ՌՈւԵ–ի հայաստանյան թեմը գրանցման փաստաթղթեր է ներկայացրել արդարադատության նախարարություն

© PhotoԱրխիվային լուսանկար
Արխիվային լուսանկար - Sputnik Արմենիա, 1920, 15.03.2023
Արխիվային լուսանկար
Բաժանորդագրվեք
НовостиTelegram
Ռուս ուղղափառ եկեղեցու (ՌՈւԵ) Սրբազան սինոդը Հայաստանում թեմ ձևավորելու որոշում էր կայացրել 2021 թվականի հոկտեմբերին։
ԵՐԵՎԱՆ, 15 մարտի – Sputnik. ՌՈւԵ–ի հայաստանյան թեմը ՀՀ արդարադատության նախարարություն փաստաթղթեր է ներկայացրել պետական գրանցում ստանալու համար։ Այս մասին հայտնում է ՏԱՍՍ–ը։
Երևան-Հայաստանյան թեմի ժամանակավոր ղեկավարը Աֆրիկայի պատրիարքական էկզարխ, միտրոպոլիտ Լեոնիդ Կլինսկին է։ Ռուս ուղղափառ եկեղեցու (ՌՈւԵ) Սրբազան սինոդը Հայաստանում թեմ ձևավորելու որոշում էր կայացրել 2021 թվականի հոկտեմբերին։
Հայաստանի օրենսդրության համաձայն` գրանցման գործընթացը մինչև մեկ ամիս է տևում։
Միտրոպոլիտ Լեոնիդը օրեր առաջ Հայաստան էր ժամանել, Երևանում պատարագ էր մատուցել, զրուցել հոգևորականների և հավատացյալների հետ, իսկ մարտի 13-ին հանդիպել էր Ամենայն հայոց կաթողիկոս Գարեգին Բ–ի հետ։
Ավելի վաղ Գարեգին Բ–ն ողջունել էր Հայաստանում Ռուս ուղղափառ եկեղեցու ներկայացուցչության բացումը, փաստելով, որ ցավոք, հարցը ձգձգվում է։ Միտրոպոլիտ Լեոնիդն իր հերթին Հայաստան այցելելուց հետո իր տելեգրամյան ալիքում գրել էր, որ վերջապես երկար ժամանակ անց հաջողվել է ընդհանուր հայտարարի բերել թեմի կանոնադրությունը` հաշվի առնելով ՀՀ–ի Սահմանադրությունը։
Լրահոս
0