https://arm.sputniknews.ru/20230302/hndkakan-ynkerutjunn-abvovjanum-adamandi-mshakman-gvortsaran-kbaci-56157485.html
Հնդկական ընկերությունն Աբովյանում ադամանդի մշակման գործարան կբացի
Հնդկական ընկերությունն Աբովյանում ադամանդի մշակման գործարան կբացի
Sputnik Արմենիա
Հնդիկ մենեջերները նշում են՝ Հայաստանն ընտրել են այն պատճառով, որ այստեղ կան շատ փորձառու մասնագետներ ու սովորել ցանկացող նորեկներ։ Նրանց համար հեշտ կլինի... 02.03.2023, Sputnik Արմենիա
2023-03-02T23:37+0400
2023-03-02T23:37+0400
2023-03-02T23:37+0400
ալմաստ
ադամանդ
գործարան
աբովյան
հնդիկ
«ալռոսա» ընկերություն
https://cdn.am.sputniknews.ru/img/07e7/02/1b/55996791_0:0:1601:901_1920x0_80_0_0_63597fa34a87961f65c77bfd01f9cf60.jpg
ԵՐԵՎԱՆ, 2 մարտի – Sputnik. VDA Diamonds ընկերությունը պատրաստվում է Աբովյան քաղաքում ադամանդի մշակման գործարան բացել։ Ընկերության ֆինանսական տնօրեն Սունիլ Ջայնը Sputnik Արմենիային հայտնեց, որ գործարանային շենքն արդեն կառուցված է, մնում են ներքին հարդարման աշխատանքները։ Անհրաժեշտ սարքավորումների մի մասն արդեն առաքվել է։ Նախագծի ներդրողը կլինի հնդկական KGK Group ոսկերչական կոնցեռնը՝ VDA Diamonds-իմայր ընկերությունը։Աշխատանքի առաջին 6 ամիսներին գործարանը պատրաստվում է աշխատանքի ընդունել շուրջ 250 մարդու, իսկ հետագայում հույս ունեն նրանց թիվը 400-500-ի հասցնելու։Ջայնն ու նրա գործընկերները ավելի քան 10 տարի աշխատել են հայ մասնագետների հետ՝ հիմնականում Ռուսաստանում, որտեղ գործարարը երկար ժամանակ աշխատել է։ Հայ մասնագետներն աշխատում են և՛ արդյունահանության ոլորտում (հիմնականում Յակուտիայում), և՛ վերամշակող արդյունաբերությունում (Մոսկվայում և այլ քաղաքներում)։Ռուսաստանից կհրավիրվեն նաև ոչ հայ վարպետներ, ևս մի քանի մասնագետ էլ Հնդկաստանից կգա։Ինչն է փոխում տեխնոլոգիանԻր հզորության գագաթնակետին՝ 2000-ականների կեսերին, ադամանդի մշակման հայկական արդյունաբերությունը տարեկան ավելի քան 200 մլն դոլարի ապրանք էր արտահանում (այն ժամանակ, ինչպես և հիմա, գործարաններն աշխատում էին ներկրվող ադամադների վրա, որոնք այստեղ մշակվում և արտահանվում էին արտերկիր)։Այնուամենայնիվ, 2007-08 թվականներին արտադրության և արտահանման ծավալները դանդաղել են, երբ հայկական դրամիփոխարժեքը կտրուկ աճել է դոլարի ու եվրոյի նկատմամբ։ Դա մեծապես նվազեցրել է հայկական ապրանքների մրցունակությունը։ Այս ֆոնին ոչ բոլոր գործարաններն են ներդրումներ կատարել՝ նոր սարքավորումներ ձեռք բերելով:2022թ–ին Հայաստանից 879 մլն ԱՄՆ դոլարի գյուղմթերք է արտահանվել, ոլորտում անկում է գրանցվելՄեկ այլ պատճառ էլ հնդկական գործարաններն էին, որոնք այդ ժամանակ սկսեցին ընդլայնել արտադրությունը՝ խաղադրույք կատարելով էժան աշխատուժի վրա: Բայց տարիների ընթացքում դրանք աստիճանաբար նոր սարքավորումներ ձեռք բերեցին, ապա հնդիկ ինժեներները սկսեցին ինքնուրույն արտադրանք տալ։ Արտադրողականությունը սկսել է աճել, դրա հետ մեկտեղ՝ նաև աշխատավարձերը, այդ պատճառով հիմա դրանք մոտավորապես նույնն են, ինչ Հայաստանում։«Այսինքն՝ այստեղ աշխատավարձերը բիզնեսի տեսանկյունից բավականին հարմար են, մնում է բարձրացնել արտադրողականությունը», - ավելացրեց Ջայնը:Գիտելիքն էլ է կարևորՎերջին տարիներին Հայաստանից ադամանդի արտահանումը կազմել է տարեկան մոտ 100-120 մլն դոլար։ 2022-ին այն աճել է մինչև 400 մլն դոլարի։ Այս աճի զգալի մասը տեղի է ունեցել ռուսական քարերի վերաարտահանման շնորհիվ։ Այնուամենայնիվ, տեղական արտադրությունն այնքան էլ փոքր չէ, թեև ամենուր չէ, որ հագեցած է նոր սերնդի սարքավորումներով։Ջայնն ավելացրեց, որ թեև ոչ բոլոր հայ մասնագետներն են աշխատել դրա վրա, սակայն նրանց կարելի է արագ սովորեցնել, քանի որ ընդհանուր պատկերացում ունեն, թե ինչ է ադամանդը և ինչպես աշխատել դրա հետ:Գործարանում կլինեն նաև ուսումնական հարթակներ պրակտիկանտների համար, որոնք հետո կկարողանան աշխատանքի ընդունվել։ Նա ավելացրեց, որ KGK Group-ը նման բան անում է նաև Հնդկաստանում, Ռուսաստանում և այլ երկրներում։Հնարավո՞ր է 400 մլն դոլարի ադամանդ մշակել. ԱԺ–ն ստուգում է Քերոբյանի ասածի իսկությունըԳործարանը կկենտրոնանա խոշոր ադամանդների մշակման վրա (1 կարատ և ավելի), իսկ դրանք կգնի «Ալռոսա» կոնցեռնից, DeBeers-ից և Դուբայի ու Հոնկոնգի ադամանդային բորսաներից: Արտահանումն իրականացվելու է ամբողջ աշխարհում, ընկերության 19 վաճառքի գրասենյակների միջոցով։
աբովյան
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ալմաստ, ադամանդ, գործարան, աբովյան, հնդիկ, «ալռոսա» ընկերություն
ալմաստ, ադամանդ, գործարան, աբովյան, հնդիկ, «ալռոսա» ընկերություն
Հնդկական ընկերությունն Աբովյանում ադամանդի մշակման գործարան կբացի
Հնդիկ մենեջերները նշում են՝ Հայաստանն ընտրել են այն պատճառով, որ այստեղ կան շատ փորձառու մասնագետներ ու սովորել ցանկացող նորեկներ։ Նրանց համար հեշտ կլինի յուրացնել նոր սարքավորումները, որոնք զգալիորեն բարձրացնում են արտադրողականությունը։
ԵՐԵՎԱՆ, 2 մարտի – Sputnik. VDA Diamonds ընկերությունը պատրաստվում է Աբովյան քաղաքում ադամանդի մշակման գործարան բացել։ Ընկերության ֆինանսական տնօրեն Սունիլ Ջայնը
Sputnik Արմենիային հայտնեց, որ գործարանային շենքն արդեն կառուցված է, մնում են ներքին հարդարման աշխատանքները։ Անհրաժեշտ սարքավորումների մի մասն արդեն առաքվել է։ Նախագծի ներդրողը կլինի հնդկական KGK Group ոսկերչական կոնցեռնը՝ VDA Diamonds-իմայր ընկերությունը։
Աշխատանքի առաջին 6 ամիսներին գործարանը պատրաստվում է աշխատանքի ընդունել շուրջ 250 մարդու, իսկ հետագայում հույս ունեն նրանց թիվը 400-500-ի հասցնելու։
Ջայնն ու նրա գործընկերները ավելի քան 10 տարի աշխատել են հայ մասնագետների հետ՝ հիմնականում Ռուսաստանում, որտեղ գործարարը երկար ժամանակ աշխատել է։ Հայ մասնագետներն աշխատում են և՛ արդյունահանության ոլորտում (հիմնականում Յակուտիայում), և՛ վերամշակող արդյունաբերությունում (Մոսկվայում և այլ քաղաքներում)։
«Նրանք գերազանց աշխատողներ են՝ հիանալի մոտիվացիայով։ Կարելի է ասել, որ նրանք Հնդկաստանի լավագույն վարպետների հետ նույն մակարդակի վրա են: Մի քանի հայեր աշխատում են նաև մեր կորպորացիայում։ Երբ իմացան, որ գործարան ենք բացում Հայաստանում, շատերն ուզեցան գալ, և մենք կօգնենք նրանց այդ հարցում», - ասաց Ջայնը։
Ռուսաստանից կհրավիրվեն նաև ոչ հայ վարպետներ, ևս մի քանի մասնագետ էլ Հնդկաստանից կգա։
Ինչն է փոխում տեխնոլոգիան
Իր հզորության գագաթնակետին՝ 2000-ականների կեսերին, ադամանդի մշակման հայկական արդյունաբերությունը տարեկան ավելի քան 200 մլն դոլարի ապրանք էր արտահանում (այն ժամանակ, ինչպես և հիմա, գործարաններն աշխատում էին ներկրվող ադամադների վրա, որոնք այստեղ մշակվում և արտահանվում էին արտերկիր)։
Այնուամենայնիվ, 2007-08 թվականներին արտադրության և արտահանման ծավալները դանդաղել են, երբ հայկական դրամիփոխարժեքը կտրուկ աճել է դոլարի ու եվրոյի նկատմամբ։ Դա մեծապես նվազեցրել է հայկական ապրանքների մրցունակությունը։ Այս ֆոնին ոչ բոլոր գործարաններն են ներդրումներ կատարել՝ նոր սարքավորումներ ձեռք բերելով:
Մեկ այլ պատճառ էլ հնդկական գործարաններն էին, որոնք այդ ժամանակ սկսեցին ընդլայնել արտադրությունը՝ խաղադրույք կատարելով էժան աշխատուժի վրա: Բայց տարիների ընթացքում դրանք աստիճանաբար նոր սարքավորումներ ձեռք բերեցին, ապա հնդիկ ինժեներները սկսեցին ինքնուրույն արտադրանք տալ։ Արտադրողականությունը սկսել է աճել, դրա հետ մեկտեղ՝ նաև աշխատավարձերը, այդ պատճառով հիմա դրանք մոտավորապես նույնն են, ինչ Հայաստանում։
«Այսինքն՝ այստեղ աշխատավարձերը բիզնեսի տեսանկյունից բավականին հարմար են, մնում է բարձրացնել արտադրողականությունը», - ավելացրեց Ջայնը:
Վերջին տարիներին Հայաստանից ադամանդի արտահանումը կազմել է տարեկան մոտ 100-120 մլն դոլար։ 2022-ին այն աճել է մինչև 400 մլն դոլարի։ Այս աճի զգալի մասը տեղի է ունեցել ռուսական քարերի վերաարտահանման շնորհիվ։ Այնուամենայնիվ, տեղական արտադրությունն այնքան էլ փոքր չէ, թեև ամենուր չէ, որ հագեցած է նոր սերնդի սարքավորումներով։
Ջայնն ավելացրեց, որ թեև ոչ բոլոր հայ մասնագետներն են աշխատել դրա վրա, սակայն նրանց կարելի է արագ սովորեցնել, քանի որ ընդհանուր պատկերացում ունեն, թե ինչ է ադամանդը և ինչպես աշխատել դրա հետ:
«Դրա համար էլ եկել ենք այստեղ: Այստեղ նման գիտելիքներով շատ մասնագետներ կան։ Բացի այդ, շատերն ուզում են աշխատել մեր արդյունաբերության մեջ, այդ թվում նաև երիտասարդները: Որոշ երկրներում նրանք նախընտրում են ՏՏ կամ հյուրանոցային ոլորտները, բայց Հայաստանում ադամանդի մշակումը նույնպես լավ կարիերա է համարվել և համարվում», - ավելացրեց նա։
Գործարանում կլինեն նաև ուսումնական հարթակներ պրակտիկանտների համար, որոնք հետո կկարողանան աշխատանքի ընդունվել։ Նա ավելացրեց, որ KGK Group-ը նման բան անում է նաև Հնդկաստանում, Ռուսաստանում և այլ երկրներում։
Գործարանը կկենտրոնանա խոշոր ադամանդների մշակման վրա (1 կարատ և ավելի), իսկ դրանք կգնի «Ալռոսա» կոնցեռնից, DeBeers-ից և Դուբայի ու Հոնկոնգի ադամանդային բորսաներից: Արտահանումն իրականացվելու է ամբողջ աշխարհում, ընկերության 19 վաճառքի գրասենյակների միջոցով։
