https://arm.sputniknews.ru/20230422/samvel-gasparjany-evrvopaji-chempivon-e-petrvos-petrvosjany-brvonze-medalakir-58611193.html
Սամվել Գասպարյանը Եվրոպայի չեմպիոն է, Պետրոս Պետրոսյանը` բրոնզե մեդալակիր
Սամվել Գասպարյանը Եվրոպայի չեմպիոն է, Պետրոս Պետրոսյանը` բրոնզե մեդալակիր
Sputnik Արմենիա
Եվրոպայի առաջնության մեդալների համար պայքարի մեջ մտան մինչև 109 կգ քաշային ծանրորդները։ Երևանյան մրցահարթակում իրենց վարպետությունը դրսևորեցին մեր ընտրանու... 22.04.2023, Sputnik Արմենիա
2023-04-22T19:40+0400
2023-04-22T19:40+0400
2023-04-22T20:06+0400
հայաստան
ծանրամարտ
չեմպիոն
սամվել գասպարյան
պետրոս պետրոսյան
https://cdn.am.sputniknews.ru/img/07e7/04/16/58604789_0:94:1600:994_1920x0_80_0_0_737cc2a5d0950463d4a5d774d05ed238.jpg
ԵՐԵՎԱՆ, 22 ապրիլի – Sputnik. Ծանրամարտի Եվրոպայի առաջնության մինչև 109 կգ քաշային կարգում երկամարտի 395 կգ արդյունքով Հին աշխարհամասի չեմպիոնի կոչումը նվաճեց Սամվել Գասպարյանը։ Հայաստանը ներկայացնող մյուս ծանրորդը՝ Պետրոս Պետրոսյանը, երկամարտի 379 կգ արդյունքով զբաղեցրեց 3-րդ տեղը։Պոկում վարժությունում առաջին մոտեցման համար նախնական ամենաբարձր պատվերը Սամվել Գասպարյանինն էր՝ 175 կգ։ Իսկ Պետրոս Պետրոսյանն առաջին մոտեցման համար պատվիրել էր 160 կգ։ Պետրոսը հստակ կատարեց առաջին մոտեցումը, իսկ հաջորդ երկու մոտեցումները ծախսեց 165 կգ քաշը բարձրացնելու վրա ու երրորդ մոտեցումով այն պահեց գլխավերևում։ Սամվել Գասպարյանը փոխեց իր առաջին մոտեցման համար պատվիրած քաշն ու շատ հանգիստ բարձրացրեց 172 կգ–ը։ Իսկ երրորդ մոտեցումով Սամվելը բարձրացրեց 175 կգ և պոկում վարժությունում այդ արդյունքով ոսկե մեդալակիր դարձավ։Արծաթը բաժին հասավ բուլղարացի Վասիլ Մարինովին՝ 174կգ, իսկ բրոնզե մեդալը նվաճեց Ավստրիան ներկայացնող Սարգիս Մարտիրոսյանը՝ 173 կգ։ Պետրոս Պետրոսյանը զբաղեցրեց 6-րդ տեղը։Հրում վարժությունում իր կամային որակներով զարմացրեց Ավստրիան ներկայացնող Սարգիս Մարտիրոսյանը, բայց պոկում վարժությունում նվաճած բրոնզե մեդալին հայազգի ծանրորդը հավելյալ արդյունք ավելացնել չկարողացավ ու ավարտեց ելույթները երկամարտի 360 կգ արդյունքով։Իսկ երկամարտի մեդալային պայքարը դարձավ հայ-վրացական։ Բոլորն ավարտել էին ելույթները, բացի Սամվել Գասպարյանից, Պետրոս Պետրոսյանից, Զազա Լոմտաձեից և Գիորգի Չխեիձեից։ Լոմտաձեն վնասվածք ստացավ, բայց շարունակեց պայքարը։ Ընդ որում` վնասվածքի պատճառով պայքարը լքեց լեհ Մարչին Իզդեբսկին։Սամբիստ Նարեկ Սիմոնյանը դարձավ Եվրոպայի չեմպիոնՊետրոս Պետրոսյանը սկսեց 210 կգ-ին մոտեցումով և գլխավերևում պահեց այդ քաշը։ Սամվել Գասպարյանը ֆիքսեց 211 կիլոգրամը։ Լոմտաձեն ու Չխեիձեն ամեն ինչ արեցին երկամարտի արդյունքով մեր ծանրորդներին շրջանցելու համար, բայց չհաջողվեց։ Պետրոսյանը բարձրացրեց 214 կգ կշռող ծանրաձողը ու ապահովեց հրում վարժությունում երկրորդ ու երկամարտում երրորդ տեղը։ Իսկ Սամվել Գասպարյանը, անկախ բոլոր արդյունքներից, նվաճեց երկամարտի ոսկե մեդալը։ Չեմպիոնի կարգավիճակում Սամվելը մոտեցավ 220 կգ կշռող ծանրաձողին և, բարձրացնելով քաշը, նվաճեց երեք ոսկե մեդալ։Եվրոպայի առաջնության մրցումային վերջին օրը մրցահարթակ դուրս կգան կանանց գերծանր (87+) և տղամարդկանց գերծանր (109+) քաշային կարգի ներկայացուցիչները։ Հետաքրքիր պայքար է սպասվում վրացի Լաշա Տալախաձեի և Վարազդատ Լալայանի հակամարտությունում։ Հայաստանը այս քաշային կարգում ներկայացնում է նաև Սիմոն Մարտիրոսյանը։Մրցումային վերջին օրվանից առաջ ծանրամարտի Հայաստանի հավաքականը թիմային հաշվարկում առաջին տեղն է զբաղեցնում երկամարտի 4 ոսկե, 3 արծաթե և 3 բրոնզե մեդալների արդյունքով։«Խոսք կուդամ` դեռ շատ կլսեք իմ անունը». Կարապետյանը` Եվրոպայի չեմպիոն դառնալու մասին
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, ծանրամարտ, չեմպիոն, սամվել գասպարյան, պետրոս պետրոսյան
հայաստան, ծանրամարտ, չեմպիոն, սամվել գասպարյան, պետրոս պետրոսյան
Սամվել Գասպարյանը Եվրոպայի չեմպիոն է, Պետրոս Պետրոսյանը` բրոնզե մեդալակիր
19:40 22.04.2023 (Թարմացված է: 20:06 22.04.2023) Եվրոպայի առաջնության մեդալների համար պայքարի մեջ մտան մինչև 109 կգ քաշային ծանրորդները։ Երևանյան մրցահարթակում իրենց վարպետությունը դրսևորեցին մեր ընտրանու երկու մարզիկները՝ Սամվել Գասպարյանն ու Պետրոս Պետրոսյանը։
ԵՐԵՎԱՆ, 22 ապրիլի – Sputnik. Ծանրամարտի Եվրոպայի առաջնության մինչև 109 կգ քաշային կարգում երկամարտի 395 կգ արդյունքով Հին աշխարհամասի չեմպիոնի կոչումը նվաճեց Սամվել Գասպարյանը։ Հայաստանը ներկայացնող մյուս ծանրորդը՝ Պետրոս Պետրոսյանը, երկամարտի 379 կգ արդյունքով զբաղեցրեց 3-րդ տեղը։
Պոկում վարժությունում առաջին մոտեցման համար նախնական ամենաբարձր պատվերը Սամվել Գասպարյանինն էր՝ 175 կգ։ Իսկ Պետրոս Պետրոսյանն առաջին մոտեցման համար պատվիրել էր 160 կգ։ Պետրոսը հստակ կատարեց առաջին մոտեցումը, իսկ հաջորդ երկու մոտեցումները ծախսեց 165 կգ քաշը բարձրացնելու վրա ու երրորդ մոտեցումով այն պահեց գլխավերևում։
Սամվել Գասպարյանը փոխեց իր առաջին մոտեցման համար պատվիրած քաշն ու շատ հանգիստ բարձրացրեց 172 կգ–ը։ Իսկ երրորդ մոտեցումով Սամվելը բարձրացրեց 175 կգ և պոկում վարժությունում այդ արդյունքով ոսկե մեդալակիր դարձավ։
Արծաթը բաժին հասավ բուլղարացի Վասիլ Մարինովին՝ 174կգ, իսկ բրոնզե մեդալը նվաճեց Ավստրիան ներկայացնող Սարգիս Մարտիրոսյանը՝ 173 կգ։ Պետրոս Պետրոսյանը զբաղեցրեց 6-րդ տեղը։
Հրում վարժությունում իր կամային որակներով զարմացրեց Ավստրիան ներկայացնող Սարգիս Մարտիրոսյանը, բայց պոկում վարժությունում նվաճած բրոնզե մեդալին հայազգի ծանրորդը հավելյալ արդյունք ավելացնել չկարողացավ ու ավարտեց ելույթները երկամարտի 360 կգ արդյունքով։
Իսկ երկամարտի մեդալային պայքարը դարձավ հայ-վրացական։ Բոլորն ավարտել էին ելույթները, բացի Սամվել Գասպարյանից, Պետրոս Պետրոսյանից, Զազա Լոմտաձեից և Գիորգի Չխեիձեից։ Լոմտաձեն վնասվածք ստացավ, բայց շարունակեց պայքարը։ Ընդ որում` վնասվածքի պատճառով պայքարը լքեց լեհ Մարչին Իզդեբսկին։
Պետրոս Պետրոսյանը սկսեց 210 կգ-ին մոտեցումով և գլխավերևում պահեց այդ քաշը։ Սամվել Գասպարյանը ֆիքսեց 211 կիլոգրամը։ Լոմտաձեն ու Չխեիձեն ամեն ինչ արեցին երկամարտի արդյունքով մեր ծանրորդներին շրջանցելու համար, բայց չհաջողվեց։ Պետրոսյանը բարձրացրեց 214 կգ կշռող ծանրաձողը ու ապահովեց հրում վարժությունում երկրորդ ու երկամարտում երրորդ տեղը։ Իսկ Սամվել Գասպարյանը, անկախ բոլոր արդյունքներից, նվաճեց երկամարտի ոսկե մեդալը։ Չեմպիոնի կարգավիճակում Սամվելը մոտեցավ 220 կգ կշռող ծանրաձողին և, բարձրացնելով քաշը, նվաճեց երեք ոսկե մեդալ։
Եվրոպայի առաջնության մրցումային վերջին օրը մրցահարթակ դուրս կգան կանանց գերծանր (87+) և տղամարդկանց գերծանր (109+) քաշային կարգի ներկայացուցիչները։ Հետաքրքիր պայքար է սպասվում վրացի Լաշա Տալախաձեի և Վարազդատ Լալայանի հակամարտությունում։ Հայաստանը այս քաշային կարգում ներկայացնում է նաև Սիմոն Մարտիրոսյանը։
Մրցումային վերջին օրվանից առաջ ծանրամարտի Հայաստանի հավաքականը թիմային հաշվարկում առաջին տեղն է զբաղեցնում երկամարտի 4 ոսկե, 3 արծաթե և 3 բրոնզե մեդալների արդյունքով։
