Սիմոն Մարտիրոսյանի անվան մարզադպրոցը պատրաստ կլինի աշնանը. Փաշինյանը զրուցել է մարզչի հետ

© Sputnik / official site of the Prime Minister of RAԱշոտ Փիլոսյանն ու Նիկոլ Փաշինյանը
Աշոտ Փիլոսյանն ու Նիկոլ Փաշինյանը - Sputnik Արմենիա, 1920, 22.04.2023
Աշոտ Փիլոսյանն ու Նիկոլ Փաշինյանը
Բաժանորդագրվեք
НовостиTelegram
Դեռ անցած տարվա դեկտեմբերին ԿԳՄՍ փոխնախարարը հայտնել էր, որ մարզադպրոցը պատրաստ կլինի առաջիկա 2 ամսում։
ԵՐԵՎԱՆ, 22 ապրիլի – Sputnik. ՀՀ վարչապետ Նիկոլ Փաշինյանը այցելել է ծանրամարտի աշխարհի ու Եվրոպայի չեմպիոն, օլիմպիական խաղերի փոխչեմպիոն Սիմոն Մարտիրոսյանի անվան ծանրամարտի մարզադպրոց և ծանոթացել շինաշխատանքների ընթացքին: Տեղեկությունը հայտնում է ՀՀ վարչապետի մամուլի ծառայությունը։
«Մարզադպրոցի կառուցման աշխատանքները գտնվում են ավարտական փուլում, նախատեսվում է, որ այն շահագործման պատրաստ կլինի սեպտեմբերին»,– ասված է հաղորդագրությունում:
Դպրոցը կառուցվում է Արմավիրի մարզի Ջրառատ գյուղում, ծրագրի իրականացման նպատակով կառավարությունը հատկացրել է 394 մլն դրամ:
Կառավարության հրապարակած լուսանկարներից մեկում Փաշինյանը զրուցում է Սիմոն Մարտիրոսյանի անձնական մարզչի` Աշոտ Փիլոսյանի հետ, սակայն զրույցի մանրամասները չեն ներկայացվում։
Հիշեցնենք, որ դեռ 2022 թվականի դեկտեմբերի 21-ին ԿԳՄՍ փոխնախարար Կարեն Գիլոյանը հայտնել էր, որ մարզադպրոցը պատրաստ կլինի առաջիկա 2 ամսում։
Լրահոս
0