https://arm.sputniknews.ru/20230205/kurutjuny-datavatshir-che-karapety-kuzer-ir-pvordzy-pvokhancel-tesvoghakan-khndir-unecvoghnerin-54546618.html
Կուրությունը դատավճիռ չէ. Կարապետը կուզեր իր փորձը փոխանցել տեսողական խնդիր ունեցողներին
Կուրությունը դատավճիռ չէ. Կարապետը կուզեր իր փորձը փոխանցել տեսողական խնդիր ունեցողներին
Sputnik Արմենիա
Համբերություն, նպատակ ու աշխատասիրություն՝ դրանք են օգնում գյումրեցի Կարապետին չհուսահատվել: Հիվանդության պատճառով տեսողությունն ամբողջովին կորցրած երիտասարդը... 05.02.2023, Sputnik Արմենիա
2023-02-05T09:55+0400
2023-02-05T09:55+0400
2023-02-05T14:22+0400
կույր
գյումրի
տեղեկատվական տեխնոլոգիաներ
տղամարդ
հիվանդություն
https://cdn.am.sputniknews.ru/img/07e7/01/1d/54496945_0:188:1600:1088_1920x0_80_0_0_01ad0c491c91a06c1e19f8819ba257ba.jpg
Համբերություն, նպատակ ու աշխատասիրություն՝ դրանք են օգնում գյումրեցի Կարապետին չհուսահատվել: Հիվանդության պատճառով տեսողությունն ամբողջովին կորցրած երիտասարդը ոչ միայն կարողանում է ծնողներին օգնել՝ գնումներ կատարել, ծառ տնկել, էլեկտրականության հետ կապված աշխատանքներ անել, այլև պատրաստ է իր գիտելիքները կիսել տեսողական խնդիրներ ունեցողների հետ:Չնայած առողջական խնդիրներին՝ Կարապետ Բարսեղյանը դժվարություններից չի հուսահատվում՝ սիրում է մինչև վերջ գնալ: Աշխատասեր ու պրպտող եղել է դեռ դպրոցական տարիներին, պատմում է մայրը՝ տիկին Անահիտը:Դպրոցն ավարտելուց հետո ընդունվել է Լվովի Առևտրատնտեսագիտական համալսարան ու ստացել ինժեներ-տնտեսագետի որակավորում: Աուտոիմունային հիվանդությունը հենց ինստիտուտի վերջին կուրսում է ի հայտ գալիս, ու նա ուսումն ավարտելուց անմիջապես հետո վերադառնում է հայրենի քաղաք: 10 տարիների ընթացքում, հիվանդության պատճառով, Կարապետն ամբողջովին կորցնում է տեսողությունը:Սկզբնական տարիներին, երբ բջջային հեռախոսներ ու համակարգիչներ չկային, դժվար էր ինչ-որ բան անել, ավելի շատ էր ծնողների օգնությանը դիմում: Ավելի ուշ տեխնոլոգիաները Կարապետին ավելի ինքնուրույն դարձրեցին: Նրան այս հարցում օգնության են հասնում ռուսաց լեզվի իմացությունն ու մաթեմատիկական դատողությունը:«2008 թվականին տեղեկացա, որ կան ծրագրեր, որոնք օգնում են տեսողական խնդիրներ ունեցողներին խոսքի միջոցով հրահանգներ տալ, սկսեցի օգտվել այդ ծրագրերից: Հնարավորությունները շատ-շատ են»,-ասում է Կարապետը՝ ցույց տալով տան այն բոլոր սարքերը, որոնք նախատեսված են տեսողական խնդիրներ ունեցողների համար: Դրանք բոլորը Կարապետը համացանցի օգնությամբ գտել, պատվիրել ու գնել է հիմնականում Ռուսաստանից ու Չինաստանից:Մայրը պատմում է՝ տան շինարարության ժամանակ որդին ինքն է քարերը թափել մեքենայից, էլեկտրական լարերի մոնտաժն իրականացրել ու գծել տան ջրագծի հատակագիծը: «Ես ու հայրը զարմանում ենք՝ կարող է լույսի փչացած լամպը փոխել, քար տեղափոխել, նույնիսկ այնպիսի գործեր անել, որ գումար վաստակի»,-ասում է մայրը:48-ամյա տղամարդու համար անընդունելի է հասարակության վերաբերմունքը՝ շատերը չեն վստահում առողջական խնդիր ունեցող անձի կողմից կատարված աշխատանքին: «Պատահել է՝ դիմել են այս կամ այն հարցով, իսկ երբ իմացել են, տեսողական խնդրիս մասին՝ վարանել են, հետ են կանգնել: Դրա համար էլ մենք՝ խնդիրներ ունեցողներս, պետք է նույն գործը կրկնակի կամ եռակի լավ անենք»:Միակ երազանքը անգլերենին ռուսերենի նման տիրապետելն է, ինչն ավելի մեծ հնարավորություններ կտա. տեսողության խնդիրներ ունեցողների համար ավելի շատ ծրագրեր անգլերենով կան, մինչդեռ հայերենով եղածները շատ քիչ խնդիրներ են լուծում:Կարապետը շեշտում է՝ քանի որ դաժան ճանապարհ է անցել, պատրաստ է իր փորձով կիսվել մյուսների հետ, ցավով նշելով, որ այն կառույցները, որոնք միտված են նման խնդիրներ ունեցողներին օգնելու, օրինակ՝ Կույրերի միավորումը, ճկուն չեն ու չեն կարողանում նոր ծրագրեր առաջարկել:
գյումրի
Sputnik Արմենիա
media@sputniknews.com
+74956456601
MIA „Rosiya Segodnya“
2023
Արմենուհի Մխոյան
https://cdn.am.sputniknews.ru/img/2360/57/23605773_297:46:846:595_100x100_80_0_0_656f445e799bc18f74429b49a7a32f17.jpg
Արմենուհի Մխոյան
https://cdn.am.sputniknews.ru/img/2360/57/23605773_297:46:846:595_100x100_80_0_0_656f445e799bc18f74429b49a7a32f17.jpg
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Կուրությունը դատավաճիռ չէ. Կարապետը կուզեր փորձը կիսել տեսողական խնդիրներ ունեցողների հետ
Sputnik Արմենիա
Կուրությունը դատավաճիռ չէ. Կարապետը կուզեր փորձը կիսել տեսողական խնդիրներ ունեցողների հետ
2023-02-05T09:55+0400
true
PT1M27S
Sputnik Արմենիա
media@sputniknews.com
+74956456601
MIA „Rosiya Segodnya“
Արմենուհի Մխոյան
https://cdn.am.sputniknews.ru/img/2360/57/23605773_297:46:846:595_100x100_80_0_0_656f445e799bc18f74429b49a7a32f17.jpg
կույր, գյումրի, տեղեկատվական տեխնոլոգիաներ, տղամարդ, հիվանդություն
կույր, գյումրի, տեղեկատվական տեխնոլոգիաներ, տղամարդ, հիվանդություն
Համբերություն, նպատակ ու աշխատասիրություն՝ դրանք են օգնում գյումրեցի Կարապետին չհուսահատվել: Հիվանդության պատճառով տեսողությունն ամբողջովին կորցրած երիտասարդը ոչ միայն կարողանում է ծնողներին օգնել՝ գնումներ կատարել, ծառ տնկել, էլեկտրականության հետ կապված աշխատանքներ անել, այլև պատրաստ է իր գիտելիքները կիսել տեսողական խնդիրներ ունեցողների հետ:
Չնայած առողջական խնդիրներին՝ Կարապետ Բարսեղյանը դժվարություններից չի հուսահատվում՝ սիրում է մինչև վերջ գնալ: Աշխատասեր ու պրպտող եղել է դեռ դպրոցական տարիներին, պատմում է մայրը՝ տիկին Անահիտը:
Դպրոցն ավարտելուց հետո ընդունվել է Լվովի Առևտրատնտեսագիտական համալսարան ու ստացել ինժեներ-տնտեսագետի որակավորում: Աուտոիմունային հիվանդությունը հենց ինստիտուտի վերջին կուրսում է ի հայտ գալիս, ու նա ուսումն ավարտելուց անմիջապես հետո վերադառնում է հայրենի քաղաք: 10 տարիների ընթացքում, հիվանդության պատճառով, Կարապետն ամբողջովին կորցնում է տեսողությունը:
Սկզբնական տարիներին, երբ բջջային հեռախոսներ ու համակարգիչներ չկային, դժվար էր ինչ-որ բան անել, ավելի շատ էր ծնողների օգնությանը դիմում: Ավելի ուշ տեխնոլոգիաները Կարապետին ավելի ինքնուրույն դարձրեցին: Նրան այս հարցում օգնության են հասնում ռուսաց լեզվի իմացությունն ու մաթեմատիկական դատողությունը:
«2008 թվականին տեղեկացա, որ կան ծրագրեր, որոնք օգնում են տեսողական խնդիրներ ունեցողներին խոսքի միջոցով հրահանգներ տալ, սկսեցի օգտվել այդ ծրագրերից: Հնարավորությունները շատ-շատ են»,-ասում է Կարապետը՝ ցույց տալով տան այն բոլոր սարքերը, որոնք նախատեսված են տեսողական խնդիրներ ունեցողների համար: Դրանք բոլորը Կարապետը համացանցի օգնությամբ գտել, պատվիրել ու գնել է հիմնականում Ռուսաստանից ու Չինաստանից:
Մայրը պատմում է՝ տան շինարարության ժամանակ որդին ինքն է քարերը թափել մեքենայից, էլեկտրական լարերի մոնտաժն իրականացրել ու գծել տան ջրագծի հատակագիծը: «Ես ու հայրը զարմանում ենք՝ կարող է լույսի փչացած լամպը փոխել, քար տեղափոխել, նույնիսկ այնպիսի գործեր անել, որ գումար վաստակի»,-ասում է մայրը:
«Հիմա ամբողջովին ինքնուրույն եմ, քանի որ բոլոր սարքավորումները բարձրաձայնում են, հեռախոսն ու համակարգիչն էլ իմ հրահանգները կատարում են ու ցանկացած ինֆորմացիա տրամադրում։ Չեմ հերքում՝ կան նրբություններ, մանր-մունր բաներ, որ չեմ կարող ինքնուրույն՝ ի վիճակի չեմ, կա՛մ նման ծրագիր չկա, կա՛մ էլ կա՝ ես չեմ տիրապետում»,-ասում է Կարապետը նշելով, որ եթե ինչ-որ գործ շատ դժվար է անել, ապա պետք է այդ գործն այնպես ձևափոխել, որ ստացվի:
48-ամյա տղամարդու համար անընդունելի է հասարակության վերաբերմունքը՝ շատերը չեն վստահում առողջական խնդիր ունեցող անձի կողմից կատարված աշխատանքին: «Պատահել է՝ դիմել են այս կամ այն հարցով, իսկ երբ իմացել են, տեսողական խնդրիս մասին՝ վարանել են, հետ են կանգնել: Դրա համար էլ մենք՝ խնդիրներ ունեցողներս, պետք է նույն գործը կրկնակի կամ եռակի լավ անենք»:
Միակ երազանքը անգլերենին ռուսերենի նման տիրապետելն է, ինչն ավելի մեծ հնարավորություններ կտա. տեսողության խնդիրներ ունեցողների համար ավելի շատ ծրագրեր անգլերենով կան, մինչդեռ հայերենով եղածները շատ քիչ խնդիրներ են լուծում:
Կարապետը շեշտում է՝ քանի որ դաժան ճանապարհ է անցել, պատրաստ է իր փորձով կիսվել մյուսների հետ, ցավով նշելով, որ այն կառույցները, որոնք միտված են նման խնդիրներ ունեցողներին օգնելու, օրինակ՝ Կույրերի միավորումը, ճկուն չեն ու չեն կարողանում նոր ծրագրեր առաջարկել:
