https://arm.sputniknews.ru/20230329/em-ditvordakan-araqelutjuny-hetapndum-e-3-npatak-qaghaqagetn-asel-e-vorvonq-en-dranq-57402770.html
ԵՄ դիտորդական առաքելությունը հետապնդում է 3 նպատակ. քաղաքագետն ասել է` որոնք են դրանք
ԵՄ դիտորդական առաքելությունը հետապնդում է 3 նպատակ. քաղաքագետն ասել է` որոնք են դրանք
Sputnik Արմենիա
Քաղաքագետ, պաշտպանական քաղաքականության ոլորտի փորձագետ Դավիթ Հարությունովը Sputnik Արմենիայի եթերում անդրադարձել է ՀՀ–ում Եվրամիության դիտորդական առաքելության... 29.03.2023, Sputnik Արմենիա
2023-03-29T19:23+0400
2023-03-29T19:23+0400
2023-03-29T19:24+0400
ռադիո
պոդկաստ
եվրամիություն
դիտորդ
հայաստան
ադրբեջան
հայ-ադրբեջանական
սահման
https://cdn.am.sputniknews.ru/img/07e7/03/1d/57400995_0:52:700:446_1920x0_80_0_0_25db1b5717b84af92ae8ef7256bf715c.jpg
ՀՀ իշխանությունն ի սկզբանե ունեցել է բարձր կարծիք ԵՄ դիտորդական առաքելության մասին, քան իրականում կա․ Հարությունով
Sputnik Արմենիա
ՀՀ իշխանությունն ի սկզբանե ունեցել է բարձր կարծիք ԵՄ դիտորդական առաքելության մասին, քան իրականում կա․ Հարությունով
ՀՀ իշխանության ներկայացուցիչներն ի սկզբանե ունեցել են բարձր կարծիք Եվրամիության դիտորդական առաքելության վերաբերյալ, քան իրականում կա, որովհետև առաքելությունն իրավիճակի վրա ազդելու ներուժ չունի։ Sputnik Արմենիայի հետ զրույցում այս տեսակետը հայտնեց քաղաքագետ Դավիթ Հարությունովը` հավելելով, որ ճիշտ չէ այն տեսակետը, թե դիտորդները հենց սկզբից երաշխավորել են Հայաստանի անվտանգությունը։Նշենք, որ Հայաստանում Եվրամիության դիտորդական առաքելության ղեկավար Մարկուս Ռիտերը գերմանական Deutsche Welle թերթին տված հարցազրույցում ասել է, որ շատ հայեր կարծում են, թե Ադրբեջանը գարնանը կհարձակվի: Ըստ նրա` եթե դա տեղի չունենա, ուրեմն Եվրամիության դիտորդական առաքելությունն արդեն հաջողված կլինի։«Երբ Հայաստանում սկսեցին խոսել եվրոպական դիտորդների առաքելության մասին, շատ մեկնաբաններ ասում էին, որ այդ առաքելության լծակները սահմանափակ են, հետևաբար այն չի կարող լիարժեք կերպով ազդել իրավիճակի վրա կամ ընդհանրապես ինչ-որ բան երաշխավորել։ Ռիտերն ինքն էլ այդ մասին նշել է` հավելելով, որ իրենք ունեն միայն ՀՀ սահմանները դիտարկելու հնարավորություն և չեն կարող որևէ կերպ վերահսկել իրավիճակն ադրբեջանական կողմում, չեն կարող հետևել զինված ստորաբաժանումների տեղաշարժերին»,– ասաց Հարությունովը։«Եթե խոսք լիներ ոչ թե դիտորդական, այլ ԵՄ ռազմական ներկայության մասին, ապա այդ դեպքում առաքելությունը կունենար լուրջ խնդիրներ, որովհետև այդպիսի ներուժ չունեն և առհասարակ իրենք էլ նման հարց չեն բարձրացնում։ ԵՄ-ից կպահանջվեին մեծ ջանքեր, որպեսզի մեր տարածաշրջանում ապահովեին ռազմական լուրջ և արդյունավետ ներկայություն»,– նշեց մեր զրուցակիցը։Հարությունովի կարծիքով`Մարկուս Ռիտերը պարզապես ցանկացել է, որպեսզի իրատեսորեն գնահատեն իր ղեկավարած առաքելության հնարավորությունները և ակնարկել է, որ իրենք չունեն գործուն մեխանիզմներ` 100 տոկոսանոց արդյունավետությամբ զսպելու Ադրբեջանին։Հիշեցնենք, որ փետրվարի 20-ից Հայաստանում 2 տարվա մանդատով 100 հոգուց բաղկացած եվրոպական առաքելություն է տեղակայվել։ Թեև ԵՄ առաքելությունը համարվում է քաղաքացիական, բայց անդամներից 50–ը ժանդարմներ են։ԵՄ առաքելությունը կարևոր գործիք է, որը պետք է ծառայեցվի խաղաղության գործընթացին. Միրզոյան
ադրբեջան
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
եմ դիտորդներ ադրբեջանի մեխանիզմներ հարությունով
եմ դիտորդներ ադրբեջանի մեխանիզմներ հարությունով
ԵՄ դիտորդական առաքելությունը հետապնդում է 3 նպատակ. քաղաքագետն ասել է` որոնք են դրանք
19:23 29.03.2023 (Թարմացված է: 19:24 29.03.2023) Քաղաքագետ, պաշտպանական քաղաքականության ոլորտի փորձագետ Դավիթ Հարությունովը Sputnik Արմենիայի եթերում անդրադարձել է ՀՀ–ում Եվրամիության դիտորդական առաքելության ղեկավար Մարկուս Ռիտերի հայտարարությանը, որն առնչվում է ադրբեջանական նոր ագրեսիայի հավանականությանը։
ՀՀ իշխանության ներկայացուցիչներն ի սկզբանե ունեցել են բարձր կարծիք Եվրամիության դիտորդական առաքելության վերաբերյալ, քան իրականում կա, որովհետև առաքելությունն իրավիճակի վրա ազդելու ներուժ չունի։
Sputnik Արմենիայի հետ զրույցում այս տեսակետը հայտնեց քաղաքագետ Դավիթ Հարությունովը` հավելելով, որ ճիշտ չէ այն տեսակետը, թե դիտորդները հենց սկզբից երաշխավորել են Հայաստանի անվտանգությունը։
Նշենք, որ Հայաստանում Եվրամիության դիտորդական առաքելության ղեկավար Մարկուս Ռիտերը գերմանական Deutsche Welle թերթին տված հարցազրույցում ասել է, որ շատ հայեր կարծում են, թե Ադրբեջանը գարնանը կհարձակվի: Ըստ նրա` եթե դա տեղի չունենա, ուրեմն Եվրամիության դիտորդական առաքելությունն արդեն հաջողված կլինի։
«Երբ Հայաստանում սկսեցին խոսել եվրոպական դիտորդների առաքելության մասին, շատ մեկնաբաններ ասում էին, որ այդ առաքելության լծակները սահմանափակ են, հետևաբար այն չի կարող լիարժեք կերպով ազդել իրավիճակի վրա կամ ընդհանրապես ինչ-որ բան երաշխավորել։ Ռիտերն ինքն էլ այդ մասին նշել է` հավելելով, որ իրենք ունեն միայն ՀՀ սահմանները դիտարկելու հնարավորություն և չեն կարող որևէ կերպ վերահսկել իրավիճակն ադրբեջանական կողմում, չեն կարող հետևել զինված ստորաբաժանումների տեղաշարժերին»,– ասաց Հարությունովը։
Ի սկզբանե ՀՀ–ում Եվրամիության դիտորդական առաքելությունը հետապնդել է երեք նպատակ` ազդեցության տեսակետից մրցել Ռուսաստանի հետ, ինչ-որ կերպ զսպել Ադրբեջանին և սահմանագծին ունենալ տեղեկատվական աղբյուր։
«Եթե խոսք լիներ ոչ թե դիտորդական, այլ ԵՄ ռազմական ներկայության մասին, ապա այդ դեպքում առաքելությունը կունենար լուրջ խնդիրներ, որովհետև այդպիսի ներուժ չունեն և առհասարակ իրենք էլ նման հարց չեն բարձրացնում։ ԵՄ-ից կպահանջվեին մեծ ջանքեր, որպեսզի մեր տարածաշրջանում ապահովեին ռազմական լուրջ և արդյունավետ ներկայություն»,– նշեց մեր զրուցակիցը։
Հարությունովի կարծիքով`Մարկուս Ռիտերը պարզապես ցանկացել է, որպեսզի իրատեսորեն գնահատեն իր ղեկավարած առաքելության հնարավորությունները և ակնարկել է, որ իրենք չունեն գործուն մեխանիզմներ` 100 տոկոսանոց արդյունավետությամբ զսպելու Ադրբեջանին։
Հիշեցնենք, որ փետրվարի 20-ից Հայաստանում 2 տարվա մանդատով 100 հոգուց բաղկացած եվրոպական առաքելություն է տեղակայվել։ Թեև ԵՄ առաքելությունը համարվում է քաղաքացիական, բայց անդամներից 50–ը ժանդարմներ են։
