https://arm.sputniknews.ru/20230328/viktvor-svoghvomvonjany-lratvamijvoc-e-steghtsum-na-3-himnakan-npatak-uni-past-57345790.html
Վիկտոր Սողոմոնյանը լրատվամիջոց է ստեղծում, նա 3 հիմնական նպատակ ունի. «Փաստ»
Վիկտոր Սողոմոնյանը լրատվամիջոց է ստեղծում, նա 3 հիմնական նպատակ ունի. «Փաստ»
Sputnik Արմենիա
ՀՀ երկրորդ նախագահի գրասենյակի նախկին ղեկավարը նշել է, որ նախապատրաստական աշխատանքներն արդեն մեկնարկել են, հուսով է, որ մայիսին կներկայանան ընթերցողների ու... 28.03.2023, Sputnik Արմենիա
2023-03-28T13:40+0400
2023-03-28T13:40+0400
2023-03-28T13:48+0400
հայաստան
վիկտոր սողոմոնյան
կայք
զլմ
https://cdn.am.sputniknews.ru/img/1351/74/13517407_0:0:1600:901_1920x0_80_0_0_671c998fbd3d90d312c4c8f2042d6eb9.jpg
ԵՐԵՎԱՆ, 28 մարտի – Sputnik. Քաղաքական գիտությունների դոկտոր, Մոսկվայի միջազգային հարաբերությունների պետական ինստիտուտի պրոֆեսոր Վիկտոր Սողոմոնյանը պատրաստվում է լրատվամիջոց բացել։ Նա այդ մասին ասել է «Փաստ» օրաթերթի հետ զրույցում։Ըստ Սողոմոնյանի` երկրորդ նպատակն է ստեղծել մի բարձրակարգ, հայության կյանքն ու հիմնախնդիրները լուսաբանող այնպիսի լրատվամիջոց, որտեղ կբացառվեն բամբասանքն ու ատելության խոսքը։ Նրա խոսքով` անցած տարիներին մեծապես հենց այդ երևույթներն են բաժանել ու պառակտել մեզ։ Սողոմոնյանը վստահ է, որ հնարավոր է ունենալ սուր քննադատությունից չխուսափող, տարբեր քաղաքական տեսակետներ ներկայացնող, լայն մասսայականություն վայելող ու միևնույն ժամանակ լրագրողական կոռեկտ վարքագիծ ունեցող լրատվական։Իսկ երրորդն էլ լրագրության հնարավորինս բարձր որակի և լրագրողական փոխգործակցության սկզբունքորեն նոր մակարդակի ապահովումն է։ Նա նշել է,որ նախապատրաստական աշխատանքներն արդեն մեկնարկել են, և հուսով է, որ մայիսին կներկայանան ընթերցողների ու հեռուստադիտողների դատին։Ինչ վերաբերում է կայքի անվանմանը, ապա այդ մասին կհայտարարեն առաջիկայում։ Ի դեպ, թղթակցային կետեր են բացվել Մոսկվայում և Լոս Անջելեսում։Հարցին, թե ով է ֆինանսավորելու կայքի աշխատանքները, Սողոմոնյանը պատասխանել է, որ այս պահին որևէ հովանավոր չունի, սեփական միջոցներն առայժմ բավարար են։ «Բայց պրոդյուսերական երկարամյա փորձս թույլ է տալիս կարծել, որ կկարողանամ լուծել ֆինանսական խնդիրները։ Հուսով եմ` կհաջողվի ստեղծել տնտեսական իմաստով ինքնաբավ լրատվամիջոց»,– ավելացրել է նա։Հիշեցնենք` Վիկտոր Սողոմոնյանը 2008 թվականից ՀՀ երկրորդ նախագահ Ռոբերտ Քոչարյանի գրասենյակի ղեկավարն էր։ Այս տարվա փետրվարին հայտնի դարձավ, որ մարտից այլևս չի զբաղեցնելու այդ պաշտոնը։Մանրամասները՝ «Փաստ» օրաթերթի այսօրվա համարում։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, վիկտոր սողոմոնյան, կայք, զլմ
հայաստան, վիկտոր սողոմոնյան, կայք, զլմ
Վիկտոր Սողոմոնյանը լրատվամիջոց է ստեղծում, նա 3 հիմնական նպատակ ունի. «Փաստ»
13:40 28.03.2023 (Թարմացված է: 13:48 28.03.2023) ՀՀ երկրորդ նախագահի գրասենյակի նախկին ղեկավարը նշել է, որ նախապատրաստական աշխատանքներն արդեն մեկնարկել են, հուսով է, որ մայիսին կներկայանան ընթերցողների ու հեռուստադիտողների դատին։
ԵՐԵՎԱՆ, 28 մարտի – Sputnik. Քաղաքական գիտությունների դոկտոր, Մոսկվայի միջազգային հարաբերությունների պետական ինստիտուտի պրոֆեսոր Վիկտոր Սողոմոնյանը պատրաստվում է լրատվամիջոց բացել։ Նա այդ մասին ասել է
«Փաստ» օրաթերթի հետ զրույցում։
«Գործընկերներիս հետ միասին հիմնադրել եմ նոր լրատվամիջոց, նոր կայք, որն աշխատելու է նաև որպես ցանցային (ինտերնետային) հեռուստատեսություն։ Հիմնական նպատակներս երեքն են։ Առաջինը՝ փորձել ստեղծել մի լրատվամիջոց, որի հիմնական հերոսն ու հասցեատերը կլինի հայը՝ ապրելիս լինի Հայաստանում, Արցախում, թե աշխարհի որևէ երկրում։ Տարօրինակ է և սխալ, բայց մենք, ունենալով հսկայական սփյուռք, ժամանակակից մեդիաաշխարհում չունենք գեթ մեկ տեղեկատվական հարթակ, որտեղ հնարավոր կլինի ճանաչել իրար, հաղորդակցվել միմյանց հետ, քննարկել ազգային խնդիրներն ու հեռանկարները, թերթել մեր ժողովրդի պատմության նշանակալի էջերը»,–ասել է նա։
Ըստ Սողոմոնյանի` երկրորդ նպատակն է ստեղծել մի բարձրակարգ, հայության կյանքն ու հիմնախնդիրները լուսաբանող այնպիսի լրատվամիջոց, որտեղ կբացառվեն բամբասանքն ու ատելության խոսքը։ Նրա խոսքով` անցած տարիներին մեծապես հենց այդ երևույթներն են բաժանել ու պառակտել մեզ։ Սողոմոնյանը վստահ է, որ հնարավոր է ունենալ սուր քննադատությունից չխուսափող, տարբեր քաղաքական տեսակետներ ներկայացնող, լայն մասսայականություն վայելող ու միևնույն ժամանակ լրագրողական կոռեկտ վարքագիծ ունեցող լրատվական։
Իսկ երրորդն էլ լրագրության հնարավորինս բարձր որակի և լրագրողական փոխգործակցության սկզբունքորեն նոր մակարդակի ապահովումն է։ Նա նշել է,որ նախապատրաստական աշխատանքներն արդեն մեկնարկել են, և հուսով է, որ մայիսին կներկայանան ընթերցողների ու հեռուստադիտողների դատին։
Ինչ վերաբերում է կայքի անվանմանը, ապա այդ մասին կհայտարարեն առաջիկայում։ Ի դեպ, թղթակցային կետեր են բացվել Մոսկվայում և Լոս Անջելեսում։
Հարցին, թե ով է ֆինանսավորելու կայքի աշխատանքները, Սողոմոնյանը պատասխանել է, որ այս պահին որևէ հովանավոր չունի, սեփական միջոցներն առայժմ բավարար են։ «Բայց պրոդյուսերական երկարամյա փորձս թույլ է տալիս կարծել, որ կկարողանամ լուծել ֆինանսական խնդիրները։ Հուսով եմ` կհաջողվի ստեղծել տնտեսական իմաստով ինքնաբավ լրատվամիջոց»,– ավելացրել է նա։
Հիշեցնենք` Վիկտոր Սողոմոնյանը 2008 թվականից ՀՀ երկրորդ նախագահ Ռոբերտ Քոչարյանի գրասենյակի ղեկավարն էր։ Այս տարվա փետրվարին
հայտնի դարձավ, որ մարտից այլևս չի զբաղեցնելու այդ պաշտոնը։
Մանրամասները՝ «Փաստ» օրաթերթի այսօրվա համարում։
