Արցախից Հայաստան ևս 6 հիվանդ է տեղափոխվել

«Հանրապետական բժշկական կենտրոն» - Sputnik Արմենիա, 1920, 29.01.2023
«Հանրապետական բժշկական կենտրոն»
Բաժանորդագրվեք
НовостиTelegram
«Հանրապետական բժշկական կենտրոն» ՓԲԸ-ում 12 բուժառու գտնվում են վերակենդանացման բաժանմունքում, որոնցից 5-ը ծայրահեղ ծանր վիճակում են։
ԵՐԵՎԱՆ, 29 հունվարի - Sputnik. Կարմիր Խաչի միջազգային կոմիտեի միջնորդությամբ և ուղեկցությամբ Արցախից Հայաստան ևս 6 հիվանդ է տեղափոխվել: Տեղեկությունը հայտնում է Արցախի առողջապահության նախարարությունը։
Հիվանդները մինչ այդ բուժում են ստացել Ստեփանակերտի «Հանրապետական բժշկական կենտրոնում»։
ԱՀ առողջապահության նախարարության ենթակայության տակ գործող բուժհաստատություններում շարունակում են դադարեցված մնալ պլանային վիրահատությունները։
«Արևիկ» բուժմիավորումում 8 երեխա գտնվում է նորածնային և վերակենդանացման բաժանմունքներում:
«Հանրապետական բժշկական կենտրոն» ՓԲԸ-ում 12 բուժառու գտնվում են վերակենդանացման բաժանմունքում, որոնցից 5-ը ծայրահեղ ծանր վիճակում են։
Մինչ այսօր Կարմիր Խաչի միջազգային կոմիտեի միջնորդությամբ և ուղեկցությամբ Արցախից Հայաստան են տեղափոխվել ընդհանուր 55 հիվանդ։
Հիշեցնենք` դեկտեմբերի 12-ի առավոտյան Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։
Լրահոս
0