https://arm.sputniknews.ru/20230228/aats-tsarajvoghnern-atestavvorum-ancnelu-depqum-havelavtshar-kstanan-56021646.html
ԱԱԾ ծառայողներն ատեստավորում անցնելու դեպքում հավելավճար կստանան
ԱԱԾ ծառայողներն ատեստավորում անցնելու դեպքում հավելավճար կստանան
Sputnik Արմենիա
Ատեստավորում չանցած ծառայողները ոչ միայն կզրկվեն հավելավճարից, այլև կազատվեն զբաղեցրած պաշտոններից ու կանցնեն կադրերի ռեզերվ մինչև 2 ամիս ժամկետով: 28.02.2023, Sputnik Արմենիա
2023-02-28T12:03+0400
2023-02-28T12:03+0400
2023-02-28T12:29+0400
հհ ազգային անվտանգության ծառայություն. աած
ատեստավորում
անդրանիկ սիմոնյան
https://cdn.am.sputniknews.ru/img/07e5/08/04/28549565_297:381:1512:1065_1920x0_80_0_0_d80a0356e0068abec4868bb4bc90d364.jpg
ԵՐԵՎԱՆ, 28 փետրվարի – Sputnik. Ազգային անվտանգության մարմինների ծառայողներն ատեստավորում անցնելու դեպքում հավելավճար կստանան։ «Ազգային անվտանգության մարմիններում ծառայության մասին» և «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքներում փոփոխությունների օրինագիծը Ազգային ժողովում ներկայացրեց ԱԱԾ տնօրենի տեղակալ Անդրանիկ Սիմոնյանը։Նախագծի նպատակն է ազգային անվտանգության մարմիններում ատեստավորման նոր համակարգի ներդրումը, ինչի արդյունքում էլ առավել բարձր վարձատրություն կնախատեսվի, իսկ զինծառայողների մասնագիտական պատրաստությունն էլ պատշաճ կերպով կապահովվի։Օրինագծով նաև նախատեսվում է, որ ատեստավորման արդյունքում հավելավճար հաշվարկելու դեպքում չեն վճարվելու օրենքով սահմանված մյուս հավելումները։Ատեստավորման գործընթացն անցկացվելու է 2 փուլով` թեստավորման և հարցազրույցի։ Թեստավորման փուլում ընդգրկվելու է 20 հարց, ծառայողը 17-ին ճիշտ պատասխանելուց հետո կանցնի հարցազրույցի փուլ։ Առանձին պաշտոններ զբաղեցնող ծառայողների դեպքում մինչև թեստավորման փուլը լինելու է ֆիզիկական և մարտական պատրաստության վերաբերյալ ստուգարք։ «Քաղաքացիական պայմանագիր» խմբակցության պատգամավոր Արսեն Թորոսյանը հետաքրքրվեց՝ արդյոք ատեստավորումները թափանցիկ և անաչառ կերպով են անցնելու։ Սիմոնյանը վստահեցրեց, որ գործընթացի լրջության մասին խոսելու է այն հանգամանքը, որ ստեղծվելու է ատեստավորման հանձնաժողով, որը ղեկավարելու է անձամբ ԱԱԾ տնօրենը։ Հանձնաժողովի կազմում լինելու են նաև ծառայության տնօրենի տեղակալները։ ԱԱԾ–ն առաջարկում է պետական գաղտնիքի պահպանման ավելի երկար ժամկետ սահմանելՕրինագծին առաջին ընթերցմամբ կողմ քվեարկեց 60 պատգամավոր, 27-ը ձեռնպահ էին։Ավելի վաղ Սիմոնյանը հայտնել էր, որ նախագծով ԱԱԾ տնօրենն ու տեղակալներն ատեստավորում չեն անցնելու։Նշենք, որ ըստ առաջարկվող նախագծի, ԱԱԾ ծառայողների առաջին ատեստավորումն անցկացվելու է կամավորության սկզբունքով, այնուհետև այն կլինի պարտադիր` յուրաքանչյուր 3 տարին մեկ անգամ։ Ընդ որում` ատեստավորման բացասական արդյունքի դեպքում կրկին ատեստավորում անցնելու համար ծառայողը 1 տարվա ընթացքում 2 անգամ դիմելու հնարավորություն կունենա։Ատեստավորում չանցած ծառայողները ոչ միայն կզրկվեն հավելավճարից, այլև կազատվեն զբաղեցրած պաշտոններից ու կանցնեն կադրերի ռեզերվ մինչև 2 ամիս ժամկետով:Այդ ընթացքում նրանց կառաջարկվի նախկինում զբաղեցրած պաշտոնից մեկ աստիճան ցածր խմբի պաշտոն։ Նոր նշանակմանը չհամաձայնելու դեպքում կադրերի տրամադրության տակ գտնվելու սահմանված ժամկետը լրանալուց հետո ծառայողը կարձակվի ծառայությունից:
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հհ ազգային անվտանգության ծառայություն. աած, ատեստավորում, անդրանիկ սիմոնյան
հհ ազգային անվտանգության ծառայություն. աած, ատեստավորում, անդրանիկ սիմոնյան
ԱԱԾ ծառայողներն ատեստավորում անցնելու դեպքում հավելավճար կստանան
12:03 28.02.2023 (Թարմացված է: 12:29 28.02.2023) Ատեստավորում չանցած ծառայողները ոչ միայն կզրկվեն հավելավճարից, այլև կազատվեն զբաղեցրած պաշտոններից ու կանցնեն կադրերի ռեզերվ մինչև 2 ամիս ժամկետով:
ԵՐԵՎԱՆ, 28 փետրվարի – Sputnik. Ազգային անվտանգության մարմինների ծառայողներն ատեստավորում անցնելու դեպքում հավելավճար կստանան։ «Ազգային անվտանգության մարմիններում ծառայության մասին» և «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքներում փոփոխությունների օրինագիծը Ազգային ժողովում ներկայացրեց ԱԱԾ տնօրենի տեղակալ Անդրանիկ Սիմոնյանը։
Նախագծի նպատակն է ազգային անվտանգության մարմիններում ատեստավորման նոր համակարգի ներդրումը, ինչի արդյունքում էլ առավել բարձր վարձատրություն կնախատեսվի, իսկ զինծառայողների մասնագիտական պատրաստությունն էլ պատշաճ կերպով կապահովվի։
«Նախագծով առաջարկվում է ազգային անվտանգության մարմիններում պետական սահմանի պահպանության, հետախուզական, հակահետախուզական, օպերատիվ հետախուզական գործունեության իրականացման, հատուկ առաջադրանքների կատարման, պլանավորման և վերահսկման գործառույթներ իրականացնող ծառայողների համար ատեստավորման արդյունքում հաշվարկել հավելավճար»,– ասաց ԱԱԾ տնօրենի տեղակալը։
Օրինագծով նաև նախատեսվում է, որ ատեստավորման արդյունքում հավելավճար հաշվարկելու դեպքում չեն վճարվելու օրենքով սահմանված մյուս հավելումները։
Ատեստավորման գործընթացն անցկացվելու է 2 փուլով` թեստավորման և հարցազրույցի։ Թեստավորման փուլում ընդգրկվելու է 20 հարց, ծառայողը 17-ին ճիշտ պատասխանելուց հետո կանցնի հարցազրույցի փուլ։
Առանձին պաշտոններ զբաղեցնող ծառայողների դեպքում մինչև թեստավորման փուլը լինելու է ֆիզիկական և մարտական պատրաստության վերաբերյալ ստուգարք։
«Քաղաքացիական պայմանագիր» խմբակցության պատգամավոր Արսեն Թորոսյանը հետաքրքրվեց՝ արդյոք ատեստավորումները թափանցիկ և անաչառ կերպով են անցնելու։ Սիմոնյանը վստահեցրեց, որ գործընթացի լրջության մասին խոսելու է այն հանգամանքը, որ ստեղծվելու է ատեստավորման հանձնաժողով, որը ղեկավարելու է անձամբ ԱԱԾ տնօրենը։ Հանձնաժողովի կազմում լինելու են նաև ծառայության տնօրենի տեղակալները։
Օրինագծին առաջին ընթերցմամբ կողմ քվեարկեց 60 պատգամավոր, 27-ը ձեռնպահ էին։
Ավելի վաղ Սիմոնյանը հայտնել էր, որ նախագծով ԱԱԾ տնօրենն ու տեղակալներն
ատեստավորում չեն անցնելու։
Նշենք, որ ըստ առաջարկվող նախագծի, ԱԱԾ ծառայողների առաջին ատեստավորումն անցկացվելու է կամավորության սկզբունքով, այնուհետև այն կլինի պարտադիր` յուրաքանչյուր 3 տարին մեկ անգամ։ Ընդ որում` ատեստավորման բացասական արդյունքի դեպքում կրկին ատեստավորում անցնելու համար ծառայողը 1 տարվա ընթացքում 2 անգամ դիմելու հնարավորություն կունենա։
Ատեստավորում չանցած ծառայողները ոչ միայն կզրկվեն հավելավճարից, այլև կազատվեն զբաղեցրած պաշտոններից ու կանցնեն կադրերի ռեզերվ մինչև 2 ամիս ժամկետով:
Այդ ընթացքում նրանց կառաջարկվի նախկինում զբաղեցրած պաշտոնից մեկ աստիճան ցածր խմբի պաշտոն։ Նոր նշանակմանը չհամաձայնելու դեպքում կադրերի տրամադրության տակ գտնվելու սահմանված ժամկետը լրանալուց հետո ծառայողը կարձակվի ծառայությունից:
