https://arm.sputniknews.ru/20230403/zintsarajoghnerin-kargelen-smartfvonner-ogtagvortsel-havaqnerin-masnakcel-57594561.html
Զինծառայողներին կարգելվի սմարթֆոն օգտագործել, հավաքներին զինվորական համազգեստով մասնակցել
Զինծառայողներին կարգելվի սմարթֆոն օգտագործել, հավաքներին զինվորական համազգեստով մասնակցել
Sputnik Արմենիա
Զինվորական հագուստն ապօրինի կերպով կրողը վարչական պատասխանատվության կենթարկվի։ 03.04.2023, Sputnik Արմենիա
2023-04-03T12:12+0400
2023-04-03T12:12+0400
2023-04-03T12:31+0400
հհ պաշտպանության նախարարություն (պն)
աժ (ազգային ժողով)
հեռախոս
զինվոր
զինծառայող
կարգապահություն
խախտում
հանձնաժողով
https://cdn.am.sputniknews.ru/img/07e4/0c/08/25658111_0:85:1600:985_1920x0_80_0_0_e0554c0c7ac6ddd5c33ed3fe3b6cb783.jpg
ԵՐԵՎԱՆ, 3 ապրիլի - Sputnik. ՀՀ ԱԺ պաշտպանության և անվտանգության հարցերի մշտական հանձնաժողովի նիստում քննարկվում է «ՀՀ ԶՈւ կարգապահական կանոնագիրք» և «Զինվորական ծառայության և զինծառայողի կարգավիճակի մասին» օրենքներում փոփոխություններ կատարելու հարցը։Պաշտպանության փոխնախարար Արման Սարգսյանը հայտնեց, որ փոփոխություններով սահմանվում են վարժական հավաքների և զորահավաքային զինծառայության զորակոչված զինծառայողների նկատմամբ կիրառվող խրախուսանքների և կարգապահական տույժերի տեսակները։ Ըստ այդմ, նախատեսվում է ամսական պաշտոնային դրույքաչափի իջեցում 5-30 տոկոսի չափով` 1-3 ամիս ժամկետով։ Բացի այդ, կարգապահական իրավախախտումների տեսակները լրացվում են ևս երկու հոդվածներով` զինծառայողի կողմից օրենքով սահմանված սահմանափակումները չպահպանելը և գաղտնիության ռեժիմի կանոնները խախտելը։Նրա խոսքով` արգելվում է նաև համացանցով, ԶԼՄ–ներով ԶՈւ գործունեության կամ տեղակայման, կամ էլ իր կամ այլ զինծառայողի գտնվելու մասին մասին փաստող տեղեկություններ, տեսանյութեր, լուսանկարներ տարածելն ու քննարկելը, բացառությամբ պաշտոնական բնույթ ունեցող հրապարակումներին։ Օրենքով կսահմանվի նաև առանց վերադասի ՀՀ սահմաններից դուրս գալու արգելքը։Իսկ, ահա, պայմանագրային զինծառայողների համար սահմանվում է սահմանային տարիքը լրանալուց հետո մինչև տասը տարի ժամկետով ծառայությունը երկարաձգելու հնարավորություն` մեկական տարով։ Միշտ ուզել եմ զինվորական դառնալ . «Պաշտպան հայրենյաց»-ի մասնակիցները վարժանքներ են արելՓոփոխություններ են նախատեսվում նաև հետուսումնական պարտադիր զինծառայությունից հրաժարվելու պարագայում։ Սարգսյանը նշեց, որ նախկին զինծառայողը տույժ չի վճարի, եթե պայմանագրային զինծառայությունից արձակվելուց հետո երեք տարվա ընթացքում կրկին դիմի պայմանագրային զինծառայության անցնելու համար։Միաժամանակ, ըստ փոխնախարարի, պայմանագրային զինծառայողը մինչև պայմանագրի ավարտը եթե ծառայությունն ավարտելու մասին զեկուցագիր ներկայացնի, ապա պետք է հրաժարագին վճարի` վերջին պաշտոնի դրույքաչափի եռապատկի չափով։Հստակեցվում են նաև վարժական հավաքներին կանչման ոչ ենթակա անձանց շրջանակը։ Իսկ խաղաղ ժամանակ միևնույն գործատուից վարժական հավաքների կանչման ենթակա են աշխատակիցների ոչ ավելին, քան հինգ տոկոսը։ Պաշտպանության փոխնախարարի խոսքով` սահմանվում է նաև արձակուրդը չօգտագործած զինվորներին հատուցում տրամադրելու կարգը։Նա հավելեց, որ ըստ կառավարության` սրանք անհետաձգելի հարցեր են և պետք է ընդգրկվեն ԱԺ առաջիկա նիստում քննարկման համար։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հհ պաշտպանության նախարարություն (պն), աժ (ազգային ժողով), հեռախոս, զինվոր, զինծառայող, կարգապահություն, խախտում, հանձնաժողով
հհ պաշտպանության նախարարություն (պն), աժ (ազգային ժողով), հեռախոս, զինվոր, զինծառայող, կարգապահություն, խախտում, հանձնաժողով
Զինծառայողներին կարգելվի սմարթֆոն օգտագործել, հավաքներին զինվորական համազգեստով մասնակցել
12:12 03.04.2023 (Թարմացված է: 12:31 03.04.2023) Զինվորական հագուստն ապօրինի կերպով կրողը վարչական պատասխանատվության կենթարկվի։
ԵՐԵՎԱՆ, 3 ապրիլի - Sputnik. ՀՀ ԱԺ պաշտպանության և անվտանգության հարցերի մշտական հանձնաժողովի նիստում քննարկվում է «ՀՀ ԶՈւ կարգապահական կանոնագիրք» և «Զինվորական ծառայության և զինծառայողի կարգավիճակի մասին» օրենքներում փոփոխություններ կատարելու հարցը։
Պաշտպանության փոխնախարար Արման Սարգսյանը հայտնեց, որ փոփոխություններով սահմանվում են վարժական հավաքների և զորահավաքային զինծառայության զորակոչված զինծառայողների նկատմամբ կիրառվող խրախուսանքների և կարգապահական տույժերի տեսակները։ Ըստ այդմ, նախատեսվում է ամսական պաշտոնային դրույքաչափի իջեցում 5-30 տոկոսի չափով` 1-3 ամիս ժամկետով։ Բացի այդ, կարգապահական իրավախախտումների տեսակները լրացվում են ևս երկու հոդվածներով` զինծառայողի կողմից օրենքով սահմանված սահմանափակումները չպահպանելը և գաղտնիության ռեժիմի կանոնները խախտելը։
««Զինվորական ծառայության և զինծառայողի կարգավիճակի մասին» օրենքում զինծառայողների նկատմամբ օրենքով սահմանված սահմանափակումները լրացվում են նաև ծառայության կրման ցանկացած վայրում սմարթֆոն տիպի բջջային հեռախոս օգտագործելու արգելքով, բացառությամբ` պետական լիազոր մարմնի ղեկավար հրամանով սահմանված դեպքերի։ Սահմանվում են նաև զինվորական համազգեստով հավաքների կամ հանրային բողոքի բնույթ ունեցող այլ միջոցառման մասնակցելու արգելքը, ինչպես նաև անհատական կամ կոլեկտիվ կերպով քաղաքական բնույթի կոչեր հնչեցնելու արգելքը»,–ասաց Սարգսյանը։
Նրա խոսքով` արգելվում է նաև համացանցով, ԶԼՄ–ներով ԶՈւ գործունեության կամ տեղակայման, կամ էլ իր կամ այլ զինծառայողի գտնվելու մասին մասին փաստող տեղեկություններ, տեսանյութեր, լուսանկարներ տարածելն ու քննարկելը, բացառությամբ պաշտոնական բնույթ ունեցող հրապարակումներին։ Օրենքով կսահմանվի նաև առանց վերադասի ՀՀ սահմաններից դուրս գալու արգելքը։
Իսկ, ահա, պայմանագրային զինծառայողների համար սահմանվում է սահմանային տարիքը լրանալուց հետո մինչև տասը տարի ժամկետով ծառայությունը երկարաձգելու հնարավորություն` մեկական տարով։
Փոփոխություններ են նախատեսվում նաև հետուսումնական պարտադիր զինծառայությունից հրաժարվելու պարագայում։ Սարգսյանը նշեց, որ նախկին զինծառայողը տույժ չի վճարի, եթե պայմանագրային զինծառայությունից արձակվելուց հետո երեք տարվա ընթացքում կրկին դիմի պայմանագրային զինծառայության անցնելու համար։
Միաժամանակ, ըստ փոխնախարարի, պայմանագրային զինծառայողը մինչև պայմանագրի ավարտը եթե ծառայությունն ավարտելու մասին զեկուցագիր ներկայացնի, ապա պետք է հրաժարագին վճարի` վերջին պաշտոնի դրույքաչափի եռապատկի չափով։
Հստակեցվում են նաև վարժական հավաքներին կանչման ոչ ենթակա անձանց շրջանակը։ Իսկ խաղաղ ժամանակ միևնույն գործատուից վարժական հավաքների կանչման ենթակա են աշխատակիցների ոչ ավելին, քան հինգ տոկոսը։ Պաշտպանության փոխնախարարի խոսքով` սահմանվում է նաև արձակուրդը չօգտագործած զինվորներին հատուցում տրամադրելու կարգը։
«Վարչական պատասխանատվություն կսահմանվի զինվորական համազգեստի կրման իրավունք չունեցող անձի կողմից այն ապօրինի կերպով կրելու համար։ Ինչպես նաև վարչական պատասխանատվություն է սահմանվում ռազմատրանսպորտային պարտականություն ունեցող մարմինների կողմից տրանսպորտաին միջոցները տեխնիկապես սարքին չպահելու համար»,–ասաց Սարգսյանը։
Նա հավելեց, որ ըստ կառավարության` սրանք անհետաձգելի հարցեր են և պետք է ընդգրկվեն ԱԺ առաջիկա նիստում քննարկման համար։
