https://arm.sputniknews.ru/20230322/ukrainajin-aghqatacvats-uranvov-zenqi-matakararumy-rdin-netvats-dzernoc-e-pvordzaget-57081804.html
Ուկրաինային աղքատացված ուրանով զենքի մատակարարումը ՌԴ–ին նետված ձեռնոց է. փորձագետ
Ուկրաինային աղքատացված ուրանով զենքի մատակարարումը ՌԴ–ին նետված ձեռնոց է. փորձագետ
Sputnik Արմենիա
Ռազմաքաղաքական փորձագետ Հայկ Նահապետյանը Sputnik Արմենիայի եթերում անդրադարձել է Մեծ Բրիտանիայի կողմից Ուկրաինային աղքատացված ուրանով զինամթերք փոխանցելու... 22.03.2023, Sputnik Արմենիա
2023-03-22T23:27+0400
2023-03-22T23:27+0400
2023-03-22T23:27+0400
ուկրաինա
ռադիո
ուրան
մեծ բրիտանիա
փորձագետ
ամն
ռուսաստան
պոդկաստ
https://cdn.am.sputniknews.ru/img/07e7/03/16/57079214_0:142:2790:1711_1920x0_80_0_0_8181100a9d885e94c80a55be5a7eb353.jpg
Ուկրաինային աղքատացված ուրանով սպառազինության մատակարարումը ՌԴ–ին նետված ձեռնոց է
Sputnik Արմենիա
Ուկրաինային աղքատացված ուրանով սպառազինության մատակարարումը ՌԴ–ին նետված ձեռնոց է
Փաստ է, որ աղքատացված ուրանով սպառազինության կիրառման ժամանակ միջուկային տարր է օգտագործվում, և եթե նման բան կիրառվի ռուս–ուկրաինական կոնֆլիկտում, ապա նոր թափ, իմաստ և որակ կհաղորդվի հակամարտությանը։ Sputnik Արմենիայի հետ զրույցում այս տեսակետը հայտնեց ռազմաքաղաքական փորձագետ Հայկ Նահապետյանը։Ավելի վաղ Մեծ Բրիտանիայի պաշտպանության փոխնախարար Անաբել Գոլդին հայտարարել էր, որ Բրիտանիան Ուկրաինային աղքատացված ուրանով զինամթերք կփոխանցի: Ռուսաստանի նախագահ Վլադիմիր Պուտինը հակադարձել էր` ասելով, որ եթե հավաքական Արևմուտքը սկսի միջուկային բաղադրիչով զենք կիրառել, ապա Ռուսաստանը ստիպված կլինի արձագանքել: Նրա կարծիքով` Մեծ Բրիտանիան, սակայն, հրաշալի գիտակցում է, որ միաբևեռ աշխարհն արդեն փլուզվում է, և հենց այդ ֆոնին Մոսկվայում կայացավ երկու գերտերությունների` Ռուսաստանի և Չինաստանի նախագահների հանդիպումը։«Պատահական չէ, որ Մեծ Բրիտանիան վերոհիշյալ հայտարարությամբ հանդես եկավ Վլադիմիր Պուտինի և Սի Ծինփինի հանդիպման նախօրեին։ Ակնհայտ է, որ էսկալացիան ավելի մեծ թափ է հավաքելու, քանի որ Արևմուտքն ամեն կերպ փորձում է պահպանել միաբևեռ աշխարհակարգը»,– ասաց մեր զրուցակիցը։Անդրադառնալով Վաշինգտոնից հնչած հայտարարությանը, որ ԱՄՆ–ն, ի տարբերություն Մեծ Բրիտանիայի, չի պատրաստվում աղքատացված ուրանով սպառազինություն տրամադրել Ուկրաինային, Նահապետյանն ընդգծեց, որ դա հերթական կեղծիքն է։Փորձագետը հիշեցրեց ՌԴ–ի պաշտոնական դիրքորոշումը, ըստ որի` Մոսկվան պատրաստ է միջուկային հակահարված հասցնել ոչ միայն իր անվտանգությանը սպառնացող երկրներին, այլև նման որոշումներ կայացնող կենտրոններին, և այդպիսի հայտարարություններով Արևմուտքը պարզապես ազատություն է տալիս Ռուսաստանի ձեռքերին։Նշենք, որ Ռուսաստանն ավելի վաղ ՆԱՏՕ-ի երկրներին բողոքի նոտա էր հղել Ուկրաինային ռազմամթերք մատակարարելու համար։ ՌԴ ԱԳ նախարար Սերգեյ Լավրովը նշել էր, որ ցանկացած բեռ, որն Ուկրաինայի համար նախատեսված ռազմամթերք կպարունակի, Ռուսաստանի համար օրինական թիրախ կդառնա։ Կիևին ուրանով արկերի մատակարարումը համաշխարհային ողբերգության է տանում. Վոլոդին
ուկրաինա
մեծ բրիտանիա
ամն
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ուկրաինա, ուրան, մեծ բրիտանիա, փորձագետ, ամն, ռուսաստան, պոդկաստ, аудио
ուկրաինա, ուրան, մեծ բրիտանիա, փորձագետ, ամն, ռուսաստան, պոդկաստ, аудио
Ուկրաինային աղքատացված ուրանով զենքի մատակարարումը ՌԴ–ին նետված ձեռնոց է. փորձագետ
Ռազմաքաղաքական փորձագետ Հայկ Նահապետյանը Sputnik Արմենիայի եթերում անդրադարձել է Մեծ Բրիտանիայի կողմից Ուկրաինային աղքատացված ուրանով զինամթերք փոխանցելու թեմային։
Փաստ է, որ աղքատացված ուրանով սպառազինության կիրառման ժամանակ միջուկային տարր է օգտագործվում, և եթե նման բան կիրառվի ռուս–ուկրաինական կոնֆլիկտում, ապա նոր թափ, իմաստ և որակ կհաղորդվի հակամարտությանը։
Sputnik Արմենիայի հետ զրույցում այս տեսակետը հայտնեց ռազմաքաղաքական փորձագետ Հայկ Նահապետյանը։
Ավելի վաղ Մեծ Բրիտանիայի պաշտպանության փոխնախարար Անաբել Գոլդին հայտարարել էր, որ Բրիտանիան Ուկրաինային աղքատացված ուրանով զինամթերք կփոխանցի: Ռուսաստանի նախագահ
Վլադիմիր Պուտինը հակադարձել էր` ասելով, որ եթե հավաքական Արևմուտքը սկսի միջուկային բաղադրիչով զենք կիրառել, ապա Ռուսաստանը ստիպված կլինի արձագանքել:
«Աղքատացված ուրան պարունակող պարկուճներ, օրինակ, ԱՄՆ–ն ժամանակին կիրառել է Վիետնամում, Իրաքում, Հարավսլավիայում։ Այդ պարկուճներն անշուշտ հետևանքներ թողնում են` առաջացնելով հզոր պայթյուն, որոնց արդյունքում ավելի հեշտ են խոցվում ռազմական մեքենաների զրահները։ Փաստորեն Ռուսաստանին ձեռնոց է նետված, քանի որ միջուկային մարտագլխիկների օգտագործումը հակամարտության սահմանները բավականին կմեծացնի, իսկ Ռուսաստանն այդ քայլին անպայման կպատասխանի»,– ասաց Նահապետյանը։
Նրա կարծիքով` Մեծ Բրիտանիան, սակայն, հրաշալի գիտակցում է, որ միաբևեռ աշխարհն արդեն փլուզվում է, և հենց այդ ֆոնին Մոսկվայում կայացավ երկու գերտերությունների` Ռուսաստանի և Չինաստանի նախագահների հանդիպումը։
«Պատահական չէ, որ Մեծ Բրիտանիան վերոհիշյալ հայտարարությամբ հանդես եկավ Վլադիմիր Պուտինի և Սի Ծինփինի հանդիպման նախօրեին։ Ակնհայտ է, որ էսկալացիան ավելի մեծ թափ է հավաքելու, քանի որ Արևմուտքն ամեն կերպ փորձում է պահպանել միաբևեռ աշխարհակարգը»,– ասաց մեր զրուցակիցը։
Անդրադառնալով Վաշինգտոնից հնչած հայտարարությանը, որ ԱՄՆ–ն, ի տարբերություն Մեծ Բրիտանիայի, չի պատրաստվում աղքատացված ուրանով սպառազինություն տրամադրել Ուկրաինային, Նահապետյանն ընդգծեց, որ դա հերթական կեղծիքն է։
«Ռուս–ուկրաինական հակամարտությունն իրականում Ռուսաստանի դեմ հավաքական Արևմուտքի և նրա ռազմաքաղաքական դաշինքի` ՆԱՏՕ–ի կողմից է վարվում։ Տեղի է ունեցել ուղղակի դերերի վերաբաշխում, և ԱՄՆ–ն պատասխանատվության ամբողջ բեռը դնում է Մեծ Բրիտանիայի վրա, որն իր հերթին ընդամենը մի օղակն է տվյալ բախումը հրահրելու, եվրոպական երկրների տնտեսությունները ոչնչացնելու և Ռուսաստանի ներսում պայթյուն առաջացնելու գործում, որպեսզի ռուս ժողովրդին հանեն սեփական իշխանությունների դեմ»,– ասաց Նահապետյանը։
Փորձագետը հիշեցրեց ՌԴ–ի պաշտոնական դիրքորոշումը, ըստ որի` Մոսկվան պատրաստ է միջուկային հակահարված հասցնել ոչ միայն իր անվտանգությանը սպառնացող երկրներին, այլև նման որոշումներ կայացնող կենտրոններին, և այդպիսի հայտարարություններով Արևմուտքը պարզապես ազատություն է տալիս Ռուսաստանի ձեռքերին։
Նշենք, որ Ռուսաստանն ավելի վաղ ՆԱՏՕ-ի երկրներին բողոքի նոտա էր հղել Ուկրաինային ռազմամթերք մատակարարելու համար։ ՌԴ ԱԳ նախարար Սերգեյ Լավրովը նշել էր, որ ցանկացած բեռ, որն Ուկրաինայի համար նախատեսված ռազմամթերք կպարունակի, Ռուսաստանի համար օրինական թիրախ կդառնա։
