https://arm.sputniknews.ru/20230424/petq-e-pajqarenq-hajvoc-ardar-dati-haghtanaki-hamar-garegin-bn-ugherdz-e-hghel-58653115.html

Պետք է պայքարենք հայոց արդար դատի հաղթանակի համար. Գարեգին Բ

Պետք է պայքարենք հայոց արդար դատի հաղթանակի համար. Գարեգին Բ

Sputnik Արմենիա

Ամենայն հայոց կաթողիկոսն ընդգծել է, որ անհրաժեշտ է կանխել հայ ժողովրդի կյանքում ու աշխարհում ցեղասպան եղեռնագործություններն ու ոճիրները։ 24.04.2023, Sputnik Արմենիա

2023-04-24T09:09+0400

2023-04-24T09:09+0400

2023-04-24T09:35+0400

հայաստան

ամենայն հայոց կաթողիկոս գարեգին բ

հայոց ցեղասպանություն

ապրիլի 24. հայոց ցեղասպանության չմոռացվող էջը

https://cdn.am.sputniknews.ru/img/07e6/04/18/41249330_0:0:1600:901_1920x0_80_0_0_2452673d42ca7055519a8c9340f1c96e.jpg

ԵՐԵՎԱՆ, 24 ապրիլի – Sputnik. Հայ ժողովուրդը պետք է միաբան ու աննկուն կամքով կարողանա դիմագրավել արհավիրքներին ու սպառնալիքներին, պայքարել հայոց արդար դատի հաղթանակի համար։ Մայր աթոռի տեղեկատվական համակարգը ներկայացրել է Ամենայն հայոց կաթողիկոս Գարեգին Բ–ի ուղերձը Հայոց ցեղասպանության սուրբ նահատակների հիշատակի օրվա կապակցությամբ։«Հարյուր և ավելի տարի առաջ 1.5 միլիոն հայորդի իր կյանքի գնով վկայեց հավատարմությունը աստվածաշնորհ մեր հայրենիքին ու հավատքին՝ մերժելով ուրացությունն ու ուծացումը։ Նրանք կենդանի պահեցին իրենց հավատն ու հույսը մեր ժողովրդի վերածննդի հանդեպ։ Ծիծեռնակաբերդի հուշահամալիրը խորհրդանշում է այդ վերածնունդը, որն իրականություն դարձավ հայրենիքի մի փոքր հատվածում անկախ պետականության վերակերտումով, ինչպես և աշխարհի տարբեր երկրներում ցեղասպանությունից փրկված հայորդյաց նոր կյանքի վերընձյուղումով»,– ասված է հաղորդագրությունում։Այսօր Հայաստանում ու Արցախում և ի սփյուռս աշխարհի, ազգովի համախմբված եկեղեցիներում, հուշակոթողների առջև, աղոթք ենք բարձրացնում առ Աստված՝ խնդրելով Հայոց ցեղասպանության սուրբ նահատակների բարեխոսությունը։ Պետք է կարողանանք նպաստել մեր ժողովրդի կյանքում ու աշխարհում ցեղասպան եղեռնագործությունների ու ոճիրների կանխմանը։«Թող Երկնավոր Տերը խաղաղություն ու բարօրություն պարգևի Հայաստան ու Արցախ մեր հայրենիքին, և թող հարուցյալ մեր Տիրոջ՝ Հիսուս Քրիստոսի երկնային շնորհները և սերը բաշխվեն համայն մեր ժողովրդին ու ողջ մարդկությանը այսօր և միշտ. ամեն»,– ասել է կաթողիկոսը։Հիշեցնենք` 1915 թվականին տեղի ունեցած ոճրագործությունը, որի հետևանքով Օսմանյան կայսրությունում ավելի քան 1.5 մլն հայ է սպանվել, ХХ դարի առաջին ցեղասպանությունն է համարվում։ Թուրքիան ավանդաբար մերժում է ցեղասպանություն իրագործելու մեղադրանքներն ու անչափ ցավագին ընդունում այդ հարցի վերաբերյալ քննադատությունները։Հայոց ցեղասպանությունն առաջինը պետական մակարդակով ճանաչել է Ուրուգվայը 1965 թվականին, այնուհետև նրա օրինակին են հետևել ևս 27 երկրներ` Արգենտինան, Ավստրիան, Բելգիան, Բոլիվիան, Բրազիլիան, Կանադան, Չիլին, Կիպրոսը, Չեխիան, Դանիան, Գերմանիան, Հունաստանը, Լատվիան, Լիտվան, Լյուքսեմբուրգը, Նիդեռլանդները, Պարագվայը, Լեհաստանը, Պորտուգալիան, Ռումինիան, Ռուսաստանը, Սիրիան, Սլովակիան, Շվեդիան, Շվեյցարիան, Ֆրանսիան, ԱՄՆ-ն։Հայոց ցեղասպանությունը ճանաչելու մասին նաև հռչակագրեր և բանաձևեր են ընդունել մի շարք միջազգային կազմակերպություններ և միջազգային կառույցներ, այդ թվում՝ Եվրոպայի խորհուրդը և Եվրոպական խորհրդարանը, ինչպես նաև տարբեր երկրների վարչատարածքային միավորներ՝ նահանգներ և քաղաքներ։

2023

Լուրեր

am_HY

հայաստան, ամենայն հայոց կաթողիկոս գարեգին բ, հայոց ցեղասպանություն, ապրիլի 24. հայոց ցեղասպանության չմոռացվող էջը