https://arm.sputniknews.ru/20230228/qaghckeghi-bjijnery-spanvogh-deghamijvoci-steghtsman-hamar-hhum-hetazvotutjun-en-irakanacnum-56066730.html
Քաղցկեղի բջիջները սպանող դեղամիջոցի ստեղծման համար ՀՀ–ում հետազոտություն են իրականացնում
Քաղցկեղի բջիջները սպանող դեղամիջոցի ստեղծման համար ՀՀ–ում հետազոտություն են իրականացնում
Sputnik Արմենիա
Հետազոտությունը շարունակվելու է 2023 թվականին և ավարտից հետո ամենաակտիվ միացությունը (դեղամիջոցը) կիրառվելու և փորձարկվելու է խոշոր կենդանիների վրա, որպեսզի... 28.02.2023, Sputnik Արմենիա
2023-02-28T21:51+0400
2023-02-28T21:51+0400
2023-02-28T21:59+0400
քաղցկեղ
գիտնական
հայ
դեղ
գիտությունների ազգային ակադեմիա (գաա)
բջիջ
https://cdn.am.sputniknews.ru/img/07e8/01/0a/71016634_0:0:1600:900_1920x0_80_0_0_34c2941c9fb3288b61e695d3430a5f74.jpg
ԵՐԵՎԱՆ, 28 փետրվարի – Sputnik. Հայաստանում հետազոտություններ են իրականացվում ստեղծելու այնպիսի նոր դեղամիջոց, որով կոչնչացվեն միայն քաղցկեղային բջիջները՝ չվնասելով առողջները: Տեղեկությունը հայտնում է ՀՀ գիտությունների ազգային ակադեմիայի հասարակայնության հետ կապերի բաժինը։Մասնավորապես, հետազոտություններն իրականացվում են ՀՀ ԳԱԱ Հրաչյա Բունիաթյանի անվան կենսաքիմիայի ինստիտուտի կենսաինժեներիայի և կենսաբժշկական հետազոտությունների լաբորատորիաներում` Բելառուսի ԳԱԱ Ֆիզիկայի ինստիտուտի «Մոլեկուլների ֆոտոնիկայի և ֆոտոքիմիայի» կենտրոնի հետ համագործակցությամբ։Նրա խոսքով` հետազոտությունն ունի և՛ հիմնարար, և՛ կիրառական նշանակություն: Այս հետազոտությունների հիման վրա շարունակվելու է այլ նմանատիպ միացությունների (այլ վիտամինների, սպիտակուցների, գիալուրաթթվի), նանոմասնիկների (արծաթե, ոսկե) ու պորֆիրինների կոմպոզիտների ստեղծումը, որոնք կարող են ցուցաբերել ավելի բարձր խնամակցություն և ակտիվություն քաղցկեղային բջիջների նկատմամբ: Հետազոտությունը շարունակվելու է 2023 թ-ին և ավարտից հետո ամենաակտիվ միացությունը (դեղամիջոցը) կիրառվելու և փորձարկվելու է խոշոր կենդանիների վրա, որպեսզի հետագայում կիրառվի մարդու քաղցկեղային հիվանդությունների դեպքում։Հետազոտական աշխատանքում ընդգրկված է ՀՀ ԳԱԱ Հրաչյա Բունիաթյանի անվան կենսաքիմիայի ինստիտուտի կենսաինժեներիայի լաբորատորիայի 3 երիտասարդ գիտաշխատող, ինչպես նաև կենսաբժշկական հետազոտությունների լաբորատորիայի գիտաշխատողներ: Բացի այդ այս թեմայով ներկայում կատարում են և 2023թ. շարունակելու են հետազոտություններ կատարել 3 ուսանողներ` բակալավրներ և մագիստրոսներ:Հետազոտության արդյունքները 2022 թ. տպագրվել են հեղինակավոր «Journal of Innovative Optical Health Sciences» ամսագրում։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
քաղցկեղ, գիտնական, հայ, դեղ, գիտությունների ազգային ակադեմիա (գաա), բջիջ
քաղցկեղ, գիտնական, հայ, դեղ, գիտությունների ազգային ակադեմիա (գաա), բջիջ
Քաղցկեղի բջիջները սպանող դեղամիջոցի ստեղծման համար ՀՀ–ում հետազոտություն են իրականացնում
21:51 28.02.2023 (Թարմացված է: 21:59 28.02.2023) Հետազոտությունը շարունակվելու է 2023 թվականին և ավարտից հետո ամենաակտիվ միացությունը (դեղամիջոցը) կիրառվելու և փորձարկվելու է խոշոր կենդանիների վրա, որպեսզի հետագայում կիրառվի մարդու քաղցկեղային հիվանդությունների դեպքում։
ԵՐԵՎԱՆ, 28 փետրվարի – Sputnik. Հայաստանում հետազոտություններ են իրականացվում ստեղծելու այնպիսի նոր դեղամիջոց, որով կոչնչացվեն միայն քաղցկեղային բջիջները՝ չվնասելով առողջները: Տեղեկությունը
հայտնում է ՀՀ գիտությունների ազգային ակադեմիայի հասարակայնության հետ կապերի բաժինը։
Մասնավորապես, հետազոտություններն իրականացվում են ՀՀ ԳԱԱ Հրաչյա Բունիաթյանի անվան կենսաքիմիայի ինստիտուտի կենսաինժեներիայի և կենսաբժշկական հետազոտությունների լաբորատորիաներում` Բելառուսի ԳԱԱ Ֆիզիկայի ինստիտուտի «Մոլեկուլների ֆոտոնիկայի և ֆոտոքիմիայի» կենտրոնի հետ համագործակցությամբ։
«Հայտնի է, որ քաղցկեղային բջիջներում ֆոլաթթվի (վիտամին B9) ռեցեպտորների քանակը, որոնք աշխատում են անտենայի սկզբունքով, 100-300 անգամ ավելի շատ է, քան առողջ բջիջներում: Օգտագործելով այս հանգամանքը՝ մեր կողմից ֆոլաթթվի հետ կոմպլեքսավորվել են ցինկ մետաղ պարունակող պորֆիրիններ (ֆոտոզգայուն բնությունում գոյություն ունեցող միացություններ): Ստացված կոմպլեքսները կապվում են միայն քաղցկեղային բջիջների ֆոլաթթվի ռեցեպտորների հետ թիրախային սկզբունքով և, ներթափանցելով քաղցկեղային բջիջների մեջ, լազերի միջոցով լուսավորումից հետո ոչնչացնում են միայն քաղցկեղային բջիջները»,–նշել է գիտական խմբի ղեկավար, կենսաբանական գիտությունների թեկնածու Գրիգոր Գյուլխանդանյանը:
Նրա խոսքով` հետազոտությունն ունի և՛ հիմնարար, և՛ կիրառական նշանակություն: Այս հետազոտությունների հիման վրա շարունակվելու է այլ նմանատիպ միացությունների (այլ վիտամինների, սպիտակուցների, գիալուրաթթվի), նանոմասնիկների (արծաթե, ոսկե) ու պորֆիրինների կոմպոզիտների ստեղծումը, որոնք կարող են ցուցաբերել ավելի բարձր խնամակցություն և ակտիվություն քաղցկեղային բջիջների նկատմամբ: Հետազոտությունը շարունակվելու է 2023 թ-ին և ավարտից հետո ամենաակտիվ միացությունը (դեղամիջոցը) կիրառվելու և փորձարկվելու է խոշոր կենդանիների վրա, որպեսզի հետագայում կիրառվի մարդու քաղցկեղային հիվանդությունների դեպքում։
Հետազոտական աշխատանքում ընդգրկված է ՀՀ ԳԱԱ Հրաչյա Բունիաթյանի անվան կենսաքիմիայի ինստիտուտի կենսաինժեներիայի լաբորատորիայի 3 երիտասարդ գիտաշխատող, ինչպես նաև կենսաբժշկական հետազոտությունների լաբորատորիայի գիտաշխատողներ: Բացի այդ այս թեմայով ներկայում կատարում են և 2023թ. շարունակելու են հետազոտություններ կատարել 3 ուսանողներ` բակալավրներ և մագիստրոսներ:
Հետազոտության արդյունքները 2022 թ. տպագրվել են հեղինակավոր «Journal of Innovative Optical Health Sciences» ամսագրում։
