https://arm.sputniknews.ru/20230301/marzajin-transpvorti-sakagnery-sahmanvelu-en-10-tarvov-ev-ajd-yntacqum-chen-pvopvokhvelu-56090262.html
Մարզային տրանսպորտի սակագները սահմանվելու են 10 տարով և այդ ընթացքում չեն փոփոխվելու
Մարզային տրանսպորտի սակագները սահմանվելու են 10 տարով և այդ ընթացքում չեն փոփոխվելու
Sputnik Արմենիա
ՀՀ ՏԿԵ նախարարության ավտոմոբիլային տրանսպորտի քաղաքականության բաժնի պետ Ռուզաննա Այվազյանը Sputnik Արմենիայի եթերում անդրադարձել է նախարարության օրենսդրական... 01.03.2023, Sputnik Արմենիա
2023-03-01T20:17+0400
2023-03-01T20:17+0400
2023-03-01T20:17+0400
ռադիո
պոդկաստ
տրանսպորտ
սակագին
ուղևոր
վարձ
մարզ
https://cdn.am.sputniknews.ru/img/07e7/03/01/56084914_0:0:1600:901_1920x0_80_0_0_d9d59b79aadaf6c58a4e9fc40cd6dcfd.jpg
Ուևորափոխադրումներին առնչվող նոր կարգավորումները լինելու են ի շահ ժողովրդի. Այվազյան
Sputnik Արմենիա
Ուևորափոխադրումներին առնչվող նոր կարգավորումները լինելու են ի շահ ժողովրդի. Այվազյան
ՏԿե նախարարության կողմից առաջարկվող օրենսդրական նախագծի ակնկալվող արդյունքն ի շահ ժողովրդի է: Sputnik Արմենիայի հետ զրույցում այս մասին հայտարարեց ՀՀ ՏԿԵ նախարարության ավտոմոբիլային տրանսպորտի քաղաքականության բաժնի պետ Ռուզաննա Այվազյանը։Նա նշեց, որ գործող օրենսդրությամբ հնարավոր չէ վերանայել երթուղիներն ու դրանց համար սահմանել փոխադրավարձ։ Եվ քանի որ միասնական ցանցում տրանսպորտային երթուղիների օպտիմալացման անհրաժեշտություն է առաջացել, օրենսդրական փոփոխություն է պետք, որպեսզի ՀՀ բոլոր բնակավայրերն ունենան նորմալ տրանսպորտային սպասարկում:Հայաստանում կյանքը 1 տարում թանկացել է 8.6%-ովԵվ այսպես՝ ՀՀ տարածքային կառավարման և ենթակառուցվածքների նախարարությունն առաջարկում է փոփոխություն կատարել «Ավտոմոբիլային տրանսպորտի մասին» օրենքում, ըստ որի` 11-րդ հոդվածով սահմանված են կանոնավոր ուղևորափոխադրումների կազմակերպման հիմնական պահանջները։ Օրենքի նախագծով վերանայվում է կանոնավոր ուղևորափոխադրումների գործող կարգավորումը փոխադրավարձի փոփոխության վերաբերյալ։ Սահմանվում են միասնական երթուղային ցանցերի առանձին երթուղիների ուղեգծերի և սխեմաների փոփոխության դեպքում փոխադրավարձի վերանայման դրույթները։Ըստ նրա` օրենքում փոփոխություն կատարելու անհրաժեշտությունը պայմանավորված է միասնական երթուղային ցանցի ներդրման գործընթացում առաջացող խնդիրների կարգավորմամբ, քանի որ միջմարզային և ներմարզային երթուղիների փոխադրումները կազմակերպվում են միասնական փաթեթով։ Նախապես հաստատվում են երթուղիների չվացուցակները, դրանք դրվում են մրցույթի, և հաղթող կազմակերպությունը սկսում է սպասարկել։«Քանի որ հիմա երթուղիները վերանայվում են, այսինքն` ավելի օպտիմալացվում են երթուղիների ուղեգծերը, իսկ կազմակերպությունը գործող օրենսդրությամբ նոր փոխադրավարձ առաջարկել չի կարող, ուստի այդ երթուղիների համար նոր փոխադրավարձի սահմանման պահանջի անհրաժեշտություն է առաջացել։ Ներկայացված նախագիծը մրցութային եղանակով միասնական երթուղիների փոխադրավարձերի հետ կապված կարգավորումները հստակեցնելու նպատակ ունի և շահագրգիռ մարմինների մասնակցությամբ դրվել է հանրային քննարկման»,– նշեց մեր զրուցակիցը։Հնարավոր է` Երևանում տրանսպորտային կանգառների մեծացման համար ծառեր հատվեն. քաղաքապետԱյվազյանի տեղեկացմամբ` ներհամայնքային երթուղային ցանցերի աշխատանքը կազմակերպելու պարագայում մրցույթով ընտրվելու դեպքում փոխադրողն է առաջարկում երթուղու սակագինը, որպեսզի երթուղիների վերանայման, երկարացման կամ կարճացման դեպքում հնարավոր լինի լիազոր մարմնի կողմից հաստատել փոխադրավարձը։Մրցույթի արդյունքում հաղթող կազմակերպության կողմից առաջարկվող փոխադրավարձը հաստատվում է 10–ամյա ժամկետով, և այդ ընթացքում ուղևորափոխադրողը սակագինը բարձրացնելու իրավասություն չունի։Այվազյանը հայտնեց, որ սակագների կոնկրետ հաշվարկ կամ մեթոդաբանություն առկա չէ, քանի որ մասնավոր կազմակերպություններն են երթուղիները սպասարկում, հետևաբար նրանք են հաշվարկում երթուղու շահագործման շահութաբերությունն ու ծախսերը։Նշենք, որ տարածքային կառավարման և ենթակառուցվածքների նախարարության կողմից առաջարկվող սույն նախագիծը դրվել է շրջանառության մեջ ու զետեղված է իրավական ակտերի նախագծերի հրապարակման միասնական կայքում։Տրանսպորտում տեսաձայնային սարքերի առկայությունը զսպող ազդեցություն կունենա. Քոչարյան
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
պոդկաստ, տրանսպորտ, սակագին, ուղևոր, վարձ, մարզ, аудио
պոդկաստ, տրանսպորտ, սակագին, ուղևոր, վարձ, մարզ, аудио
Մարզային տրանսպորտի սակագները սահմանվելու են 10 տարով և այդ ընթացքում չեն փոփոխվելու
ՀՀ ՏԿԵ նախարարության ավտոմոբիլային տրանսպորտի քաղաքականության բաժնի պետ Ռուզաննա Այվազյանը Sputnik Արմենիայի եթերում անդրադարձել է նախարարության օրենսդրական նախաձեռնությանը, որն առնչվում է ուղևորատար տրանսպորտի աշխատանքին և ուղաևորափոխադրումներին առնչվող հարցերին։
ՏԿե նախարարության կողմից առաջարկվող օրենսդրական նախագծի ակնկալվող արդյունքն ի շահ ժողովրդի է:
Sputnik Արմենիայի հետ զրույցում այս մասին հայտարարեց ՀՀ ՏԿԵ նախարարության ավտոմոբիլային տրանսպորտի քաղաքականության բաժնի պետ Ռուզաննա Այվազյանը։
Նա նշեց, որ գործող օրենսդրությամբ հնարավոր չէ վերանայել երթուղիներն ու դրանց համար սահմանել փոխադրավարձ։ Եվ քանի որ միասնական ցանցում տրանսպորտային երթուղիների օպտիմալացման անհրաժեշտություն է առաջացել, օրենսդրական փոփոխություն է պետք, որպեսզի ՀՀ բոլոր բնակավայրերն ունենան նորմալ տրանսպորտային սպասարկում:
Եվ այսպես՝ ՀՀ տարածքային կառավարման և ենթակառուցվածքների նախարարությունն առաջարկում է փոփոխություն կատարել «Ավտոմոբիլային տրանսպորտի մասին» օրենքում, ըստ որի` 11-րդ հոդվածով սահմանված են կանոնավոր ուղևորափոխադրումների կազմակերպման հիմնական պահանջները։ Օրենքի նախագծով վերանայվում է կանոնավոր ուղևորափոխադրումների գործող կարգավորումը փոխադրավարձի փոփոխության վերաբերյալ։ Սահմանվում են միասնական երթուղային ցանցերի առանձին երթուղիների ուղեգծերի և սխեմաների փոփոխության դեպքում փոխադրավարձի վերանայման դրույթները։
«Արդեն կան նախադեպեր, երբ մրցույթից հետո բնակչության կողմից ի հայտ են գալիս առաջարկներ տրանսպորտային երթուղիների, ուղեգծերի փոփոխության վերաբերյալ, սակայն այս դեպքում գործող օրենսդրությամբ փոխադրավարձի հետ կապված կարգավորումներ նախատեսված չեն։ Կառավարության որոշմամբ` երթուղիների սակագներն առաջարկում է փոխադրողը՝ մրցութային փաթեթով, իսկ ՏԿԵ նախարարի կողմից հաստատվում են հաղթող կազմակերպության կողմից առաջարկված փոխադրավարձերը»,– ասաց Այվազյանը։
Ըստ նրա` օրենքում փոփոխություն կատարելու անհրաժեշտությունը պայմանավորված է միասնական երթուղային ցանցի ներդրման գործընթացում առաջացող խնդիրների կարգավորմամբ, քանի որ միջմարզային և ներմարզային երթուղիների փոխադրումները կազմակերպվում են միասնական փաթեթով։ Նախապես հաստատվում են երթուղիների չվացուցակները, դրանք դրվում են մրցույթի, և հաղթող կազմակերպությունը սկսում է սպասարկել։
«Քանի որ հիմա երթուղիները վերանայվում են, այսինքն` ավելի օպտիմալացվում են երթուղիների ուղեգծերը, իսկ կազմակերպությունը գործող օրենսդրությամբ նոր փոխադրավարձ առաջարկել չի կարող, ուստի այդ երթուղիների համար նոր փոխադրավարձի սահմանման պահանջի անհրաժեշտություն է առաջացել։ Ներկայացված նախագիծը մրցութային եղանակով միասնական երթուղիների փոխադրավարձերի հետ կապված կարգավորումները հստակեցնելու նպատակ ունի և շահագրգիռ մարմինների մասնակցությամբ դրվել է հանրային քննարկման»,– նշեց մեր զրուցակիցը։
Այվազյանի տեղեկացմամբ` ներհամայնքային երթուղային ցանցերի աշխատանքը կազմակերպելու պարագայում մրցույթով ընտրվելու դեպքում փոխադրողն է առաջարկում երթուղու սակագինը, որպեսզի երթուղիների վերանայման, երկարացման կամ կարճացման դեպքում հնարավոր լինի լիազոր մարմնի կողմից հաստատել փոխադրավարձը։
Մրցույթի արդյունքում հաղթող կազմակերպության կողմից առաջարկվող փոխադրավարձը հաստատվում է 10–ամյա ժամկետով, և այդ ընթացքում ուղևորափոխադրողը սակագինը բարձրացնելու իրավասություն չունի։
Այվազյանը հայտնեց, որ սակագների կոնկրետ հաշվարկ կամ մեթոդաբանություն առկա չէ, քանի որ մասնավոր կազմակերպություններն են երթուղիները սպասարկում, հետևաբար նրանք են հաշվարկում երթուղու շահագործման շահութաբերությունն ու ծախսերը։
«Երթուղիների սպասարկման մրցույթները հայտարարվում են նախապես, մասնակիցները ներկայացնում են փաթեթներ, որոնցում առկա է նաև փոխադրավարձի սակագինը։ Փաթեթները բացելուց հետո գնահատվում են տրանսպորտային միջոցների փոխադրավարձերը, և ավելի ցածր սակագին առաջարկող կազմակերպությունը ճանաչվում է հաղթող։ Սա վերաբերում է միջմարզային և ներմարզային երթուղիներին, իսկ ներհամայքային, այդ թվում մայրաքաղաքային տրանսպորտի դեպքում ուղևորափոխադրման սակագինը հաստատում է համայնքի ավագանին»,– ասաց Այվազյանը։
Նշենք, որ տարածքային կառավարման և ենթակառուցվածքների նախարարության կողմից առաջարկվող սույն նախագիծը դրվել է շրջանառության մեջ ու զետեղված է իրավական ակտերի նախագծերի հրապարակման միասնական կայքում։
