https://arm.sputniknews.ru/20230403/ete-nkati-uni-hjd-karujcnerin-absurd-e-patgamavvory-pataskhanum-e-alen-simvonjanin-57627934.html
Եթե նկատի ունի ՀՅԴ կառույցներին, աբսուրդ է. պատգամավորը պատասխանում է Ալեն Սիմոնյանին
Եթե նկատի ունի ՀՅԴ կառույցներին, աբսուրդ է. պատգամավորը պատասխանում է Ալեն Սիմոնյանին
Sputnik Արմենիա
«Հայաստան» խմբակցության պատգամավոր Արթուր Խաչատրյանի խոսքով` ՀՅԴ–ն առկա խնդիրների համար առաջարկում է այլընտրանքային լուծումներ, ինչը նյարդայնացնում է... 03.04.2023, Sputnik Արմենիա
2023-04-03T19:41+0400
2023-04-03T19:41+0400
2023-04-03T20:12+0400
հայաստան
հայ յեղափոխական դաշնակցություն (հյդ)
արթուր խաչատրյան
ալեն սիմոնյան
https://cdn.am.sputniknews.ru/img/07e7/02/03/54769706_0:0:1505:847_1920x0_80_0_0_9c77e694ab365300143c67ae6789bac0.jpg
ՀՅԴ–ն Հայաստանում ամենամեծ և կազմակերպված քաղաքական ուժն է, որը դիմագրավում է ներկայիս իշխանությանը, այդ պատճառով էլ հայտնվել է իշխանության թիրախում։ Sputnik Արմենիայի հետ զրույցում այս տեսակետը հայտնեց ԱԺ «Հայաստան» խմբակցության պատգամավոր, ՀՅԴ անդամ Արթուր Խաչատրյանը` հակադարձելով ԱԺ նախագահի այն պնդմանը, թե իշխանության ներկայացուցիչների նկատմամբ կազմակերպված սադրանքների հետքերը տանում են Հայաստանից դուրս։ԱԺ նախագահ Ալեն Սիմոնյանը ֆեյսբուքյան իր էջում գրել է, որ երեկ հարձակման է ենթարկվել ՀՀ վարչապետ Նիկոլ Փաշինյանի որդին։ Սիմոնյանը հիշեցրել է օրերս ԱԺ–ում պետաիրավական հարցերի մշտական հանձնաժողովի նախագահ Վլադիմիր Վարդանյանի և «Հայաստան» խմբակցության դաշնակցական պատգամավոր Մհեր Սահակյանի միջև տեղի ունեցած միջադեպը, ինչպես նաև երեկ իր հետ Կասկադում տեղի ունեցած դեպքը, երբ, նրա խոսքով, դաշնակցական ոմն մեկն իրեն «դավաճան» է անվանել։ Ըստ Սիմոնյանի` այս ամենը կազմակերպված սադրանքների շարք է, որոնց հետքերը տանում են Հայաստանից դուրս։Նրա խոսքով` ՀՅԴ–ն կանգնած է այս իշխանության դեմ, որն էլ վտանգ է զգում ինստիտուցիոնալ առումով կայացած ընդդիմադիր ու ազդեցիկ քաղաքական ուժից, հետևաբար բոլոր հնարավոր և մտացածին մեղադրանքներն է ուղղում դաշնակցությանը` սադրանքներ կազմակերպելով ՀՅԴ ներկայացուցիչների հանդեպ։Խաչատրյանը հիշեցրեց, որ ՀՅԴ–ն միշտ էլ թիրախավորվել է իշխանությունների կողմից` սկսած խորհրդային ժամանակներից։ Նա նշեց, որ հետո Լևոն Տեր–Պետրոսյանի պաշտոնավարման ընթացքում բազմաթիվ դաշնակցականներ շինծու մեղադրանքներով հայտնվել են բանտերում, իսկ հիմա էլ Նիկոլ Փաշինյանն է շարունակում նույն գործը։Դաշնակցական պատգամավորի դիտարկմամբ` ՀՅԴ–ն ոչ միայն ընդդիմանում է գործող իշխանությանը, այլև առկա խնդիրների համար առաջարկում այլընտրանքային լուծումներ, ինչն էլ նյարդայնացնում է իշխանությանը։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, հայ յեղափոխական դաշնակցություն (հյդ), արթուր խաչատրյան, ալեն սիմոնյան
հայաստան, հայ յեղափոխական դաշնակցություն (հյդ), արթուր խաչատրյան, ալեն սիմոնյան
Եթե նկատի ունի ՀՅԴ կառույցներին, աբսուրդ է. պատգամավորը պատասխանում է Ալեն Սիմոնյանին
19:41 03.04.2023 (Թարմացված է: 20:12 03.04.2023) «Հայաստան» խմբակցության պատգամավոր Արթուր Խաչատրյանի խոսքով` ՀՅԴ–ն առկա խնդիրների համար առաջարկում է այլընտրանքային լուծումներ, ինչը նյարդայնացնում է իշխանությանը։
ՀՅԴ–ն Հայաստանում ամենամեծ և կազմակերպված քաղաքական ուժն է, որը դիմագրավում է ներկայիս իշխանությանը, այդ պատճառով էլ հայտնվել է իշխանության թիրախում։
Sputnik Արմենիայի հետ զրույցում այս տեսակետը հայտնեց ԱԺ «Հայաստան» խմբակցության պատգամավոր, ՀՅԴ անդամ Արթուր Խաչատրյանը` հակադարձելով ԱԺ նախագահի այն պնդմանը, թե իշխանության ներկայացուցիչների նկատմամբ կազմակերպված սադրանքների հետքերը տանում են Հայաստանից դուրս։
ԱԺ նախագահ Ալեն Սիմոնյանը ֆեյսբուքյան իր էջում գրել է, որ երեկ հարձակման է ենթարկվել ՀՀ վարչապետ Նիկոլ Փաշինյանի որդին։ Սիմոնյանը հիշեցրել է օրերս ԱԺ–ում պետաիրավական հարցերի մշտական հանձնաժողովի նախագահ Վլադիմիր Վարդանյանի և «Հայաստան» խմբակցության դաշնակցական պատգամավոր Մհեր Սահակյանի միջև տեղի ունեցած միջադեպը, ինչպես նաև երեկ իր հետ Կասկադում տեղի ունեցած դեպքը, երբ, նրա խոսքով, դաշնակցական ոմն մեկն իրեն «դավաճան» է անվանել։ Ըստ Սիմոնյանի` այս ամենը կազմակերպված սադրանքների շարք է, որոնց հետքերը տանում են Հայաստանից դուրս։
«Ալեն Սիմոնյանի գրառման մեկնաբանությունը բանականության շրջանակում չի տեղավորվում։ Նա կոնկրետ ու՞մ նկատի ունի, եթե ասում է, որ իշխանության ներկայացուցիչների նկատմամբ կազմակերպված սադրանքների հետքերը տանում են արտասահման։ Նա ո՞ր երկիրը նկատի ունի։ Եթե մեղադրում է արտերկրում գործող դաշնակցական կառույցներին, ապա դա աբսուրդ է, բանականության շրջանակում չտեղավորվող ենթադրություն»,– նշեց պատգամավորը։
Նրա խոսքով` ՀՅԴ–ն կանգնած է այս իշխանության դեմ, որն էլ վտանգ է զգում ինստիտուցիոնալ առումով կայացած ընդդիմադիր ու ազդեցիկ քաղաքական ուժից, հետևաբար բոլոր հնարավոր և մտացածին մեղադրանքներն է ուղղում դաշնակցությանը` սադրանքներ կազմակերպելով ՀՅԴ ներկայացուցիչների հանդեպ։
Խաչատրյանը հիշեցրեց, որ ՀՅԴ–ն միշտ էլ թիրախավորվել է իշխանությունների կողմից` սկսած խորհրդային ժամանակներից։ Նա նշեց, որ հետո Լևոն Տեր–Պետրոսյանի պաշտոնավարման ընթացքում բազմաթիվ դաշնակցականներ շինծու մեղադրանքներով հայտնվել են բանտերում, իսկ հիմա էլ Նիկոլ Փաշինյանն է շարունակում նույն գործը։
«Ակնհայտ է, որ գործող իշխանության հիվանդագին երևակայությունը չափ ու սահման չունի, սակայն մենք պատրաստ ենք դիմանալ և դիմադրել բռնություններին»,– ասաց Խաչատրյանը։
Դաշնակցական պատգամավորի դիտարկմամբ` ՀՅԴ–ն ոչ միայն ընդդիմանում է գործող իշխանությանը, այլև առկա խնդիրների համար առաջարկում այլընտրանքային լուծումներ, ինչն էլ նյարդայնացնում է իշխանությանը։
