https://arm.sputniknews.ru/20230410/votshragvortsutjunic-31-tari-anc-adrbejani-npataky-lghn-etnik-ztumneri-entarkeln-e-hh-agn-57921930.html
Ոճրագործությունից 31 տարի անց Ադրբեջանի նպատակը ԼՂ–ն էթնիկ զտումների ենթարկելն է. ՀՀ ԱԳՆ
Ոճրագործությունից 31 տարի անց Ադրբեջանի նպատակը ԼՂ–ն էթնիկ զտումների ենթարկելն է. ՀՀ ԱԳՆ
Sputnik Արմենիա
ՀՀ ԱԳՆ–ն հայտարարում է, որ Ադրբեջանը խախտելով 2020թ. նոյեմբերի 9-ի եռակողմ հայտարարության դրույթները, խաթարում է տեղահանված անձանց և փախստականների վերադարձը... 10.04.2023, Sputnik Արմենիա
2023-04-10T11:57+0400
2023-04-10T11:57+0400
2023-04-13T18:56+0400
հայաստան
արտաքին գործերի նախարարություն (ագն)
ադրբեջան
լեռնային ղարաբաղ
https://cdn.am.sputniknews.ru/img/2344/76/23447699_0:0:1600:901_1920x0_80_0_0_ecdf6091beef8c07739f215345480d5f.jpg
ԵՐԵՎԱՆ,10 ապրիլի – Sputnik. Մարաղայի ոճրագործությունից 31 տարի անց շուրջ չորս ամիս է, ինչ Ադրբեջանն ապօրինի կերպով արգելափակված է պահում Լեռնային Ղարաբաղը մնացյալ աշխարհի հետ կապող Լաչինի միջանցքը` ապացուցելով, որ իր նպատակը Լեռնային Ղարաբաղն էթնիկ զտումների ենթարկելն է: Այս մասին հայտարարություն է տարածել ՀՀ արտաքին գործերի նախարարությունը` հիշելով Լեռնային Ղարաբաղի Մարտակերտի շրջանի Մարաղա հայկական բնակավայրում Ադրբեջանի զինված ուժերի կողմից իրականացված ջարդերի օրը։Նշենք, որ Մարաղայի խաղաղ բնակչության ծրագրավորված դաժան կոտորածը, որի հետևանքով շուրջ 5000 բնակչություն ունեցող բնակավայրն ամբողջությամբ էթնիկ զտման ենթարկվեց, տեղի է ունեցել 1992թ․–ի ապրիլի 10-ին։Այս օրը ավելի քան 50 խաղաղ բնակիչներ դաժանաբար սպանվել են, նույնքան էլ գերեվարվել։ Նրանցից շատերի ճակատագրերը մինչ օրս պարզված չեն, և վերջիններս համարվում են բռնի անհետացածներ:«Մարաղայի կոտորածը Սումգայիթում, Կիրովաբադում և Բաքվում կազմակերպված հայերի ջարդերի շարունակությունն էր և ադրբեջանական իշխանությունների՝ ազգային ինքնության հողի վրա զանգվածային ոճրագործությունների հերթական դրսևորումներից մեկը»,– ասված է ԱԳՆ–ի հայտարարությունում:Գերատեսչությունը հիշեցնում է, որ Լեռնային Ղարաբաղի խաղաղ բնակչության դեմ կանխամտածված ոճրագործությունները, ռազմական հանցագործությունները, դրանց անպատժելիությունն ու հերոսացումն Ադրբեջանի համակարգային քաղաքականության մաս կազմեցին և նոր դրսևորումներ ստացան Լեռնային Ղարաբաղի դեմ Ադրբեջանի 2016թ. ապրիլյան ագրեսիայի, իսկ ավելի մեծ մասշտաբներով՝ 2020թ. 44-օրյա պատերազմի ժամանակ, որի հետևանքով տեղահանվեցին նաև Հադրութի, Շուշիի և հարակից շրջանների տասնյակհազարավոր հայեր:Ադրբեջանը այսօր էլ, խախտելով 2020թ. նոյեմբերի 9-ի եռակողմ հայտարարության դրույթները, խաթարում է տեղահանված անձանց և փախստականների վերադարձը Լեռնային Ղարաբաղ և հարակից շրջաններ, ինչը պետք է իրականացվի ՄԱԿ-ի փախստականների հարցերով բարձր հանձնակատարի վերահսկողության ներքո: Ավելին` խախտելով միջազգային իրավունքի նորմերը և իր իսկ ստանձնած միջազգային պարտավորությունները՝ պաշտոնական Բաքուն այս օրերին ադրբեջանցիներով է բնակեցնում իր վերահսկողության տակ անցած հայկական բնակավայրերը, հայերի տները, ինչպես օրինակ՝ հայկական Թալիշ գյուղում:Ադրբեջանը ամենաբարձր մակարդակով շարունակվում է հայության նկատմամբ ատելության քարոզը: Այս արձանագրումներն արդեն իսկ բազմիցս դատապարտվել են միջազգային կառույցների կողմից:Նման ոճրագործությունների հետագա կանխարգելման համար ԱԳՆ–ն ևս մեկ անգամ ընդգծում է միջազգային հանրության գործուն քայլերի անհրաժեշտությունը, այդ թվում՝ տրամադրության տակ առկա միջազգային մեխանիզմերի կիրառման հրատապությունը:Ադրբեջանը փորձում է էթնիկ զտումներ իրականացնել Լեռնային Ղարաբաղում. Փաշինյան
ադրբեջան
լեռնային ղարաբաղ
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, արտաքին գործերի նախարարություն (ագն), ադրբեջան, լեռնային ղարաբաղ
հայաստան, արտաքին գործերի նախարարություն (ագն), ադրբեջան, լեռնային ղարաբաղ
Ոճրագործությունից 31 տարի անց Ադրբեջանի նպատակը ԼՂ–ն էթնիկ զտումների ենթարկելն է. ՀՀ ԱԳՆ
11:57 10.04.2023 (Թարմացված է: 18:56 13.04.2023) ՀՀ ԱԳՆ–ն հայտարարում է, որ Ադրբեջանը խախտելով 2020թ. նոյեմբերի 9-ի եռակողմ հայտարարության դրույթները, խաթարում է տեղահանված անձանց և փախստականների վերադարձը Լեռնային Ղարաբաղ։
ԵՐԵՎԱՆ,10 ապրիլի – Sputnik. Մարաղայի ոճրագործությունից 31 տարի անց շուրջ չորս ամիս է, ինչ Ադրբեջանն ապօրինի կերպով արգելափակված է պահում Լեռնային Ղարաբաղը մնացյալ աշխարհի հետ կապող Լաչինի միջանցքը` ապացուցելով, որ իր նպատակը Լեռնային Ղարաբաղն էթնիկ զտումների ենթարկելն է: Այս մասին հայտարարություն է տարածել Հ
Հ արտաքին գործերի նախարարությունը` հիշելով Լեռնային Ղարաբաղի Մարտակերտի շրջանի Մարաղա հայկական բնակավայրում Ադրբեջանի զինված ուժերի կողմից իրականացված ջարդերի օրը։
«Լեռնային Ղարաբաղում կանխամտածված կերպով հումանիտար ճգնաժամի ստեղծումը, ադրբեջանական զինված ուժերի կողմից Լեռնային Ղարաբաղում զինադադարի պարբերական խախտումներն ու ագրեսիվ գործողությունները, քաղաքացիական բնակչության շարունակական թիրախավորումն ու ահաբեկումը կրկին ապացուցում են, որ Ադրբեջանի նպատակը Լեռնային Ղարաբաղն էթնիկ զտումների ենթարկելն է»,– ասված է հաղորդագրությունում։
Նշենք, որ Մարաղայի խաղաղ բնակչության ծրագրավորված դաժան կոտորածը, որի հետևանքով շուրջ 5000 բնակչություն ունեցող բնակավայրն ամբողջությամբ էթնիկ զտման ենթարկվեց, տեղի է ունեցել 1992թ․–ի ապրիլի 10-ին։
Այս օրը ավելի քան 50 խաղաղ բնակիչներ դաժանաբար սպանվել են, նույնքան էլ գերեվարվել։ Նրանցից շատերի ճակատագրերը մինչ օրս պարզված չեն, և վերջիններս համարվում են բռնի անհետացածներ:
«Մարաղայի կոտորածը Սումգայիթում, Կիրովաբադում և Բաքվում կազմակերպված հայերի ջարդերի շարունակությունն էր և ադրբեջանական իշխանությունների՝ ազգային ինքնության հողի վրա զանգվածային ոճրագործությունների հերթական դրսևորումներից մեկը»,– ասված է ԱԳՆ–ի հայտարարությունում:
Գերատեսչությունը հիշեցնում է, որ Լեռնային Ղարաբաղի խաղաղ բնակչության դեմ կանխամտածված ոճրագործությունները, ռազմական հանցագործությունները, դրանց անպատժելիությունն ու հերոսացումն Ադրբեջանի համակարգային քաղաքականության մաս կազմեցին և նոր դրսևորումներ ստացան Լեռնային Ղարաբաղի դեմ Ադրբեջանի 2016թ. ապրիլյան ագրեսիայի, իսկ ավելի մեծ մասշտաբներով՝ 2020թ. 44-օրյա պատերազմի ժամանակ, որի հետևանքով տեղահանվեցին նաև Հադրութի, Շուշիի և հարակից շրջանների տասնյակհազարավոր հայեր:
Ադրբեջանը այսօր էլ, խախտելով 2020թ. նոյեմբերի 9-ի եռակողմ հայտարարության դրույթները, խաթարում է տեղահանված անձանց և փախստականների վերադարձը Լեռնային Ղարաբաղ և հարակից շրջաններ, ինչը պետք է իրականացվի ՄԱԿ-ի փախստականների հարցերով բարձր հանձնակատարի վերահսկողության ներքո: Ավելին` խախտելով միջազգային իրավունքի նորմերը և իր իսկ ստանձնած միջազգային պարտավորությունները՝ պաշտոնական Բաքուն այս օրերին ադրբեջանցիներով է բնակեցնում իր վերահսկողության տակ անցած հայկական բնակավայրերը, հայերի տները, ինչպես օրինակ՝ հայկական Թալիշ գյուղում:
«Հատկանշական է նաև, որ կոպտորեն խախտելով հեղինակավոր միջազգային դատական ատյանների վճիռները՝ Ադրբեջանը բացահայտ կերպով շարունակում է պղծել, վանդալիզմի ենթարկել և ոչնչացնել հայկական կրոնական ու պատմամշակութային կոթողներն ու սրբավայրերը՝ նպատակ ունենալով իր վերահսկողության տակ գտնվող տարածքներից ջնջել հայկական հետքն առհասարակ»,– հայտարարում է ԱԳՆ–ն:
Ադրբեջանը ամենաբարձր մակարդակով շարունակվում է հայության նկատմամբ ատելության քարոզը: Այս արձանագրումներն արդեն իսկ բազմիցս դատապարտվել են միջազգային կառույցների կողմից:
Նման ոճրագործությունների հետագա կանխարգելման համար ԱԳՆ–ն ևս մեկ անգամ ընդգծում է միջազգային հանրության գործուն քայլերի անհրաժեշտությունը, այդ թվում՝ տրամադրության տակ առկա միջազգային մեխանիզմերի կիրառման հրատապությունը:
