https://arm.sputniknews.ru/20230315/pn-pashtvonatar-andzinq-otarel-en-zvoramasy-dardznelvov-ajn-hangsti-hamar-nakhatesvats-taratsq-56735034.html
ՊՆ պաշտոնատար անձինք օտարել են զորամասը` դարձնելով այն հանգստի համար նախատեսված տարածք
ՊՆ պաշտոնատար անձինք օտարել են զորամասը` դարձնելով այն հանգստի համար նախատեսված տարածք
Sputnik Արմենիա
Տարածքի սեփականատեր Գ.Վ–ն նշված հողատարածքը և շինությունները 158 մլն դրամով վաճառել է Կիպրոսի Հանրապետության քաղաքացի Է.Ա.-ին։ 15.03.2023, Sputnik Արմենիա
2023-03-15T11:05+0400
2023-03-15T11:05+0400
2023-03-15T11:06+0400
հհ պաշտպանության նախարարություն (պն)
գեղարքունիքի մարզ
զորամաս
վաճառք
հհ դատախազություն
հյուրանոց
կադաստրի կոմիտե
քրեական գործ
պաշտոնյա
https://cdn.am.sputniknews.ru/img/07e6/06/10/43590296_15:183:1586:1067_1920x0_80_0_0_8b3e83c7475872813742eba0fd51aa1b.jpg
ԵՐԵՎԱՆ, 15 մարտի – Sputnik. ՊՆ պաշտոնատար անձիք 2012 թվականի նոյեմբերի 30-ին առուվաճառքի պայմանագրով օտարել են Գեղարքունիքի մարզի Բերդկունք համայնքում գտնվող զորամասը ՌԴ քաղաքացի Գ.Վ.-ին։ Այս մասին հայտնում է ՀՀ գլխավոր դատախազությունը։Օտարված տարածքի մեջ է մտնում զորանոցը՝ 1878.3 մ2, պահակատունը, շտաբը, էլեկտրական ենթակայանը, կաթսայատունը, պոմպակայանը՝ 370.1 մ2 մակերեսով և հատուկ նշանակության 1.9 հա հողամասը։Անշարժ գույքի՝ շինության և հողատարածքի վաճառքի գինը կազմել է 101 մլն 326 հազար դրամ:Գլխավոր դատախազությունից հայտնում են, որ 2012 թվականի դեկտեմբերի 3-ին և դեկտեմբերի 10-ին Գ.Վ.-ն դիմումներ է ներկայացրել Անշարժ գույքի կադաստրի պետական կոմիտեի աշխատակազմ` խնդրելով կատարել իրավունքի պետական գրանցում, սակայն կոմիտեն մերժել է իրավունքի պետական գրանցման վերաբերյալ դիմումները՝ հիմնավորելով, որ դրա հատուկ նշանակության հողատարածք է։«Գեղարքունիքի մարզի Բերդկունք համայնքի ավագանու 2013 թվականի օգոստոսի 27-ի թիվ 5 որոշմամբ, համայնքի գլխավոր հատակագծում կատարվել են փոփոխություններ. հողամասի «Հատուկ նշանակության հողեր» (ռազմական) նպատակային նշանակությունը փոփոխվել է՝ ստանալով «Հատուկ պահպանվող տարածքների հողեր» (հանգստի համար նախատեսված) նպատակային նշանակություն»,– ասված է հաղորդագրությունում:Նույն որոշմամբ` հողամասի վրա գտնվող «զորանոցի» գործառնական նշանակությունը փոխվել է «հյուրանոցի», իսկ «շտաբի» գործառնական նշանակությունը՝ «հյուրատան»:Կադաստրային գործում առկա է նաև Բերդկունք համայնքի ղեկավար Բ.Դ.-ի կողմից 2013 թվականին տրված տեղեկանք այն մասին, որ վերոնշյալ 1.73 հա (հողամասի չափը քարտեզագրման արդյունքում ճշգրտվել և նվազել է) հողամասը կառուցման և սպասարկման համար չի գտնվում ՀՀ հողային օրենսգրքի 60-րդ հոդվածով սահմանված սահմանափակումների ցանկում։Այսպիսով` կոմիտեի կողմից 2022 թվականի դեկտեմբերի 22-ին Գ.Վ.-ին տրվել է սեփականության իրավունք։Դատախազության կողմից ուսումնասիրության արդյունքները 2023 թվականի մարտի 10-ին ուղարկվել են Հակակոռուպցիոն կոմիտե՝ քրեական վարույթ նախաձեռնելու հարցը լուծելու համար:Մարտի 13-ին Հակակոռուպցիոն կոմիտեում նախաձեռնվել է քրեական վարույթ՝ ՀՀ քրեական օրենսգրքի 441-րդ հոդվածի 2-րդ մասին 2-րդ կետի հատկանիշներով` պաշտոնատար անձի կողմից իշխանական կամ ծառայողական լիազորությունները կամ դրանցով պայմանավորված ազդեցությունը չարաշահելը կամ լիազորություններն անցնելը, որի արդյունքում պատճառվել է առանձնապես խոշոր չափերի գույքային վնաս։
գեղարքունիքի մարզ
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հհ պաշտպանության նախարարություն (պն), գեղարքունիքի մարզ, զորամաս, վաճառք, հհ դատախազություն, հյուրանոց, կադաստրի կոմիտե, քրեական գործ, պաշտոնյա
հհ պաշտպանության նախարարություն (պն), գեղարքունիքի մարզ, զորամաս, վաճառք, հհ դատախազություն, հյուրանոց, կադաստրի կոմիտե, քրեական գործ, պաշտոնյա
ՊՆ պաշտոնատար անձինք օտարել են զորամասը` դարձնելով այն հանգստի համար նախատեսված տարածք
11:05 15.03.2023 (Թարմացված է: 11:06 15.03.2023) Տարածքի սեփականատեր Գ.Վ–ն նշված հողատարածքը և շինությունները 158 մլն դրամով վաճառել է Կիպրոսի Հանրապետության քաղաքացի Է.Ա.-ին։
ԵՐԵՎԱՆ, 15 մարտի – Sputnik. ՊՆ պաշտոնատար անձիք 2012 թվականի նոյեմբերի 30-ին առուվաճառքի պայմանագրով օտարել են Գեղարքունիքի մարզի Բերդկունք համայնքում գտնվող զորամասը ՌԴ քաղաքացի Գ.Վ.-ին։ Այս մասին
հայտնում է ՀՀ գլխավոր դատախազությունը։
Օտարված տարածքի մեջ է մտնում զորանոցը՝ 1878.3 մ2, պահակատունը, շտաբը, էլեկտրական ենթակայանը, կաթսայատունը, պոմպակայանը՝ 370.1 մ2 մակերեսով և հատուկ նշանակության 1.9 հա հողամասը։
Անշարժ գույքի՝ շինության և հողատարածքի վաճառքի գինը կազմել է 101 մլն 326 հազար դրամ:
Համաձայն առուվաճառքի պայմանագրի՝ նախարարության անունից ՀՀ ՊՆ աշխատակազմի ղեկավար Գ.Հ.-ի կողմից 2012 թվականի նոյեմբերի 13-ին տրված լիազորագրով` որպես լիազոր անձ, հանդես է եկել քաղաքացի Ա.Հ.-ն: Առուվաճառքի պայմանագիրը վավերացրել է Կենտրոն նոտարական տարածքի նոտար Ա.Ա.-ն:
Գլխավոր դատախազությունից հայտնում են, որ 2012 թվականի դեկտեմբերի 3-ին և դեկտեմբերի 10-ին Գ.Վ.-ն դիմումներ է ներկայացրել Անշարժ գույքի կադաստրի պետական կոմիտեի աշխատակազմ` խնդրելով կատարել իրավունքի պետական գրանցում, սակայն կոմիտեն մերժել է իրավունքի պետական գրանցման վերաբերյալ դիմումները՝ հիմնավորելով, որ դրա հատուկ նշանակության հողատարածք է։
«Գեղարքունիքի մարզի Բերդկունք համայնքի ավագանու 2013 թվականի օգոստոսի 27-ի թիվ 5 որոշմամբ, համայնքի գլխավոր հատակագծում կատարվել են փոփոխություններ. հողամասի «Հատուկ նշանակության հողեր» (ռազմական) նպատակային նշանակությունը փոփոխվել է՝ ստանալով «Հատուկ պահպանվող տարածքների հողեր» (հանգստի համար նախատեսված) նպատակային նշանակություն»,– ասված է հաղորդագրությունում:
Նույն որոշմամբ` հողամասի վրա գտնվող «զորանոցի» գործառնական նշանակությունը փոխվել է «հյուրանոցի», իսկ «շտաբի» գործառնական նշանակությունը՝ «հյուրատան»:
Կադաստրային գործում առկա է նաև Բերդկունք համայնքի ղեկավար Բ.Դ.-ի կողմից 2013 թվականին տրված տեղեկանք այն մասին, որ վերոնշյալ 1.73 հա (հողամասի չափը քարտեզագրման արդյունքում ճշգրտվել և նվազել է) հողամասը կառուցման և սպասարկման համար չի գտնվում ՀՀ հողային օրենսգրքի 60-րդ հոդվածով սահմանված սահմանափակումների ցանկում։
Այսպիսով` կոմիտեի կողմից 2022 թվականի դեկտեմբերի 22-ին Գ.Վ.-ին տրվել է սեփականության իրավունք։
Մի քանի օր անց` դեկտեմբերի 28-ին, Գ.Վ.-ն նշված հողատարածքը և շինությունները 158 մլն դրամով վաճառել է Կիպրոսի Հանրապետության քաղաքացի Է.Ա.-ին, այն դեպքում, երբ Սահմանադրությամբ արգելվում է Հայաստանում օտարերկրյա քաղաքացիների, քաղաքացիություն չունեցող անձանց կողմից հողի նկատմամբ սեփականության իրավունք ունենալը (բացառություն են կազմում միայն ՀՀ-ում կացության հատուկ կարգավիճակ ունեցող անձինք):
Դատախազության կողմից ուսումնասիրության արդյունքները 2023 թվականի մարտի 10-ին ուղարկվել են Հակակոռուպցիոն կոմիտե՝ քրեական վարույթ նախաձեռնելու հարցը լուծելու համար:
Մարտի 13-ին Հակակոռուպցիոն կոմիտեում նախաձեռնվել է քրեական վարույթ՝ ՀՀ քրեական օրենսգրքի 441-րդ հոդվածի 2-րդ մասին 2-րդ կետի հատկանիշներով` պաշտոնատար անձի կողմից իշխանական կամ ծառայողական լիազորությունները կամ դրանցով պայմանավորված ազդեցությունը չարաշահելը կամ լիազորություններն անցնելը, որի արդյունքում պատճառվել է առանձնապես խոշոր չափերի գույքային վնաս։
