https://arm.sputniknews.ru/20230427/inchpes-anodachuvov-nkarahanel-sputnikpro-i-varpetutjan-dasy-hajastanci-operatvorneri-hamar-58872043.html

Ինչպես անօդաչուով նկարահանել. SputnikPro-ի վարպետության դասը հայաստանցի օպերատորների համար

Ինչպես անօդաչուով նկարահանել. SputnikPro-ի վարպետության դասը հայաստանցի օպերատորների համար

Sputnik Արմենիա

Sputnik Արմենիա մամուլի կենտրոնում կայացավ լուսանկարելու և տեսանկարահանելու ժամանակ անօդաչուների օգտագործման մասին SputnikPro–ի վարպետության դասը։ 27.04.2023, Sputnik Արմենիա

2023-04-27T22:03+0400

2023-04-27T22:03+0400

2023-04-27T22:06+0400

օպերա

դրոն

նկարահանում

sputnik

https://cdn.am.sputniknews.ru/img/07e7/04/1b/58855806_0:1:1600:901_1920x0_80_0_0_dee1d38f885b01f1295b061cf56f3e86.jpg

ԵՐԵՎԱՆ, 27 ապրիլի – Sputnik. Արբանյակային նավիգացիայի խափանման դեպքում պետք է կարողանալ կողմնորոշվել տեղանքում և թռիչքները ծրագրելիս հաշվի առնել քամու ուղղությունը։ Վարպետության գաղտնիքները հայ օպերատորներին Sputnik Արմենիա միջազգային մամուլի կենտրոնում ներկայացրեց «Ռոսիա սեգոդնյա» մեդիախմբի տեղեկատվական տեխնոլոգիաների տնօրինության մասնագետ Իգոր Մազունինը։ Վարպետության դասն անցկացվեց SputnikPro նախագծի շրջանակում։Անօդաչուներով նկարահանման տեսական մասը ներկայացնելիս` Մազունինը իր մասնագիտական կարիերայում տեղի ունեցած դեպքեր պատմեց։ Մասնավորապես նա ներկայացրեց աղավնիներին և բազեներին որպես տեսախցիկների կրող օգտագործելու փորձը։Մասնագետն առանձին անդրադարձավ թեժ կետերում` Իրաքում, Սիրիայում և Ուկրաինայում, ռազմական գործողությունների գոտում իր աշխատանքային փորձին։ Հայ օպերատորները ծանոթացան ահաբեկիչներից ազատագրած իրաքյան Մոսուլի և Մարիուպոլի բացառիկ կադրերին։Հայաստանցի գործընկերներն իմացան, որ քառաթև անօդաչու թռչող սարքերին (Մազունինը նաև վեցաթև ԱԹՍ է օգտագործում) սպառնում են ոչ միայն դիպուկահարները, ՌԷՊ-ն ու ՀՕՊ-ը, այլև ամենահասարակ էլեկտրագծերը, որոնք գրեթե աննկատ են թռիչքի բարձր արագության դեպքում և հաճախ դրոնների վթարման պատճառ են դառնում։«Ռոսիա սեգոդնյա» մեդիախմբի տեղեկատվական տեխնոլոգիաների տնօրինության ներկայացուցիչը ցուցադրեց նաև տեսանյութեր, որոնցում երևում են, թե ինչպես են Արտյոմովսկում օգտագործվող ԱԹՍ-ներն ամենաանհաջող պահին կպչում կախված լարին և շեղվում ուղղությունից։Վարպետության դասի գործնական մասը տեղի ունեցավ Երևանի կենտրոնում` Շահումյանի հրապարակում։ Տարբեր ԶԼՄ-ները ներկայացնող օպերատորները ցուցադրեցին անօդաչուների գործարկման և կառավարման իրենց գիտելիքները, իսկ Մազունինը ներկայացրեց իր նկատառումներն ու դիտողությունները, թե ինչպես խուսափել իրավիճակներից, որոնք կարող են հանգեցնել դրոնների կառավարումը կորցնելուն։Ի դեպ, քառաթև անօդաչուների թռիչքները սահմանափակված են աշխարհի գրեթե բոլոր քաղաքներում, այդ թվում նաև Երևանում։ Դրոններով նկարահանելու թույլտվություն ստանալու համար անհրաժեշտ է դիմել իրավապահ մարմիններին, այլապես կարող եք տուգանվել։Մասնակիցների կարծիքներըՀանրային հեռուստաալիքի օպերատոր Էդմոն Հակոբյանը ընդգծեց Մազունինի հետ փորձի փոխանակման կարևորությունը, քանի որ նա արդեն երկար տարիներ է աշխատում անօդաչուների հետ և գործնականում կարող է ներկայացնել այն ամենը, ինչը հայ օպերատորները սովորել են միայն տեսականորեն։«Կարծում եմ` ամենակարևորն այն է, որ մենք փորձ ձեռք բերեցինք։ Նա ներկայացրեց իր փորձը, և դա բավական ուսուցողական էր», – ասաց նա։168.am պարբերականի օպերատոր Հենրիխ Մարգարյանն իր հերթին նշեց գործնական մասի անցկացման կարևորությունը, քանի որ, նրա համոզմամբ, անհնար է լավ կառավարել անօդաչուները միայն տեսական գիտելիքներ ունենալով։ Նա վստահեցրեց, որ ինֆորմացիայի փոխանակումն ու անօդաչու տեխնոլոգիաների ոլորտում նորույթների քննարկումը կարևոր է օպերատորի որակավորումը բարձրացնելու համար, հետևաբար միջոցառումը օգտակար կլինի բոլոր մասնակիցների համար։«Տղաները փորձառու են, գուցե ինձնից լավ են նկարահանում, բայց իմ փորձը կարող է նրանց պետք գալ։ Բավականին հետաքրքիր էր հայ գործընկերների հետ շփվել», – Sputnik Արմենիայի թղթակցի հետ զրույցում ասաց Մազունինը։Խոսնակի մասինԻգոր Մազունինն իր մասնագիտական ուղին սկսել է որպես ստուդիայի օպերատոր 1985 թվականին։ Հետագայում եղել է նորությունների արտագնա օպերատոր, բեմադրող օպերատոր, հեռուստանախագծերի ռեժիսոր, կրեատիվ պրոդյուսեր։Նա թաքնված նկարահանումների մասնագետ է։ Աշխատել է Life News–ում և ՌԻԱ Նովոստիիում։2010 թվականից սկսել է զբաղվել աերո, լուսա և տեսանկարահանումների համար նախատեսված անօդաչուների նախագծմամբ և ստեղծմամբ։ Հաջողությամբ կիրառել է իր ստեղծած մոդելները լրատվական ռեպորտաժների նկարահանման համար։ Լուսաբանել է ռազմական գործողությունները Եգիպտոսում, Լիբիայում, Սիրիայում, Իրաքում և Դոնբասում։SputnikPro-ն Sputnik միջազգային տեղեկատվական գործակալության և ռադիոկայանի նախագիծն է լրագրողների, պրոֆիլային բուհերի ուսանողների, մամուլի ծառայությունների աշխատակիցների և մեդիաոլորտի այլ մասնագետների համար։ Նպատակը` արտասահմանյան գործընկերների հետ փորձի փոխանակում, մեդիահաղորդակցության և մասնագիտական կապերի զարգացում։Նախագիծն իրականացվում է 2018թ․-ի մարտից։ Այդ ընթացքում SputnikPro վարպետության դասեր են անցկացվել Աբխազիայում, Ադրբեջանում, Հայաստանում, Բելառուսում, Մոլդովայում, Հունաստանում, Վրաստանում, Հնդկաստանում, Չինաստանում, Ղրղզստանում, Թուրքիայում, Էստոնիայում և Հարավային Օսեթիայում:Ընդհանուր առմամբ, 2018 թվականի մարտից նախագծին մասնակցել է ավելի քան 6000 մարդ 80 երկրներից։

2023

Լուրեր

am_HY

օպերա, դրոն, նկարահանում, sputnik