https://arm.sputniknews.ru/20230404/kapvats-enq-patmakan-kapervov-muradvovy-hajastanum-ghrimi-oreri-masin-57659448.html
Կապված ենք պատմական կապերով. Մուրադովը` Հայաստանում Ղրիմի օրերի մասին
Կապված ենք պատմական կապերով. Մուրադովը` Հայաստանում Ղրիմի օրերի մասին
Sputnik Արմենիա
Ղրիմի փոխվարչապետն անթույլատրելի է համարում Հայաստանի և Ռուսաստանի միասնական քաղաքակրթական տարածքը խախտելու փորձերը: 04.04.2023, Sputnik Արմենիա
2023-04-04T15:19+0400
2023-04-04T15:19+0400
2023-04-04T15:20+0400
հայաստան
ղրիմ
գեորգի մուրադով
https://cdn.am.sputniknews.ru/img/07e7/04/04/57656096_0:37:1600:937_1920x0_80_0_0_d763a945f0c47818a6d98482f1993f74.jpg
ԵՐԵՎԱՆ, 4 ապրիլի – Sputnik. Հայաստանն ու Ղրիմն անքակտելիորեն կապված են հնագույն պատմական կապերով, նախևառաջ հենց դրանով է պայմանավորված Հայաստանում Ղրիմի օրերի անցկացումը: Այսօր Երևանում լրագրողների հետ ճեպազրույցում այս մասին ասաց Ղրիմի Հանրապետության փոխվարչապետ, ՌԴ նախագահին առընթեր Ղրիմի մշտական ներկայացուցիչ Գեորգի Մուրադովը։Միջոցառումների շրջանակում Հայաստանի մայրաքաղաքում տեղի կունենա Ղրիմի կամերային սիմֆոնիկ նվագախմբի համերգը` նվիրված կոմպոզիտոր Ալեքսանդր Սպենդիարյանի ստեղծագործությանը, որն ապրել և ստեղծագործել է թե՛ Հայաստանում, թե՛ Ղրիմում:«Մենք շատ վայրեր ունենք նաև Այվազովսկու հետ կապված։ Այժմ վերականգնվում է Այվազովսկու թանգարանը, այն տունը, որտեղ նա ապրել է, եկեղեցին, որտեղ նա մկրտվել ու պսակադրվել է»,-հավելեց փոխվարչապետը։Մուրադովն այսօր հանդիպել է Հայաստանում ռուսական համայնքի ներկայացուցիչների հետ։ Այդ կապակցությամբ նա նշեց, որ հատուկ ուշադրություն է հատկացվում քաղաքակրթական կապերի զարգացմանն ու հայրենակիցների իրավունքների պաշտպանությանը:Բիզնեսը կարողանում է մանևրել. Մուրադովը` Հայաստանի և Ղրիմի համագործակցության մասին«Ռուսաստանը նոր արտաքին քաղաքական դոկտրին է ընդունել, և այդ դոկտրինը հատուկ ուշադրություն է դարձնում հայրենակիցների հետ աշխատանքին, հայրենակիցների իրավունքների պաշտպանությանը... Սրանք շատ զգայուն և ցավոտ թեմաներ են Ռուսաստանի և ռուսական հասարակության համար։ Այն, ինչ տեղի է ունեցել Մերձբալթյան երկրներում, այն, ինչ տեղի է ունեցել և տեղի է ունենում Ուկրաինայում, միջազգային իրավունքի բոլոր սկզբունքների, մարդկանց նկատմամբ մարդասիրական վերաբերմունքի ուղղակի խախտում է»,- ասաց Մուրադովը։Հայաստանն ու Ռուսաստանը ընդհանուր, արևելաքրիստոնեական քաղաքակրթության մաս են։ Սա նրանց համար ընդհանուր ընտանիք է, և անթույլատրելի է մարդկանց ընտանիքից «հեռացնելու», քաղաքակրթական կոդը փոխելու ցանկացած փորձ։Կորցրած «Մարտական ծառայությունների համար» մեդալը սկսեց իր ճանապարհը Ղրիմից Հայաստան
ղրիմ
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, ղրիմ, գեորգի մուրադով
հայաստան, ղրիմ, գեորգի մուրադով
Կապված ենք պատմական կապերով. Մուրադովը` Հայաստանում Ղրիմի օրերի մասին
15:19 04.04.2023 (Թարմացված է: 15:20 04.04.2023) Ղրիմի փոխվարչապետն անթույլատրելի է համարում Հայաստանի և Ռուսաստանի միասնական քաղաքակրթական տարածքը խախտելու փորձերը:
ԵՐԵՎԱՆ, 4 ապրիլի – Sputnik. Հայաստանն ու Ղրիմն անքակտելիորեն կապված են հնագույն պատմական կապերով, նախևառաջ հենց դրանով է պայմանավորված Հայաստանում Ղրիմի օրերի անցկացումը: Այսօր Երևանում լրագրողների հետ ճեպազրույցում այս մասին ասաց Ղրիմի Հանրապետության փոխվարչապետ, ՌԴ նախագահին առընթեր Ղրիմի մշտական ներկայացուցիչ Գեորգի Մուրադովը։
«Հայերն ավանդաբար ապրում են Ղրիմի տարածքում, մեզ մոտ համախմբված, շատ ակտիվ հայկական համայնք է ապրում և աշխատում։ Ամեն տարի մենք անցկացնում ենք Ղրիմի Հանրապետության օրերը Հայաստանում և, որպես կանոն, Հայաստանի օրերը Ղրիմի Հանրապետությունում։ Դա կապված է հին պատմական կապերի հետ»,- նշեց Մուրադովը։
Միջոցառումների շրջանակում Հայաստանի մայրաքաղաքում տեղի կունենա Ղրիմի կամերային սիմֆոնիկ նվագախմբի համերգը` նվիրված կոմպոզիտոր Ալեքսանդր Սպենդիարյանի ստեղծագործությանը, որն ապրել և ստեղծագործել է թե՛ Հայաստանում, թե՛ Ղրիմում:
«Մենք շատ վայրեր ունենք նաև Այվազովսկու հետ կապված։ Այժմ վերականգնվում է Այվազովսկու թանգարանը, այն տունը, որտեղ նա ապրել է, եկեղեցին, որտեղ նա մկրտվել ու պսակադրվել է»,-հավելեց փոխվարչապետը։
Մուրադովն այսօր հանդիպել է Հայաստանում ռուսական համայնքի ներկայացուցիչների հետ։ Այդ կապակցությամբ նա նշեց, որ հատուկ ուշադրություն է հատկացվում քաղաքակրթական կապերի զարգացմանն ու հայրենակիցների իրավունքների պաշտպանությանը:
«Ռուսաստանը նոր արտաքին քաղաքական դոկտրին է ընդունել, և այդ դոկտրինը հատուկ ուշադրություն է դարձնում հայրենակիցների հետ աշխատանքին, հայրենակիցների իրավունքների պաշտպանությանը... Սրանք շատ զգայուն և ցավոտ թեմաներ են Ռուսաստանի և ռուսական հասարակության համար։ Այն, ինչ տեղի է ունեցել Մերձբալթյան երկրներում, այն, ինչ տեղի է ունեցել և տեղի է ունենում Ուկրաինայում, միջազգային իրավունքի բոլոր սկզբունքների, մարդկանց նկատմամբ մարդասիրական վերաբերմունքի ուղղակի խախտում է»,- ասաց Մուրադովը։
Հայաստանն ու Ռուսաստանը ընդհանուր, արևելաքրիստոնեական քաղաքակրթության մաս են։ Սա նրանց համար ընդհանուր ընտանիք է, և անթույլատրելի է մարդկանց ընտանիքից «հեռացնելու», քաղաքակրթական կոդը փոխելու ցանկացած փորձ։
