https://arm.sputniknews.ru/20230131/vashti-kacarani-hrdehi-gvortsvov-harcazrujc-tvats-dasaki-hramanatarn-azatvel-e-tsarajutjunic-54606514.html
Վաշտի կացարանի հրդեհի գործով հարցազրույց տված դասակի հրամանատարն ազատվել է ծառայությունից
Վաշտի կացարանի հրդեհի գործով հարցազրույց տված դասակի հրամանատարն ազատվել է ծառայությունից
Sputnik Արմենիա
Արսեն Բաբայանը մտավախություն ունի, որ կարող են նաև մեղադրանք առաջադրել իր պաշտպանյալին` հաշվի առնելով ներկայիս իշխանության գործելաոճն ու նրա տված հարցազրույցը։ 31.01.2023, Sputnik Արմենիա
2023-01-31T17:29+0400
2023-01-31T17:29+0400
2023-01-31T17:30+0400
հրամանատար
աշխատանք
ազատում
ազատման դիմում
արսեն բաբայան
գեղարքունիքի մարզ
հրդեհ
վաշտ
զորամաս
https://cdn.am.sputniknews.ru/img/07e7/01/13/54036588_0:0:1600:901_1920x0_80_0_0_4617d244e9b4fc31fc9de26ea81453ff.jpg
ԵՐԵՎԱՆ, 31 հունվարի – Sputnik. Գեղարքունիքի մարզի Ազատ գյուղում տեղակայված ինժեներասակրավորային վաշտի կացարանում բռնկված հրդեհից հետո լրագրողներին հարցազրույց տված դասակի հրամանատարն ազատվել է ծառայությունից։ Այս մասին Sputnik Արմենիայի հետ զրույցում ասաց նրա փաստաբան Արսեն Բաբայանը։Նշենք, որ դասակի հրամանատարը ողբերգության օրը` հունվարի 19-ին տված հարցազրույցում կասկածի տակ էր դրել ՀՀ վարչապետ Նիկոլ Փաշինյանի հայտարարած վարկածը և չէր ցանկացել հավելյալ ինֆորմացիա ասել։ Նա հայտնել էր, որ գյուղը գազիֆիկացված չէ, և տները ջեռուցվում են կա՛մ ցախով, կա՛մ ածուխով, և այն սենյակը, որտեղ գիշերել են զինվորականները, նույնպես բացառություն չէր։ Զինվորականը լրագրողներին նաև վստահեցրել էր, որ հունվարի 18-ին երեկոյան, երբ ինքը տուն էր գնում, կացարանում բենզին չի եղել։Նա շեշտեց, որ մեկ անգամ դասակի հրամանատարը հարցաքննվել է։ Փաստաբանն ընդգծեց` միշտ վտանգ կա, որ մեղադրանք կարող են առաջադրել իր պաշտպանյալին` հաշվի առնելով ներկայիս իշխանության գործելաոճն ու նրա տված հարցազրույցը։Հիշեցնենք` հունվարի 19-ին՝ ժամը 01:30-ի սահմաններում, հրդեհ է բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում: Հրդեհի հետևանքով զոհվել է 15, վնասվածքներ ստացել` 7 զինծառայող, նրանցից չորսը բուժօգնություն ստանալուց հետո դուրս են գրվել, 3–ը տեղափոխվել են Երևան՝ Այրվածքաբանության ազգային կենտրոն։ Երկուսի վիճակը ծանր է։Դեպքից անմիջապես հետո պաշտոններից ազատվել են 2-րդ բանակային կորպուսի հրամանատարն ու այլ բարձրաստիճան զինվորականներ։Քրեական վարույթ է նախաձեռնվել ՀՀ քրեական օրենսգրքի 532-րդ հոդվածի 4-րդ մասի հատկանիշներով (զենքի, ռազմամթերքի, ռազմական տեխնիկայի կամ ռազմական այլ գույքի, շրջապատի համար առավել վտանգ ներկայացնող նյութերի, սարքերի կամ առարկաների հետ վարվելու կանոնները խախտելը, որն անզգուշությամբ առաջացրել է երկու կամ ավելի անձանց մահ)։ Քրեական վարույթ է նախաձեռնվել նաև պաշտոնատար անձանց կողմից հրդեհային անվտանգության սահմանված կանոնները չպահպանելու, դրա հետ կապված գործառույթները կատարելու հարցում առերևույթ անփութություն դրսևորելու փաստի առթիվ։Այս գործով կալանավորվել է ՀՀ ՊՆ N զորամասի թիկունքի պետ-հրամանատարի թիկունքի և կոմունալ շահագործման ծառայության գծով տեղակալ Գոռ Աղեկյանը։
գեղարքունիքի մարզ
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հրամանատար, աշխատանք, ազատում, ազատման դիմում, արսեն բաբայան, գեղարքունիքի մարզ, հրդեհ, վաշտ, զորամաս
հրամանատար, աշխատանք, ազատում, ազատման դիմում, արսեն բաբայան, գեղարքունիքի մարզ, հրդեհ, վաշտ, զորամաս
Վաշտի կացարանի հրդեհի գործով հարցազրույց տված դասակի հրամանատարն ազատվել է ծառայությունից
17:29 31.01.2023 (Թարմացված է: 17:30 31.01.2023) Արսեն Բաբայանը մտավախություն ունի, որ կարող են նաև մեղադրանք առաջադրել իր պաշտպանյալին` հաշվի առնելով ներկայիս իշխանության գործելաոճն ու նրա տված հարցազրույցը։
ԵՐԵՎԱՆ, 31 հունվարի – Sputnik. Գեղարքունիքի մարզի Ազատ գյուղում տեղակայված ինժեներասակրավորային վաշտի կացարանում բռնկված հրդեհից հետո լրագրողներին հարցազրույց տված դասակի հրամանատարն ազատվել է ծառայությունից։ Այս մասին
Sputnik Արմենիայի հետ զրույցում ասաց նրա փաստաբան Արսեն Բաբայանը։
Նշենք, որ դասակի հրամանատարը ողբերգության օրը` հունվարի 19-ին տված
հարցազրույցում կասկածի տակ էր դրել ՀՀ վարչապետ
Նիկոլ Փաշինյանի հայտարարած վարկածը և չէր ցանկացել հավելյալ ինֆորմացիա ասել։ Նա հայտնել էր, որ գյուղը գազիֆիկացված չէ, և տները ջեռուցվում են կա՛մ ցախով, կա՛մ ածուխով, և այն սենյակը, որտեղ գիշերել են զինվորականները, նույնպես բացառություն չէր։ Զինվորականը լրագրողներին նաև վստահեցրել էր, որ հունվարի 18-ին երեկոյան, երբ ինքը տուն էր գնում, կացարանում բենզին չի եղել։
«Հարցազրույցի հաջորդ օրը դասակի հրամանատարն ազատվել է սեփական դիմումի համաձայն։ Քարոզչական իմաստով և ծառայությունից հեռացնելու առումով նրա վրա մեծ ճնշում է գործադրվել։ Քրեական վարույթի շրջանակներում դեռևս ոչինչ չկա»,–ասաց Բաբայանը։
Նա շեշտեց, որ մեկ անգամ դասակի հրամանատարը հարցաքննվել է։ Փաստաբանն ընդգծեց` միշտ վտանգ կա, որ մեղադրանք կարող են առաջադրել իր պաշտպանյալին` հաշվի առնելով ներկայիս իշխանության գործելաոճն ու նրա տված հարցազրույցը։
Հիշեցնենք` հունվարի 19-ին՝ ժամը 01:30-ի սահմաններում,
հրդեհ է բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում:
Հրդեհի հետևանքով զոհվել է 15, վնասվածքներ ստացել` 7 զինծառայող, նրանցից չորսը բուժօգնություն ստանալուց հետո դուրս են գրվել, 3–ը տեղափոխվել են Երևան՝ Այրվածքաբանության ազգային կենտրոն։
Երկուսի վիճակը ծանր է։
Քրեական վարույթ է նախաձեռնվել ՀՀ քրեական օրենսգրքի 532-րդ հոդվածի 4-րդ մասի հատկանիշներով (զենքի, ռազմամթերքի, ռազմական տեխնիկայի կամ ռազմական այլ գույքի, շրջապատի համար առավել վտանգ ներկայացնող նյութերի, սարքերի կամ առարկաների հետ վարվելու կանոնները խախտելը
, որն անզգուշությամբ առաջացրել է երկու կամ ավելի անձանց մահ)։
Քրեական վարույթ է նախաձեռնվել նաև պաշտոնատար անձանց կողմից հրդեհային անվտանգության սահմանված կանոնները չպահպանելու, դրա հետ կապված գործառույթները կատարելու հարցում առերևույթ անփութություն դրսևորելու փաստի առթիվ։
Այս գործով
կալանավորվել է ՀՀ ՊՆ N զորամասի թիկունքի պետ-հրամանատարի թիկունքի և կոմունալ շահագործման ծառայության գծով տեղակալ Գոռ Աղեկյանը։
