https://arm.sputniknews.ru/20230330/appa-i-azatakanacumic-varvordneri-56-tvokvosi-hamar-apahvovagrutjan-giny-knvazi-57454451.html
ԱՊՊԱ-ի ազատականացումը դրական քայլ է. «Վարորդի ընկեր» ՀԿ–ի նախագահ
ԱՊՊԱ-ի ազատականացումը դրական քայլ է. «Վարորդի ընկեր» ՀԿ–ի նախագահ
Sputnik Արմենիա
«Վարորդի ընկեր» ՀԿ նախագահ Տիգրան Քեյանը Sputnik Արմենիայի եթերում անդրադարձել է Հայաստանում ԱՊՊԱ համակարգի ազատականացման թեմային։ 30.03.2023, Sputnik Արմենիա
2023-03-30T23:54+0400
2023-03-30T23:54+0400
2023-04-26T14:29+0400
ապպա
տիգրան քեյան
վարորդ
ապահովագրություն
ռադիո
պոդկաստ
https://cdn.am.sputniknews.ru/img/07e7/03/1e/57454212_0:0:1600:901_1920x0_80_0_0_6d1fd5d2810bad0bc147df39c3e88983.jpg
Քեյան. ԱՊՊԱ համակարգի ազատականացումը շուկայի զարգացման և նորմալ աշխատանքի հիմքեր է ստեղծում
Sputnik Արմենիա
Քեյան. ԱՊՊԱ համակարգի ազատականացումը շուկայի զարգացման և նորմալ աշխատանքի հիմքեր է ստեղծում
Հայաստանում ԱՊՊԱ շուկան ավելի զարգացնելու նպատակով պետությունը որոշել է համակարգը տալ մասնագիտացված կազմակերպությունների տնօրինմանը, ու այդ տեսանկյունից ազատականացումն անշուշտ դրական քայլ է։ Sputnik Արմենիայի հետ զրույցում այս տեսակետը հայտնեց «Վարորդի ընկեր» ՀԿ նախագահ Տիգրան Քեյանը։ՀՀ կառավարության այսօրվա նիստում ԿԲ նախագահ Մարտին Գալստյանը հայտնեց, որ ապրիլի 1-ից Հայաստանում կմեկնարկի ավտոապահովագրման սակագների ազատականացված համակարգը։Նրա կարծիքով` ազատականացումը ենթադրում է, որ յուրաքանչյուր ԱՊՊԱ ընկերություն հետայսու իր չափանիշներով է հաշվարկելու գնագոյացումը և սեփական առաջարկություններով է մտնելու շուկա, այսինքն` առաջնորդվելու է բացառապես իր մոդելով։ Արդեն իսկ կան ապահովագրական ընկերություններ, որոնք որոշել են իրենց հետ առցանց պայմանագրերի կնքման դեպքում վարորդներին առաջարկել 10-15 տոկոս զեղչ։«Նախկինում գործում էր ապահովագրության համար նախատեսված մեկ միասնական գին, հետայսու նման բան չի լինելու։ Ընկերությունները նախապես համաձայնության գալով ԱՊՊԱ բյուրոյի և ԿԲ–ի հետ` հրապարակելու են իրենց սակագները։ Ամբողջ գործընթացում ռիսկային խմբերը հաշվառելիս հիմնական շեշտը դրվելու է վարորդների անձնական պատմության վրա և ըստ այդմ էլ սահմանվելու են ապահովագրական գները, այսինքն` կարգապահ վարորդների համար կհաստատվեն ավելի նվազ սակագներ»,– ասաց մեր զրուցակիցը։Անդրադառնալով ապահովագրության գնման ընթացակարգը բացառապես մրցութային կարգով անցկացնելուն` Քեյանն ընդգծեց, որ ըստ էության մրցույթի կարիք էլ չկա, քանի որ նայելու են, թե ընկերություններից ով է ամենացածր սակագներն առաջարկելու, իսկ եթե լինեն նույն սակագինն առաջարկող մի քանի կազմակերպություններ, ապա ընտրության ժամանակ կկիրառվի, օրինակ, անվանական այբբենական կարգը կամ կառավարությունն ինքը կընտրի համապատասխան մոդելը։ ԱՊՊԱ համակարգն անհրաժեշտություն է, բայց Հայաստանում այն արդյունավետ չի գործում. ԽաչատրյանԻսկ խոսելով այն մասին, թե արդյոք ապահովագրական համակարգում մոնոպոլիզացիա չի լինի և ի հայտ չեն գա այսպես կոչված արտոնյալ ընկերություններ` Քեյանն ասաց, որ կազմակերպություններն այսպես թե այնպես ամբողջական ազատականացում չեն իրականացնելու, որպեսզի ցանկացած պահի ինչ գին ուզեն, այն էլ հրապարակեն։Նշենք, որ ազատականացված համակարգի գործարկմամբ ՀՀ ավտոսեփականատերերի 56 տոկոսի համար ապահովագրության գինը նվազելու է, 21 տոկոսի համար մնալու է նույնը, մնացած 33-ի համար` թանկանալու։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ապպա, տիգրան քեյան, վարորդ, ապահովագրություն, аудио, պոդկաստ
ապպա, տիգրան քեյան, վարորդ, ապահովագրություն, аудио, պոդկաստ
ԱՊՊԱ-ի ազատականացումը դրական քայլ է. «Վարորդի ընկեր» ՀԿ–ի նախագահ
23:54 30.03.2023 (Թարմացված է: 14:29 26.04.2023) «Վարորդի ընկեր» ՀԿ նախագահ Տիգրան Քեյանը Sputnik Արմենիայի եթերում անդրադարձել է Հայաստանում ԱՊՊԱ համակարգի ազատականացման թեմային։
Հայաստանում ԱՊՊԱ շուկան ավելի զարգացնելու նպատակով պետությունը որոշել է համակարգը տալ մասնագիտացված կազմակերպությունների տնօրինմանը, ու այդ տեսանկյունից ազատականացումն անշուշտ դրական քայլ է։
Sputnik Արմենիայի հետ զրույցում այս տեսակետը հայտնեց «Վարորդի ընկեր» ՀԿ նախագահ Տիգրան Քեյանը։
ՀՀ կառավարության այսօրվա նիստում ԿԲ նախագահ Մարտին Գալստյանը հայտնեց, որ ապրիլի 1-ից Հայաստանում կմեկնարկի ավտոապահովագրման սակագների ազատականացված համակարգը։
«Միջազգային փորձն էլ ցույց է տալիս, որ շատ երկրներ անցել են այս ճանապարհով։ Մեր ԱՊՊԱ ընկերություններն ասում են, որ համակարգը հանձնեն իրենց տնօրինությանը, որպեսզի ապահովեն մրցակցություն, առաջարկեն ավելի լավ պայմաններ, իրենք գնահատեն ռիսկերը և առաջարկելով մատչելի գներ` որակյալ կերպով սպասարկեն վարորդներին, որոնց արդարացված պահանջներն ու առաջ քաշած խնդիրներն այս օրենքով կարգավորվում են»,– ասաց Քեյանը։
Նրա կարծիքով` ազատականացումը ենթադրում է, որ յուրաքանչյուր ԱՊՊԱ ընկերություն հետայսու իր չափանիշներով է հաշվարկելու գնագոյացումը և սեփական առաջարկություններով է մտնելու շուկա, այսինքն` առաջնորդվելու է բացառապես իր մոդելով։ Արդեն իսկ կան ապահովագրական ընկերություններ, որոնք որոշել են իրենց հետ առցանց պայմանագրերի կնքման դեպքում վարորդներին առաջարկել 10-15 տոկոս զեղչ։
«Նախկինում գործում էր ապահովագրության համար նախատեսված մեկ միասնական գին, հետայսու նման բան չի լինելու։ Ընկերությունները նախապես համաձայնության գալով ԱՊՊԱ բյուրոյի և ԿԲ–ի հետ` հրապարակելու են իրենց սակագները։ Ամբողջ գործընթացում ռիսկային խմբերը հաշվառելիս հիմնական շեշտը դրվելու է վարորդների անձնական պատմության վրա և ըստ այդմ էլ սահմանվելու են ապահովագրական գները, այսինքն` կարգապահ վարորդների համար կհաստատվեն ավելի նվազ սակագներ»,– ասաց մեր զրուցակիցը։
Անդրադառնալով ապահովագրության գնման ընթացակարգը բացառապես մրցութային կարգով անցկացնելուն` Քեյանն ընդգծեց, որ ըստ էության մրցույթի կարիք էլ չկա, քանի որ նայելու են, թե ընկերություններից ով է ամենացածր սակագներն առաջարկելու, իսկ եթե լինեն նույն սակագինն առաջարկող մի քանի կազմակերպություններ, ապա ընտրության ժամանակ կկիրառվի, օրինակ, անվանական այբբենական կարգը կամ կառավարությունն ինքը կընտրի համապատասխան մոդելը։
Իսկ խոսելով այն մասին, թե արդյոք ապահովագրական համակարգում մոնոպոլիզացիա չի լինի և ի հայտ չեն գա այսպես կոչված արտոնյալ ընկերություններ` Քեյանն ասաց, որ կազմակերպություններն այսպես թե այնպես ամբողջական ազատականացում չեն իրականացնելու, որպեսզի ցանկացած պահի ինչ գին ուզեն, այն էլ հրապարակեն։
Նշենք, որ ազատականացված համակարգի գործարկմամբ ՀՀ ավտոսեփականատերերի 56 տոկոսի համար ապահովագրության գինը նվազելու է, 21 տոկոսի համար մնալու է նույնը, մնացած 33-ի համար` թանկանալու։
