https://arm.sputniknews.ru/20230305/hajtni-shvoumeny-patmel-e-hajkakan-harsaniqneri-ev-pvoqr-erkri-aravelutjunneri-masin-56203808.html
Հայտնի շոումենը պատմել է հայկական հարսանիքների և փոքր երկրի առավելությունների մասին
Հայտնի շոումենը պատմել է հայկական հարսանիքների և փոքր երկրի առավելությունների մասին
Sputnik Արմենիա
Ինչպիսի խաղեր կազմակերպել հարսանիքների ժամանակ, ինչպես է լինում, որ լավ ձայնն ու խոսքը մեծ նշանակություն են ունենում մարդու կյանքում: Այս և այլ թեմաների մասին... 05.03.2023, Sputnik Արմենիա
2023-03-05T19:50+0400
2023-03-05T19:50+0400
2023-03-05T19:50+0400
տեսանյութ
տեսանյութեր
շոու
հարսանիք
թամադա
https://cdn.am.sputniknews.ru/img/07e7/02/16/55753353_0:69:1600:970_1920x0_80_0_0_2619782c6af63fdc6ae0d6be124cf221.jpg
Լիլիթ Հարությունյան, Sputnik Արմենիա․ Գրեթե 15 տարի է՝ Ռուբեն Մխիթարյանը միջոցառումներ ու հարսանիքներ է վարում և արդեն մի քանի տարի շարունակ ներառվում է Ռուսաստանի լավագույն հաղորդավարների հարյուրյակում (36-րդ հորիզոնականում է)։ Եթե խոսենք բուն հարսանիքների մասին, Ռուբենը հիմնականում հայկականներն է վարում, բայց ոչ միայն Հայաստանում, այլև Ռուսաստանում և Եվրոպայի որոշ երկրներում։Պրոֆեսիոնալ թամադան խոստովանում է, որ անկախ այն բանից, թե որ երկրում է անցկացվում հանդիսությունը, հայկական հարսանիքները մեծամասամբ բավականին նման են միմյանց։Ռուբենը խոստովանում է, որ իր վարած ամենամեծ հարսանիքին 650-700 հյուր է եղել։ Միջոցառումը ջավախքցիներն էին կազմակերպել Մոսկվայի հյուրանոցներից մեկի յոթերորդ հարկում։«Իսկ նրանք ախր շուրջպար են շատ սիրում։ Հյուրանոցը հատակը բառացիորեն ցնցվում էր նրանց ոտքերի տակ»,-պատմում է հանդիսավարը։Ինչո՞ւ էին Հայաստանում հարսի գլխին եռացրած ջուր լցնում․ հարսանեկան հին ու նոր ավանդույթներԱմառվա ծրագրերում նա գրեթե հավասար թվով միջոցառումներ ունի Հայաստանում և Ռուսաստանում։Ռուբենը ուշադրություն է հրավիրում մի հետաքրքիր օրինաչափության վրա․ աշխարհի տարբեր երկրներում ապրող հայերը փորձում են հարսանիքը պատմական հայրենիքում կազմակերպել։Այդ միջոցառումները, նրա խոսքով, սովորաբար կազմակերպում են այն ընկերությունները, որոնք ամբողջությամբ տեղափոխվել են Հայաստան, բայց կան և այնպիսիք, որոնք պարզապես գալիս են Երևանում մի քանի օրով գործարար համաժողովներ անցկացնելու, իսկ հետո իրենց աշխատակիցների համար գալա ընթրիքներ են կազմակերպում:Ռուբենը խոստովանում է, որ արդեն սովորել է երկու երկրների «միջակայքում» ապրել, և դա իրեն նույնիսկ դուր է գալիս։ Պատմելով հսկայական Ռուսաստանի առջև փոքրիկ Հայաստանի առավելությունների մասին՝ նա նշում է, որ այստեղ ավելի հեշտ է բնության գրկում հանգստանալու գնալ, մինչդեռ Ռուսաստանում դա ավելի շատ ժամանակ է պահանջում։Լավ խորովածանոց կլինի. Ծաղկաձորի, Արզնիի, Լոռու անտառները վարձակալության են տրվում«Որովհետև Ռուսաստանում իսկապես հեռավորություններ են։ Այնտեղ քեզ մեկ-երկու շաբաթ է պետք, որ որևէ տեղ գնաս, նայես։ Իսկ այստեղ ուղղակի մեքենա նստեցիր ու գնացիր: Մեկ-մեկուկես ժամը Մոսկվայում տնից մինչև որևէ տեղ գնալու ստանդարտ ժամանակն է, իսկ այստեղ ժամ-ժամուկես, և արդեն գեղեցկություններ են, բնապատկերներ․․․»,-ասում է նա։Հարցազրույցի ամբողջական տարբերակը դիտեք տեսանյութում։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
տեսանյութ, տեսանյութեր, շոու, հարսանիք, թամադա, видео
տեսանյութ, տեսանյութեր, շոու, հարսանիք, թամադա, видео
Հայտնի շոումենը պատմել է հայկական հարսանիքների և փոքր երկրի առավելությունների մասին
Էքսկլյուզիվ
Ինչպիսի խաղեր կազմակերպել հարսանիքների ժամանակ, ինչպես է լինում, որ լավ ձայնն ու խոսքը մեծ նշանակություն են ունենում մարդու կյանքում: Այս և այլ թեմաների մասին է Sputnik Արմենիային տված հարցազրույցում պատմել հայտնի հաղորդավար Ռուբեն Մխիթարյանը։
Լիլիթ Հարությունյան, Sputnik Արմենիա․ Գրեթե 15 տարի է՝ Ռուբեն Մխիթարյանը միջոցառումներ ու հարսանիքներ է վարում և արդեն մի քանի տարի շարունակ ներառվում է Ռուսաստանի լավագույն հաղորդավարների հարյուրյակում (36-րդ հորիզոնականում է)։ Եթե խոսենք բուն հարսանիքների մասին, Ռուբենը հիմնականում հայկականներն է վարում, բայց ոչ միայն Հայաստանում, այլև Ռուսաստանում և Եվրոպայի որոշ երկրներում։
Պրոֆեսիոնալ թամադան խոստովանում է, որ անկախ այն բանից, թե որ երկրում է անցկացվում հանդիսությունը, հայկական հարսանիքները մեծամասամբ բավականին նման են միմյանց։
«Եթե հայկական հարսանիքի մասին ենք խոսում կամ նույնիսկ ազգամիջյան հարսանիքի, որտեղ ամուսնացողներից մեկը հայ է, ապա առանձնապես տարբերություն չկա։ Կարող են երաժշտության, հյուրերի քանակի, ձևաչափի որոշ տարբերություններ լինել։ Մեկը խիստ ավանդական հարսանիք է ուզում՝ մեղր, լավաշ, ափսեներ, մյուսը՝ 30-հոգանոց հարսանեկան ընթրիք»,-պատմում է նա։
Ռուբենը խոստովանում է, որ իր վարած ամենամեծ հարսանիքին 650-700 հյուր է եղել։ Միջոցառումը ջավախքցիներն էին կազմակերպել Մոսկվայի հյուրանոցներից մեկի յոթերորդ հարկում։
«Իսկ նրանք ախր շուրջպար են շատ սիրում։ Հյուրանոցը հատակը բառացիորեն ցնցվում էր նրանց ոտքերի տակ»,-պատմում է հանդիսավարը։
Ամառվա ծրագրերում նա գրեթե հավասար թվով միջոցառումներ ունի Հայաստանում և Ռուսաստանում։
Ռուբենը ուշադրություն է հրավիրում մի հետաքրքիր օրինաչափության վրա․ աշխարհի տարբեր երկրներում ապրող հայերը փորձում են հարսանիքը պատմական հայրենիքում կազմակերպել։
«Շատ լավ է, որ նրանք այստեղ են հավաքվում, քանի որ դա զարգացնում է տնտեսությունը, մշակույթը, զբոսաշրջությունը, որովհետև միջոցառման կազմակերպիչները սովորաբար էքսկուրսիաներ են կազմակերպում իրենց հյուրերի համար, մարդիկ զբոսնում են, ռեստորաններ են գնում, հուշանվերներ են գնում։ Ի դեպ, կորպորատիվ միջոցառումները նույնպես այստեղ շատ են»,-ասում է մեր զրուցակիցը։
Այդ միջոցառումները, նրա խոսքով, սովորաբար կազմակերպում են այն ընկերությունները, որոնք ամբողջությամբ տեղափոխվել են Հայաստան, բայց կան և այնպիսիք, որոնք պարզապես գալիս են Երևանում մի քանի օրով գործարար համաժողովներ անցկացնելու, իսկ հետո իրենց աշխատակիցների համար գալա ընթրիքներ են կազմակերպում:
Ռուբենը խոստովանում է, որ արդեն սովորել է երկու երկրների «միջակայքում» ապրել, և դա իրեն նույնիսկ դուր է գալիս։ Պատմելով հսկայական Ռուսաստանի առջև փոքրիկ Հայաստանի առավելությունների մասին՝ նա նշում է, որ այստեղ ավելի հեշտ է բնության գրկում հանգստանալու գնալ, մինչդեռ Ռուսաստանում դա ավելի շատ ժամանակ է պահանջում։
«Որովհետև Ռուսաստանում իսկապես հեռավորություններ են։ Այնտեղ քեզ մեկ-երկու շաբաթ է պետք, որ որևէ տեղ գնաս, նայես։ Իսկ այստեղ ուղղակի մեքենա նստեցիր ու գնացիր: Մեկ-մեկուկես ժամը Մոսկվայում տնից մինչև որևէ տեղ գնալու ստանդարտ ժամանակն է, իսկ այստեղ ժամ-ժամուկես, և արդեն գեղեցկություններ են, բնապատկերներ․․․»,-ասում է նա։
Հարցազրույցի ամբողջական տարբերակը դիտեք տեսանյութում։
