություն հաստատել։Ամուսնու զոհվելուց հետո ծածուկ կերակրում էր գերուն. 116 բժիշկների մասին՝ մեկ գրքումԱյդպես ընտանիքի և 3 երեխաների հետ (կրտսերը Հայաստան տեղափոխվելուց հետո է ծնվել) տեղափոխվեց Հայաստան, աշխատանքի անցավ «Սուրբ Գրիգոր Լուսավորիչ» բժշկական կենտրոնում։ Ասում է՝ առաջին հաճելի անակնկալն իր համար տեխնիկական հագեցվածությունն էր։ Այստեղ կա ամեն ինչ, նույնիսկ այնպիսի բաներ, որ Մոսկվայում չկան։Բժիշկը Հայաստանում արդեն մի քանի բարդ վիրահատություններ է իրականացրել։ Ընդ որում` այն վիրահատությունները, որոնք մեր երկրում մեծամասամբ կտրվածքով կամ բաց եղանակով են անում, ռուսաստանցի բժիշկն իրականացնում է թորակոսկոպիկ ճանապարհով։ Օրինակ` էխինակոկային կիստաների հեռացման ժամանակ (ինչը մեր երկրում առավել հաճախ կտրվածքով են անում) բժիշկ Դրևալը գործի է դնում թորակոսկոպիան: Թվարկում է՝ վերջերս կատարել է թոքի ու լյարդի հսկա էխինակոկային կիստաների, ուռուցքների հեռացում, թորակոսկոպիկ թիմէկտոմիաներ և այլն, և սրանք հնարավորությունների փոքր մասն են միայն:Դրևալն ուրախ է, որ կարողանում է տարիներով կուտակած փորձն այստեղ՝ Հայաստանում ծառայեցնել։Աշխատավայրը դեռ նոր է, գրաֆիկը՝ գերզբաղված, դրա համար էլ Հայաստանում շրջել դեռ չի հասցրել։ Բայց ամեն ինչ դեռ առջևում է։ Երեխաներն արդեն նկատելի առաջընթաց ունեն հայերենի հարցում, ինքն էլ նրանցից է փորձում սովորել։ Նշում է` լեզվական առաջընթացին խանգարում է այն, որ այստեղ բոլորը ռուսերեն խոսում են, հաղորդակցվելու խնդիր չի առաջանում։«Ես ռուս եմ, բայց շատ հայերից ավելի հայ եմ»․ ինչ է պատմում Անդրեյը արցախյան պատերազմներիցԻ՞նչն է անհանգստացնում թոքային վիրաբույժին Հայաստանում` ծխողների մեծ թիվը։ Կատակում է՝ ծխախոտի հոտը Երևանի երկրորդ բույրն է դարձել։ Եթե այս հարցը մի կողմ թողնենք, ապա ոչ մի այլ բացասական նկատառում Հայաստանի մասին չկա։ Մթնոլորտը ջերմ է, մարդիկ` բարեհամբույր ու հոգատար։ Հայաստանը հարմարավետ երկիր է երեխաներ մեծացնելու, աշխատելու ու ապրելու համար։

2023

Լուրեր

am_HY

բժիշկ, ռուս, հայաստան, պյոտր դրևալ