https://arm.sputniknews.ru/20230411/sejran-ohanjanin-grigvori-khachaturvovin--ev-evs-11-andzi-meghadranq-e-arajadrvel-57971949.html
Սեյրան Օհանյանին, Գրիգորի Խաչատուրովին և ևս 11 անձի մեղադրանք է առաջադրվել
Սեյրան Օհանյանին, Գրիգորի Խաչատուրովին և ևս 11 անձի մեղադրանք է առաջադրվել
Sputnik Արմենիա
ՀՀ գլխավոր դատախազությունը ներկայացրել է հոդվածները, որոնցով մեղադրվում են նախկին պաշտոնյաները։ 11.04.2023, Sputnik Արմենիա
2023-04-11T10:36+0400
2023-04-11T10:36+0400
2023-04-11T16:33+0400
սեյրան օհանյան
մեղադրանք
գրիգորի խաչատուրով
հհ դատախազություն
հհ գլխավոր դատախազություն
դավիթ գալստյան (պատրոն դավիթ)
https://cdn.am.sputniknews.ru/img/07e6/0b/05/50909127_0:0:1329:748_1920x0_80_0_0_cce785b7b919cde52c907b4fb27c8c9b.jpg
ԵՐԵՎԱՆ, 11 ապրիլի - Sputnik. Ազգային անվտանգության ծառայության քննչական դեպարտամենտում քննվող ՀՀ ՊՆ նախկին նախարար Սեյրան Օհանյանի և ևս 12 անձի վերաբերյալ քրեական վարույթի («Գաղտնի» նշագրմամբ) նախաքննությունն ավարտվել է։ Տեղեկությունը հայտնում է դատախազության մամուլի ծառայությունը։Վարույթի շրջանակում մեղադրանք է ներկայացվել Մեղադրանք է ներկայացվել նաև 9 անձի:Հիշեցնենք, որ ԱԱԾ-ի տարածած հաղորդագրության համաձայն` Սեյրան Օհանյանն անցնում է նաև մեկ այլ քրեական գործով, որը վերաբերում է ՀՀ զինված ուժերի կարիքների համար ռազմամթերքի մատակարարման գործընթացում ենթադրյալ չարաշահումներ և առանձնապես խոշոր չափերով հափշտակություններ կատարելու դեպքերին, մասնավորապես` ՊՆ-ի կողմից անպիտան հրթիռներ գնելուն:«Պատրոն Դավոյին» կրկին կալանավորել ենՄասնավորապես, ըստ քրեական գործի նյութերի` 2018 թվականին ձեռք է բերվել 4232 հատ ժամկետանց հրթիռ։ Ընդ որում՝ նշված ռազմաթերքը ձեռք է բերվել նույն խմբաքանակից ռազմամթերքի նախկինում ձեռքբերման արժեքից գրեթե կրկնակի թանկ գնով՝ կատարելով առանձնապես խոշոր չափերով՝ 2,277,323,840 ՀՀ դրամին համարժեք 4.655.200 ԱՄՆ դոլար գումարի հափշտակություն։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
սեյրան օհանյան, մեղադրանք, գրիգորի խաչատուրով, հհ դատախազություն, հհ գլխավոր դատախազություն, դավիթ գալստյան (պատրոն դավիթ)
սեյրան օհանյան, մեղադրանք, գրիգորի խաչատուրով, հհ դատախազություն, հհ գլխավոր դատախազություն, դավիթ գալստյան (պատրոն դավիթ)
Սեյրան Օհանյանին, Գրիգորի Խաչատուրովին և ևս 11 անձի մեղադրանք է առաջադրվել
10:36 11.04.2023 (Թարմացված է: 16:33 11.04.2023) ՀՀ գլխավոր դատախազությունը ներկայացրել է հոդվածները, որոնցով մեղադրվում են նախկին պաշտոնյաները։
ԵՐԵՎԱՆ, 11 ապրիլի - Sputnik. Ազգային անվտանգության ծառայության քննչական դեպարտամենտում քննվող ՀՀ ՊՆ նախկին նախարար Սեյրան Օհանյանի և ևս 12 անձի վերաբերյալ քրեական վարույթի («Գաղտնի» նշագրմամբ) նախաքննությունն ավարտվել է։ Տեղեկությունը հայտնում է
դատախազության մամուլի ծառայությունը։
Վարույթի շրջանակում մեղադրանք է ներկայացվել
ՀՀ պաշտպանության նախկին նախարար Սեյրան Օհանյանին` ՀՀ քրեական օրենսգրքի 179-րդ հոդվածի 3-րդ մասի 1-ին կետով և 3 դրվագ 308-րդ հոդվածի 2-րդ մասով (առանձնապես խոշոր չափերով գույքի վատնում և պաշտոնեական լիազորությունների չարաշահում, որն անզգուշությամբ առաջացրել է ծանր հետևանքներ),
Կառավարությանն առընթեր անշարժ գույքի կադաստրի պետական կոմիտեի նախկին նախագահ Մանուկ Վարդանյանին` ՀՀ քրեական օրենսգրքի 308-րդ հոդվածի 2-րդ մասով (պաշտոնեական լիազորությունների չարաշահում, որն անզգուշությամբ առաջացրել է ծանր հետևանքներ),
ՀՀ պաշտպանության նախարարության N զորամասի նախկին հրամանատար Գրիգորի Խաչատուրովին` ՀՀ քրեական օրենսգրքի 190-րդ հոդվածի 3-րդ մասի 1-ին և 3-րդ կետերով (փողերի լվացում, որը կատարվել է առանձնապես խոշոր չափերով և պաշտոնեական դիրքն օգտագործելով),
«Մոսթոն Ինժիներինգ» ընկերության տնօրեն Դավիթ Գալստյանին՝ ՀՀ քրեական օրենսգրքի 178-րդ հոդվածի 3-րդ մասի 1-ին կետով և 325-րդ հոդվածի 1-ին մասով (առանձնապես խոշոր չափերով խարդախություն և փաստաթղթի կեղծում):
Մեղադրանք է ներկայացվել նաև 9 անձի:
Հիշեցնենք, որ ԱԱԾ-ի տարածած հաղորդագրության համաձայն` Սեյրան Օհանյանն անցնում է նաև մեկ այլ քրեական գործով, որը վերաբերում է ՀՀ զինված ուժերի կարիքների համար ռազմամթերքի մատակարարման գործընթացում ենթադրյալ չարաշահումներ և առանձնապես խոշոր չափերով հափշտակություններ կատարելու դեպքերին, մասնավորապես` ՊՆ-ի կողմից անպիտան հրթիռներ գնելուն:
Մասնավորապես, ըստ քրեական գործի նյութերի` 2018 թվականին ձեռք է բերվել 4232 հատ ժամկետանց հրթիռ։ Ընդ որում՝ նշված ռազմաթերքը ձեռք է բերվել նույն խմբաքանակից ռազմամթերքի նախկինում ձեռքբերման արժեքից գրեթե կրկնակի թանկ գնով՝ կատարելով առանձնապես խոշոր չափերով՝ 2,277,323,840 ՀՀ դրամին համարժեք 4.655.200 ԱՄՆ դոլար գումարի հափշտակություն։
