https://arm.sputniknews.ru/20230308/mek-dramapanakvov-erjankutjun-erb-hashmandamutjunn-anhetanum-e-amur-yntaniqum-56320186.html

Մեկ դրամապանակով երջանկություն. երբ հաշմանդամությունն «անհետանում է» ամուր ընտանիքում

Մեկ դրամապանակով երջանկություն. երբ հաշմանդամությունն «անհետանում է» ամուր ընտանիքում

Sputnik Արմենիա

31-ամյա Անուշն իր կյանքում փակ դռների ու հիասթափության շատ է հանդիպել՝ տարբեր աշխատանքներ է կատարել՝ գումար վաստակելու ու աշխատունակությունն ապացուցելու համար... 08.03.2023, Sputnik Արմենիա

2023-03-08T16:31+0400

2023-03-08T16:31+0400

2023-03-09T12:48+0400

հաշմանդամ

ընտանիք

կին

գյումրի

https://cdn.am.sputniknews.ru/img/07e7/03/06/56321680_0:0:1600:901_1920x0_80_0_0_45cba56cb94fe6a843e0477ce0448e44.jpg

Բարեհամբույր ու ժպտերես Անուշին կարելի է հանդիպել աշխատավայրում՝ Գյումրու «Արեգակ» փուռ-սրճարանում: Երկրորդ կարգի հաշմանդամ է՝ ոսկրային հիվանդության պատճառով ձեռքերի սահմանափակ շարժունակություն ունի, բայց ինչպես ինքն է ասում, յուրաքանչյուր մարդ պետք է իր թերությունն առավելություն դարձնի ու երբեք չնահանջի:Եթե տարիներ առաջ Անուշ Մկրտչյանի համար խնդիրը ֆիզիկական դժվարությունից զատ նաև հոգեբանական բարդույթն էր, հիմա արդեն վերջինս վերացել է:Երկար փնտրտուքից հետո, սակայն, ըստ մասնագիտության աշխատանք չգտնելով՝ Անուշը որոշում է խոհարարություն սովորել։Այն պետք է գալիս, երբ մոր հետ տեղափոխվում են եղբոր մոտ՝ Ռուսաստան: Այնտեղ աշխատում է փոքրիկ ձեռնարկությունում, իսկ 2 տարի անց, վերադառնալով հայրենիք, ընկերների խորհրդով դիմում է «9 քայլ դեպի աշխատաշուկա» ծրագրին։Նոր աշխատանքը երկար սպասեցնել չի տալիս:Որոշ ժամանակ անց Անուշը ծանոթանում է ապագա ամուսնու հետ։ Միշա Ասոյանը, ով ևս երկրորդ կարգի հաշմանդամ է, «Էմիլի Արեգակ» բազմակի հաշմանդամություն ունեցող անձանց կենտրոնում աշխատում էր որպես այգեպան: Հաճախակի սրճարան այցելող Միշան տեսնելով ժպտադեմ Անուշին՝ սիրահարվում է ու ամուսնության առաջարկություն անում: Տարածաշրջանում առաջինն ու միակը․ բեմում են հաշմանդամություն ունեցող ու չունեցող արտիստներըԶույգի ընդհանուր որոշմամբ հարսանիք չի լինում: «Ես էլ, ամուսինս էլ ռոմանտիկ չենք, ռեալիստ ենք՝ էդ հարսանիքը մեզ ֆինանսական խնդիրներ կբերեր, դրա համար որոշեցինք խնայել ու հարսանիք չանել»,-ասում է Անուշը։ Շատ ընդհանրություններ ունեն, իսկ ամենակարևորը՝ միմյանց անմնացորդ հավատում են: «Նույնիսկ երկուսով մեկ դրամապանակ ունենք, գումարն ընդհանուր է»,-ժպտում է Անուշը:Մինչ Անուշն աշխատում է «Արեգակ»-ում, ամուսինը գյուղատնտեսությամբ է զբաղվում՝ միասին կազմած ծրագիրը շահել են ու տնամերձ հողամասում կարտոֆիլ են մշակում, հավ պահում, առաջիկայում էլ նախատեսում են հացահատիկային ցանքատարածություն ունենալու համար դրամաշնորհային նոր ծրագրի դիմել: Չի թաքցնում՝ երազում է երեխայի ու իրենց առանձին՝ սեփական անկյունն ունենալու մասին:«Իմ ընկերներին ասում եմ՝ եթե ուզում ես հասարակության լիարժեք անդամ լինել, պետք է ինքդ քեզ այդպես զգաս, իսկ եթե մատուցեցիր քեզ որպես զոհ՝ հասարակությունը քեզ այդպիսին էլ կընդունի»,-ասում է Անուշը:Երիտասարդ աղջկա կարգախոսն է՝ հաջողության հասնելու համար առաջնայինը սեփական նպատակներին հավատալն է ու ամուր թիկունք ունենալը. հաշմանդամությունն այդ դեպքում «անհետանում» է։

գյումրի

2023

Լուրեր

am_HY

հաշմանդամ, ընտանիք, կին, գյումրի